ಬೆಂಗಳೂರು :ಚಂದನವನದಲ್ಲಿ ಎವರ್ ಗ್ರೀನ್ ಸ್ಟಾರ್ ಯಾರು ಎಂದು ಕೇಳಿದರೆ ಥಟ್ಟನೆ ನೆನಪಾಗುವ ಮೊದಲ ಹೆಸರು ಡಾ. ಶಿರವರಾಜ್ ಕುಮಾರ್. ಸೆಂಚುರಿ ಸ್ಟಾರ್ ಶಿವಣ್ಣ ಇದೀಗ ತಮ್ಮ ವೆಬ್ ಸಿರೀಸ್ ಚಿತ್ರೀಕರಣದಲ್ಲಿ ಕೊಂಚ ಬ್ಯುಸಿಯಾ್ಗಿದ್ದಾರೆ. ಇತ್ತೀಚಿಗೆ ಶಿವರಾಜ್ ಕುಮಾರ್ ಹಾಗೂ ನಿವೇದಿತಾ ಶಿವರಾಜ್ ಕುಮಾರ್ ಅವರ ಶ್ರೀ ಮುತ್ತು ಹಾಗೂ ಸಕ್ಕತ್ ಸ್ಟುಡಿಯೋ ಸಹಾಯದಿಂದ ‘ಹನಿಮೂನ್’ ಎಂಬ ವೆಬ್ ಸಿರೀಸ್ಗೆ ಚಿತ್ರೀಕರಣ ಮಾಡಲಾಗಿದೆ. ಈ ಚಿತ್ರೀರಕರಣವನ್ನು ಕೇರಳದ ಅಲ್ಲೆಪಿ ಎಂಬ ಜಾಗದಲ್ಲಿ ಮಾಡಲಾಗಿದೆ. ಇದರಿಂದ ಅಲ್ಲೆಪ್ಪಿಯಲ್ಲಿ ಚಿತ್ರೀಕರಣಗೊಂಡ ಭಾರತದ ಮೊದಲ ವೆಬ್ ಸರಣಿ ಹನಿಮೂನ್ ಎಂದು ಹೇಳಲಾಗ್ತಿದೆ.
ಇನ್ನು ಹನಿಮೂನ್ನಲ್ಲಿ ನಾಗಭೂಷಣ್ ಮತ್ತು ಸಂಜನಾ ಮುಖ್ಯ ಭೂಮಿಕೆಯಲ್ಲಿ ಕಾಣ ಸಿಗಲಿದ್ದಾರೆ. ಹನಿಮೂನ್ನಲ್ಲಿ ಹೆಚ್ಚು ಮಂದಿ ಮಲಯಾಳಂ ಕಲಾವಿದರೂ ಅಭಿನಯಿಸಿದ್ದಾರಂತೆ. ಕನ್ನಡದ ಬಹದ್ದೂರ್, ಭರ್ಜರಿ ಹಾಗೂ ಯಜಮಾನ ಸಿನಿಮಾಗಳನ್ನು ಕ್ಯಾಮೆರಾದಲ್ಲಿ ಸೆರೆ ಹಿಡಿದಿದ್ದ ಶ್ರೀಶ ಕೂದುವಳ್ಳಿ ಹನಿಮೂನ್ನನ್ನು ಚಿತ್ರೀಕರಿಸಿದ್ದಾರೆ. ವಾಸುಕಿ ವೈಭವ್ರ ಸಂಗೀತ ಸಂಯೋಜನೆಯಲ್ಲಿ ಈ ವೆಬ್ ಸಿರೀಸ್ ಮೂಡಿಬರಲಿದೆ.