ತಾಯಿಯ ಸಮಾಧಿ ಪಕ್ಕದಲ್ಲೇ ತಂದೆಯ ಅಂತ್ಯಕ್ರಿಯೆ ನಡೆಸಿದ ದುನಿಯಾ ವಿಜಯ್

ನಟ ದುನಿಯಾ ವಿಜಯ್ (Actor duniya vijay) ತಂದೆ ರುದ್ರಪ್ಪ (81) ಅವರ ಅಂತ್ಯಕ್ರಿಯೆಯು ಆನೇಕಲ್​ನ ಕುಂಬಾರನಹಳ್ಳಿಯಲ್ಲಿ ನಡೆಯಿತು.

ಬೆಂಗಳೂರು:ವಯೋಸಹಜ ಕಾಯಿಲೆಯಿಂದ ನಿಧನರಾದ ನಟ ದುನಿಯಾ ವಿಜಯ್ (Actor duniya vijay) ತಂದೆ ರುದ್ರಪ್ಪ (81) ಅವರ ಅಂತ್ಯಕ್ರಿಯೆ ಆನೇಕಲ್​​​​​​ನ ಕುಂಬಾರನಹಳ್ಳಿಯಲ್ಲಿ ನೆರವೇರಿತು. ತಮ್ಮ ತಾಯಿಯ ಸಮಾಧಿ ಪಕ್ಕದಲ್ಲಿಯೇ ಅಂತ್ಯಕ್ರಿಯೆ ದುನಿಯಾ ವಿಜಿ ತಂದೆಯ ಅಂತ್ಯಸಂಸ್ಕಾರ (duniya vijay father funeral) ನಡೆಸಿದರು.

ರುದ್ರಪ್ಪ ಅವರು ಬೆಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಗುರುವಾರ ವಿಧಿವಶರಾಗಿದ್ದರು. ತೀವ್ರ ಅಸ್ವಸ್ಥರಾಗಿದ್ದ ಅವರನ್ನು 2 ದಿನದ ಹಿಂದೆ ಇಲ್ಲಿನ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಿಸದೇ ನಿಧನ ಹೊಂದಿದ್ದರು. ಕಳೆದ ಜುಲೈನಲ್ಲಿ ವಿಜಯ್​ ಅವರ ತಾಯಿ ನಾರಾಯಣಮ್ಮ ಕೂಡ ಕೊನೆಯುಸಿರೆಳೆದಿದ್ದರು.

ದುನಿಯಾ ವಿಜಯ್ ತಂದೆ-ತಾಯಿ

ಮೂಲತಃ ಆನೇಕಲ್​ನ(duniya vijay father funeral in Anekal) ಕುಂಬಾರನಹಳ್ಳಿಯವರೇ ಆದ ರುದ್ರಪ್ಪರ ಅಂತಿಮ ಯಾತ್ರೆ ವೇಳೆ ಮಳೆ ಅಡ್ಡಿಯುಂಟುಮಾಡಿತು. ದೂರದ ಸಂಬಂಧಿಕರಿಗೆ ಅಂತ್ಯಕ್ರಿಯೆಯು ಶುಕ್ರವಾರ ನಡೆಯಲಿದೆ ಎಂಬ ತಪ್ಪು ಮಾಹಿತಿ ಹಿನ್ನೆಲೆ ಅಂತಿಮ ದರ್ಶನ ಸಾಧ್ಯವಾಗಲಿಲ್ಲ.

ಇದನ್ನೂ ಓದಿ:ಭಾರಿ ಮಳೆ ಮುನ್ಸೂಚನೆ; ರಾಜ್ಯದ 7 ಜಿಲ್ಲೆಗಳಲ್ಲಿ ಇಂದು, ನಾಳೆ ಶಾಲಾ-ಕಾಲೇಜುಗಳಿಗೆ ರಜೆ