'ಗಿಫ್ಟ್ ಬಾಕ್ಸ್' ಪೋಸ್ಟರ್ ಹಾಗೂ ಟೈಟಲ್ನಿಂದಲೇ ಸ್ಯಾಂಡಲ್ವುಡ್ನಲ್ಲಿ ಗುರುತಿಸಿಕೊಳ್ಳುತ್ತಿರುವ ಸಿನಿಮಾ. ಸೈಲೆಂಟಾಗಿ ಶೂಟಿಂಗ್ ಮುಗಿಸಿ, ರಿಲೀಸ್ಗೆ ಸಜ್ಜಾಗಿರುವ 'ಗಿಫ್ಟ್ ಬಾಕ್ಸ್' ಸಿನಿಮಾದ ಆಡಿಯೋ ಹಾಗೂ ಟ್ರೇಲರ್ ಬಿಡುಗಡೆ ಸಮಾರಂಭವನ್ನು ನಿನ್ನೆ ಏರ್ಪಡಿಸಲಾಗಿತ್ತು.
ಡಾಲಿ ಧನಂಜಯ್, ತಮ್ಮ ಮೈಸೂರು ಸ್ನೇಹಿತರಿಗಾಗಿ 'ಗಿಫ್ಟ್ ಬಾಕ್ಸ್' ಸಿನಿಮಾ ಆಡಿಯೋವನ್ನು ಬಿಡುಗಡೆ ಮಾಡಿ ಚಿತ್ರತಂಡಕ್ಕೆ ಶುಭ ಕೋರಿದರು. 'ಪಲ್ಲಟ' ಎಂಬ ಸಿನಿಮಾ ಮಾಡಿದ್ದ ನಿರ್ದೇಶಕ ರಘು ಎಸ್.ಪಿ. ಈ ಬಾರಿ 'ಲಾಕ್ಡ್‌ ಇನ್‌ ಸಿಂಡ್ರೋಮ್‌' ಎಂಬ ಕಾಯಿಲೆ ಜೊತೆಗೆ ಮಾನವ ಕಳ್ಳ ಸಾಗಾಣಿಕೆಯ ಕಥೆಯನ್ನು ಈ ಚಿತ್ರದ ಮೂಲಕ ಹೇಳಲು ಬರುತ್ತಿದ್ದಾರೆ. ರಿತ್ವಿಕ್ ಮಠದ್ ಎಂಬ ಯುವ ಪ್ರತಿಭೆ ಈ ಸಿನಿಮಾದಲ್ಲಿ ಮೂರು ಶೇಡ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇನ್ನು ಪೋಸ್ಟರ್‌ನಲ್ಲಿ ಹೈಲೈಟ್ ಆಗಿರುವ ನಟಿ ದೀಪ್ತಿ ಮೋಹನ್‌, ಆ ಪಾತ್ರಕ್ಕಾಗಿ ಬಹಳ ಕಷ್ಟಪಟ್ಟಿದ್ದಾರಂತೆ. ಕನಿಷ್ಠ 6 ಗಂಟೆಗಳ ಕಾಲ ಮೇಕಪ್‌ ಮಾಡಿಕೊಂಡು ಅಭಿನಯಿಸುವುದು ಚಾಲೆಂಜಿಂಗ್ ಆಗಿತ್ತಂತೆ.
ಅಮಿತಾ ಕುಲಾಲ್ ಈ ಚಿತ್ರದಲ್ಲಿ ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಜೊತೆಗೆ ಮುರಳಿ ಗುಂಡಣ್ಣ, ಶಿವಾಜಿರಾವ್ ಜಾಧವ್ ಹೀಗೆ ಸಾಕಷ್ಟು ಕಲಾವಿದರು ಈ ಚಿತ್ರದಲ್ಲಿ ನಟಿಸಿದ್ದಾರೆ. ರಾಘವೇಂದ್ರ ಬಿ.ಆರ್. ಬರೆದಿರುವ ಸಾಹಿತ್ಯಕ್ಕೆ ವಾಸು ದೀಕ್ಷಿತ್ ಸಂಗೀತ ಸಂಯೋಜಿಸಿದ್ದಾರೆ. ಎಂ.ಬಿ.ರಾಘವೇಂದ್ರ ಈ ಚಿತ್ರಕ್ಕೆ ಕ್ಯಾಮರಾ ವರ್ಕ್ ಮಾಡಿದ್ದಾರೆ. 'ಹಳ್ಳಿ ಚಿತ್ರ' ನಿರ್ಮಾಣ ಸಂಸ್ಥೆ ಈ ಸಿನಿಮಾವನ್ನು ನಿರ್ಮಿಸುತ್ತಿದೆ. 'ಲಾಕ್ಡ್‌ ಇನ್‌ ಸಿಂಡ್ರೋಮ್‌' ಮತ್ತು ಹ್ಯೂಮನ್‌ ಟ್ರಾಫಿಕಿಂಗ್‌ ಎರಡೂ ಸೇರಿ ಇದೊಂದು ಸಸ್ಪೆನ್ಸ್ ಥ್ರಿಲ್ಲರ್ ಚಿತ್ರ ಎನಿಸಿದೆ. ಟ್ರೇಲರ್ ಕೂಡಾ ವೆರೈಟಿಯಾಗಿದ್ದು, ಮುಂದಿನ ವರ್ಷ 'ಗಿಫ್ಟ್ ಬಾಕ್ಸ್' ಪ್ರೇಕ್ಷಕರ ಮುಂದೆ ಬರಲಿದೆ.
