'ಮಂಕಿ ಸೀನ'ನಿಗೆ ಬಾಳೆಹಣ್ಣು ಉಡುಗೊರೆ ಕೊಟ್ಟ ಅಭಿಮಾನಿಗಳು!

ಡಾಲಿ ಧನಂಜಯ್​ ಅಭಿಮಾನಿಗಳು ಮೈಸೂರಿನ ಗಾಯತ್ರಿ ಚಿತ್ರಮಂದಿರದಲ್ಲಿ ನಡೆದ 'ಪಾಪ್​ ಕಾರ್ನ್​ ಮಂಕಿ ಟೈಗರ್'​ ಸಿನಿಮಾ ಪ್ರದರ್ಶನ ವೇಳೆ ಬಾಳೆಗೊನೆಯನ್ನು ಉಡುಗೊರೆಯಾಗಿ ನೀಡಿದ್ದಾರೆ.

ನಿರ್ದೇಶಕ ಸೂರಿ ಆ್ಯಕ್ಷನ್​ ಕಟ್​ ಹೇಳಿರುವ, ಡಾಲಿ ಧನಂಜಯ್​​​ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಂಡಿರುವ 'ಪಾಪ್​ ಕಾರ್ನ್​ ಮಂಕಿ ಟೈಗರ್' ಸಿನಿಮಾ ಥಿಯೇಟರ್​​ಗಳಲ್ಲಿ ಧೂಳಿಬ್ಬಿಸುತ್ತಿದೆ.

ಇಂದು ಮೈಸೂರಿನ ಗಾಯತ್ರಿ ಚಿತ್ರಮಂದಿರದಲ್ಲಿ ಸಿನಿಮಾದ ವಿಶೇಷ ಪ್ರದರ್ಶನ ಏರ್ಪಡಿಸಲಾಗಿತ್ತು. ಈ ಶೋ ನೋಡಲು ಪಾಪ್​ ಕಾರ್ನ್​ ಮಂಕಿ ಟೈಗರ್​ ತಂಡ ಗಾಯತ್ರಿ ಚಿತ್ರ ಮಂದಿರಕ್ಕೆ ಭೇಟಿ ನೀಡಿತ್ತು. ಈ ವೇಳೆ ಮಂಕಿ ಸೀನನಿಗೆ ಅಭಿಮಾನಿಗಳು ಬಾಳೆಹಣ್ಣು ಗಿಫ್ಟ್ ಕೊಟ್ಟರು.

ವಿಶೇಷ ಪ್ರದರ್ಶನ ನಡೆಯುತ್ತಿದ್ದ ಚಿತ್ರ ಮಂದಿರದ ಸುತ್ತ ಸಾವಿರಾರು ಅಭಿಮಾನಿಗಳು ಜಮಾಯಿಸಿದ್ದು, ಧನಂಜಯ್​ಗೆ ಬಾಳೆಗೊನೆ ಗಿಫ್ಟ್​​ ಮಾಡಿದ್ದಾರೆ. ಈ ಫೋಟೋವನ್ನು ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಶೇರ್​​ ಮಾಡಿರುವ ಧನಂಜಯ್​, ಇದು ನೀವಿತ್ತ ದೊಡ್ಡ ಬಹುಮಾನ ಎಂದು ಬರೆದುಕೊಂಡಿದ್ದಾರೆ.

ಪಾಪ್​ ಕಾರ್ನ್​ ಮಂಕಿ ಟೈಗರ್ ಚಿತ್ರದಲ್ಲಿ ಧನಂಜಯ್​ಗೆ ಮಂಕಿ ಸೀನ ಎಂಬ ಹೆಸರನ್ನಿಡಲಾಗಿದೆ.