ಬೆಂಗಳೂರು:ನಟ ದುನಿಯಾ ವಿಜಯ್ ತಮ್ಮ 46ನೇ ವರ್ಷದ ಹುಟ್ಟುಹಬ್ಬ ಹಾಗೂ ಸಲಗ ಚಿತ್ರದ ಟೀಸರ್ ಬಿಡುಗಡೆ ಸಂದರ್ಭ ಕತ್ತಿಯಿಂದ ಕೇಕ್ ಕಟ್ ಮಾಡುವ ಮೂಲಕ ಯಡವಟ್ಟು ಮಾಡಿಕೊಂಡಿದ್ದಾರೆ.
ಬೆಂಗಳೂರಿನ ಹೊಸಕೇರಿಹಳ್ಳಿಯ ತಮ್ಮ ನಿವಾಸದಲ್ಲಿ ಕುಟುಂಬಸ್ಥರು ಹಾಗೂ ಅಭಿಮಾನಿಗಳೊಂದಿಗೆ ಕತ್ತಿಯಲ್ಲಿ ಕೇಕ್ ಕಟ್ ಮಾಡಿ ಹುಟ್ಟುಹಬ್ಬ ಸೆಲಬ್ರೇಟ್ ಮಾಡಿದರು. ಇದೀಗ ಮತ್ತೆ ಸ್ಟೇಷನ್‌ ಮೆಟ್ಟಿಲೇರುವ ಪರಿಸ್ಥಿತಿ ನಿರ್ಮಾಣ ಮಾಡಿಕೊಂಡಿದ್ದಾರೆ. ಯಾಕಂದ್ರೆ ಬರ್ತ್ ಡೇ ಆಚರಣೆ ವೇಳೆ ಕತ್ತಿಯಲ್ಲಿ ಕೇಕ್ ಕತ್ತರಿಸಿದ್ದಾರೆ. ಯಾವುದೇ ಆಯುಧಗಳನ್ನು ಸಾರ್ವಜನಿಕವಾಗಿ ಬಳಸುವುದು, ಪ್ರದರ್ಶಿಸುವುದು ಆರ್ಮ್ಸ್ ಆಕ್ಟ್ ಅಡಿ ಅಪರಾಧವಾಗುತ್ತೆ.
ಅದು ಕೂಡ ಐದು ಇಂಚಿಗೂ ಉದ್ದದ ಕತ್ತಿಯನ್ನು ಬಳಸುವಂತಿಲ್ಲ, ಇಟ್ಟುಕೊಳ್ಳುವಂತಿಲ್ಲ. ಹಾಗೇನಾದ್ರೂ ಕತ್ತಿ ಇಟ್ಟುಕೊಳ್ಳಬೇಕಿದ್ರೆ ಲೈಸನ್ಸ್ ಪಡೆಯಬೇಕು. ಲೈಸನ್ಸ್ ಪಡೆಯದೇ ಆಯುಧ ಇಟ್ಟುಕೊಂಡರೆ ಅಥವಾ ಬಳಸಿದರೆ ಪೊಲೀಸರು ಅಂತಹವರ ವಿರುದ್ಧ ಆರ್ಮ್ಸ್ ಆಕ್ಟ್ ಅಡಿ ಕೇಸ್ ಬುಕ್ ಮಾಡ್ತಾರೆ. ಸದ್ಯ ಗಿರಿನಗರ ಪೊಲೀಸರು ದುನಿಯಾ ವಿಜಿ ಕೇಕ್ ಕಟ್ ಮಾಡಿರೋ ವಿಡಿಯೋ ಪರಿಶೀಲನೆ ಮಾಡ್ತಿದ್ದು, ಕತ್ತಿ ಐದು ಇಂಚಿಗೂ ಉದ್ದ ಇರೋದು ಕಂಡು ಬಂದರೆ ನಟ ದುನಿಯಾ ವಿಜಿ ವಿರುದ್ಧ ಆರ್ಮ್ಸ್ ಕಾಯ್ದೆ ಅಡಿ ಕೇಸ್ ಬುಕ್ ಮಾಡಲಾಗುವುದು ಎಂದು ದಕ್ಷಿಣಾ ವಿಭಾಗ ಡಿಸಿಪಿ ರೋಹಿಣಿ ಸಪೆಟ್ ತಿಳಿಸಿದ್ದಾರೆ.
ಇದೇ ವೇಳೆ ಕುಟುಂಬಸ್ಥರು ಹಾಗೂ ಅಭಿಮಾನಿಗಳು ಮನೆಯ ಬಳಿ ಕಿಕ್ಕಿರಿದು ಸೇರಿದ್ರು. ಆದರೆ ಹೊಸಕೇರೆಹಳಿ ಸಾರ್ವಜನಿಕರಿಗೆ ದುನಿಯಾ ವಿಜಿ ಬರ್ತ್ ಡೇ ಸೆಲೆಬ್ರೇಷನ್ನಿಂದ ತೊಂದರೆಯಾಗಿದೆ ಎಂದು ಬೆಂಗಳೂರು ನಗರ ಪೊಲೀಸರ ಫೇಸ್ಬುಕ್ ಪೇಜ್ನಲ್ಲಿ ದೂರು ನೀಡಿದ್ದಾರೆ.