'ಅದ್ಧೂರಿ' ಹುಡುಗನನ್ನು ವಿವಾಹಿತರ ಸಂಘಕ್ಕೆ ಸ್ವಾಗತಿಸಿದ ಗಣೇಶ್​​

ಧ್ರುವ ಸರ್ಜಾ, ಗೋಲ್ಡನ್​ ಸ್ಟಾರ್​ ಗಣೇಶ್​​​ಗೆ ಮದುವೆಯ ಆಮಂತ್ರಣ ಪತ್ರಿಕೆ ನೀಡಿ ಆಹ್ವಾನಿಸಿದ್ದಾರೆ. ಮದುವೆ ಪತ್ರಿಕೆಯನ್ನು ಕೊಡುತ್ತಿರುವ ಫೋಟೋ ಒಂದನ್ನು ತಮ್ಮ ಟ್ವಿಟರ್​​​​​​ ಖಾತೆಯಲ್ಲಿ ಹಂಚಿಕೊಂಡಿರುವ ಗಣೇಶ್,​​ ಕ್ಯಾಚಿ ಬರಹ ಬರೆದಿದ್ದಾರೆ.

ಧ್ರುವ ಸರ್ಜಾ ಇದೇ ತಿಂಗಳ 23 ಮತ್ತು 24ರಂದು ಪ್ರೇರಣಾ ಶಂಕರ್​​ ಜೊತೆ ಸಪ್ತಪದಿ ತುಳಿಯಲು ರೆಡಿಯಾಗಿದ್ದಾರೆ. ತಮ್ಮ ಮದುವೆಯ ಆಮಂತ್ರಣ ಪತ್ರಿಕೆಯನ್ನು ಈಗಾಗಲೇ ಎಲ್ಲರಿಗೂ ಹಂಚಲು ಶುರು ಮಾಡಿದ್ದಾರೆ. ಇತ್ತೀಚೆಗೆ ನಿನಾಸಂ ಸತೀಶ್​ ಮತ್ತು ಪ್ರಥಮ್​​ಗೆ ಆಹ್ವಾನಿಸಿದ ವಿಚಾರವನ್ನು ಸೋಷಿಯಲ್​​ ಮಿಡಿಯಾದಲ್ಲಿ ಶೇರ್​​ ಮಾಡಲಾಗಿತ್ತು.

ಇದೀಗ ಗೋಲ್ಡನ್​ ಸ್ಟಾರ್​ ಗಣೇಶ್​​​ಗೆ ಮದುವೆಯ ಆಮಂತ್ರಣ ಪತ್ರಿಕೆಯನ್ನು ನೀಡಿ ಆಹ್ವಾನಿಸಿದ್ದಾರೆ. ಮದುವೆ ಪತ್ರಿಕೆಯನ್ನು ಕೊಡುತ್ತಿರುವ ಫೋಟೋವೊಂದನ್ನು ತಮ್ಮ ಟ್ವಿಟರ್​​​​​​ ಖಾತೆಯಲ್ಲಿ ಹಂಚಿಕೊಂಡಿರುವ ಗಣೇಶ್,​​ ಕ್ಯಾಚಿ ಬರಹ ಬರೆದಿದ್ದಾರೆ.

ಮದುವೆಯ ಮಮತೆಯ ಕರೆಯೋಲೆ. ಪ್ರೀತಿಯ ಧ್ರುವ ಸರ್ಜಾರ ಮದುವೆ ಇದೇ 24ಕ್ಕೆ ಇದೆ. ಅಂದಿನಿಂದ ನೀನು ವಿವಾಹಿತನಾಗುವೆ. ಹಾಗಾಗಿ ಮದುವೆಯಾದವರ ಸಂಘಕ್ಕೆ ನಿನಗೆ ಸ್ವಾಗತ ಎಂದು ಗಣೇಶ್​​ ಕೀಟಲೆ ಮಾಡಿದ್ದಾರೆ. (Dear @DhruvaSarja from 24th you vll be a married man,welcome to the club...Congratulations)