ನವದೆಹಲಿ: ನಟ ಅಕ್ಷಯ್ ಕುಮಾರ್ ನಟನೆಯ ಮುಂಬರುವ ಲಕ್ಷ್ಮಿ ಬಾಂಬ್ ಚಿತ್ರದ 'ಬುರ್ಜ್ ಖಲೀಫಾ' ಹಾಡಿಗೆ ದುಬೈನಲ್ಲಿ ಸುಡುವ ಮರುಭೂಮಿಯ ಮರಳಿನ ಮೇಲೆ ಬರಿಗಾಲಿನಿಂದ ನೃತ್ಯ ಮಾಡಿದ್ದಾಗಿ ನಟಿ ಕಿಯಾರಾ ಅಡ್ವಾಣಿ ಹೇಳಿದ್ದಾರೆ.
ಹಾಡಿನ ಚಿತ್ರೀಕರಣದ ಬಗ್ಗೆ ಮಾಹಿತಿ ಹಂಚಿಕೊಂಡಿರುವ ನಟಿ ಕಿಯಾರಾ, ಬುರ್ಜ್ ಖಲೀಫಾ ಸಾಂಗ್ ಶೂಂಟಿಗ್ ವೇಳೆ ಸಖತ್ ಎಂಜಾಯ್ ಮಾಡಿರುವುದಾಗಿ ತಿಳಿಸಿದ್ದಾರೆ.
ಒಂದು ಕಮರ್ಷಿಯಲ್ ಸಿನಿಮಾ ಮಾಡಿದ್ರೂ ನಮ್ಮನ್ನು ನಟಿ ಎಂದೇ ಪರಿಗಣಿಸಲಾಗುತ್ತೆ, ಹೀಗಿದ್ದಾಗ ಸಿನಿಮಾ ಅಂತ ಬಂದ್ರೆ ಚಳಿಯಲ್ಲೂ ಶಿಫಾನ್ ಸ್ಯಾರಿ ಹಾಕಬೇಕಾಗುತ್ತೆ, ಮರಳುಗಾಡಿನಲ್ಲೂ ಬರಿ ಕಾಲಿನಲ್ಲಿ ಹೆಜ್ಜೆ ಹಾಕಬೇಕಾಗುತ್ತೆ ಎಂದು ಕಿಯಾರಾ ಹೇಳಿಕೊಂಡಿದ್ದಾರೆ.
ರಾಘವ ಲಾರೆನ್ಸ್ ನಿರ್ದೇಶನದ ಅಕ್ಷಯ್ ಕುಮಾರ್ ಹಾಗೂ ಕಿಯಾರಾ ಅಡ್ವಾಣಿ ನಟನೆಯ ಲಕ್ಷ್ಮಿ ಬಾಂಬ್ ಚಿತ್ರದ ಟ್ರೈಲರ್ ಇತ್ತಿಚೆಗೆ ಆನ್‌ಲೈನ್‌ನಲ್ಲಿ ಬಿಡುಗಡೆಯಾಗಿದೆ.