ಪ್ರೇಮಿಗಳ ದಿನದಂದೇ ಬಂತು 'ಏಕ್​​ ಲವ್​ ಯಾ' ಟೀಸರ್​​: ಬೋಲ್ಡ್​​​ ಲುಕ್​ನಲ್ಲಿ ಗುಳಿಕೆನ್ನೆ ಚೆಲುವೆ!

ಪ್ರೇಮ್​ ನಿರ್ದೇಶನದ ಏಕ್​ ಲವ್​​ ಯಾ ಸಿನಿಮಾದ ಟೀಸರ್​ ರಿಲೀಸ್​ ಆಗಿದೆ. ಟೀಸರ್​ನಲ್ಲಿ ರಚಿತಾ ರಾಮ್​ ಬೋಲ್ಡ್​ ಲುಕ್​​ ರಿವೀಲ್​ ಆಗಿದೆ.

ಇಂದು ಎಲ್ಲಾ ಪ್ರೇಮಿಗಳು ಗರಿ ಬಿಚ್ಚಿ ಬಾನೆತ್ತರಕ್ಕೆ ಹಾರಿ ಸಂತೋಷ ಪಡುವ ದಿನ. ಯಾಕಂದ್ರೆ ಇಂದು ವಿಶ್ವ ಪ್ರೇಮಿಗಳ ದಿನ. ಈ ದಿನದಂದೇ ಪ್ರೇಮ್​​ ನಿರ್ದೇಶನದ ಏಕ್​​ ಲವ್​ ಯಾ ಸಿನಿಮಾದ ಮೊಟ್ಟ ಮೊದಲ ಟೀಸರ್​ ರಿಲೀಸ್​​ ಆಗಿದೆ.

ಈ ಚಿತ್ರದಲ್ಲಿ ಪ್ರೇಮ್​ ಅಳಿಯ ರಾಣ ಮೊದಲ ಬಾರಿಗೆ ನಾಯಕನಾಗಿ ಕಾಣಿಸಿಕೊಂಡ್ರೆ, ನಾಯಕಿಯಾಗಿ ರೀಶ್ಮಾ ನಟಿಸಿದ್ದಾರೆ. ಏಕ್​​ ಲವ್​​ ಯಾ ಸಿನಿಮಾಲ್ಲಿ ರಚಿತಾ ರಾಮ್​ ಕೂಡ ಅಭಿನಯಿಸಿದ್ದು, ಬೋಲ್ಡ್​​ ಹುಡುಗಿಯ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಪ್ರೀತಿಯಲ್ಲಿ ಸಮಾನ್ಯವಾಗಿ ನಡೆಯುವ ಯಾತನೆ, ವಿರಹ, ನಗು, ಅಳುವನ್ನು ಮಿಶ್ರಣ ಮಾಡಿ ಹೊಸದೊಂದು ಪ್ರೇಮ ಕಥೆಯನ್ನು ಪ್ರೇಮ್​ ತೋರಿಸಲು ಹೊರಟಿದ್ದಾರೆ. ಚಿತ್ರಕ್ಕೆ ಅರ್ಜುನ್​ ಜನ್ಯ ಸಂಗೀತವಿದ್ದು, ರಕ್ಷಿತಾ ಪ್ರೇಮ್​​ ಬಂಡವಾಳ ಹೂಡಿದ್ದಾರೆ.