ಬಿಡುಗಡೆಗೂ ಮೊದಲೇ ಪೈರಸಿ ವೆಬ್​ಸೈಟ್​ಗಳಲ್ಲಿ ಕಾಣಿಸಿಕೊಂಡ 'ಜಗಮೆ ತಾಂಧಿರಾಮ್'!

ತಮಿಳು ನಟ ಧನುಷ್ ಅವರ ಚಿತ್ರ ಜಗಮೆ ತಾಂಧಿರಾಮ್​​ಗೆ ಪೈರಸಿ ಕಾಟ ಶುರುವಾಗಿದೆ. ಈ ಚಿತ್ರವು ಇಂದು ಮಧ್ಯಾಹ್ನ 12: 30 ರಿಂದ ನೆಟ್‌ಫ್ಲಿಕ್ಸ್‌ನಲ್ಲಿ ಪ್ರಸಾರವಾಯಿತು. ಆದರೆ, ಚಂದಾದಾರರು ಅದನ್ನು ನೋಡುವ ಮೊದಲೇ ಜಗಮೆ ತಾಂಧಿರಾಮ್ ಪೈರಸಿ ವೆಬ್​ಸೈಟ್​ಗಳಲ್ಲಿ ಕಾಣಿಸಿಕೊಂಡಿದೆ.

"ಸಲ್ಮಾನ್ ಖಾನ್ ಅಭಿನಯದ ರಾಧೆ: ಯುವರ್ ಮೋಸ್ಟ್ ವಾಂಟೆಡ್ ಭಾಯ್'' ನಂತರ, ಈಗ ತಮಿಳು ಸ್ಟಾರ್​ ನಟ ಧನುಷ್ ಅವರ ಚಿತ್ರ ಜಗಮೆ ತಾಂಧಿರಾಮ್​​ಗೆ ಪೈರಸಿ ಕಾಟ ಶುರುವಾಗಿದೆ. ತಮಿಳುರಾಕರ್ಸ್ ಮತ್ತು ಟೆಲಿಗ್ರಾಮ್​ನಲ್ಲಿ ಕಿಡಿಗೇಡಿಗಳು ಜಗಮೆ ತಂಧಿರಾಮ್ ಅನ್ನು ಲೀಕ್​ ಮಾಡಿದ್ದಾರೆ. ಈ ಚಿತ್ರವು ಇಂದು ಮಧ್ಯಾಹ್ನ 12: 30 ರಿಂದ ನೆಟ್‌ಫ್ಲಿಕ್ಸ್‌ನಲ್ಲಿ ಪ್ರಸಾರವಾಯಿತು. ಆದರೆ, ಚಂದಾದಾರರು ಅದನ್ನು ನೋಡುವ ಮೊದಲೇ ಜಗಮೆ ತಾಂಧಿರಾಮ್ ಪೈರಸಿ ವೆಬ್​ಸೈಟ್​ಗಳಲ್ಲಿ ಕಾಣಿಸಿಕೊಂಡಿದೆ.

ಕಾರ್ತಿಕ್​ ಸುಬ್ಬರಾಜು ನಿರ್ದೇಶನದ ಈ ಚಿತ್ರದಲ್ಲಿ ಧನುಷ್​​ ಸೇರಿದಂತೆ ಐಶ್ವರ್ಯ ಲಕ್ಷ್ಮಿ, ಜೋಜು ಜಾರ್ಜ್​, ಕಲೈರಸನ್ , ಶರತ್​ ರವಿ, ಜೇಮ್ಸ್​​ ಕೋಸ್ಮೊ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಜಗಮೆ ತಾಂಧಿರಾಮ್ ಆರಂಭದಲ್ಲಿ ಥಿಯೇಟರ್​​ನಲ್ಲಿಯೇ ಬಿಡುಗಡೆ ಮಾಡಲು ಯೋಜಿಸಲಾಗಿತ್ತು. ಆದರೆ, ಕೊರೊನಾ ಲಾಕ್​ಡೌನ್​​ ಕಾರಣಕ್ಕೆ ಚಿತ್ರಮಂದಿರಗಳನ್ನು ಬಂದ್​ ಮಾಡಿದ್ದರಿಂದ OTT ಯಲ್ಲಿ ಸಿನಿಮಾ ಬಿಡುಗಡೆಯಾಗಿದೆ.

ಜಗಮೆ ತಂಧಿರಾಮ್​ ​ನಲ್ಲಿ ಧನುಷ್​ ದರೋಡೆಕೋರನಾಗಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರ ಒಳ್ಳೆಯ ಮತ್ತು ಕೆಟ್ಟದ್ದರ ನಡುವೆ ಆರಿಸಬೇಕಾದ ಅಲೆಮಾರಿ ದರೋಡೆಕೋರನ ಕಥೆಯನ್ನು ಹೇಳುತ್ತದೆ. ಸಿನಿಮಾ ತಯಾರಕರು ಇಂದು ಒಟಿಟಿಯಲ್ಲಿ ಬಿಡುಗಡೆ ಮಾಡಲು ಕಾಯುತ್ತಿದ್ದರೆ, ಜಗಮೆ ತಂಧಿರಾಮ್ ಹೆಚ್‌ಡಿ ಗುಣಮಟ್ಟದಲ್ಲಿ ಉಚಿತ ಡೌನ್‌ಲೋಡ್‌ಗೆ ಪೈರಸಿ ಜಾಲತಾಣಗಳು ಈಗಾಗಲೇ ಬಿಡುಗಡೆ ಮಾಡಿವೆ.

ಬಾಲಿವುಡ್​​​ನ ರಾಧೆ: ಯುವರ್ ಮೋಸ್ಟ್ ವಾಂಟೆಡ್ ಭಾಯ್ ವಾಟ್ಸ್​ಆ್ಯಪ್​ ಮತ್ತು ಟೆಲಿಗ್ರಾಮ್ ಮೂಲಕ ಪೈರಸಿಗೆ ಒಳಗಾಗಿತ್ತು. ಪೈರಸಿಯಿಂದ ಉಂಟಾದ ಹಾನಿಯನ್ನು ನಿಯಂತ್ರಿಸಲು ಜಗಮೆ ತಾಂಧಿರಾಮ್ ಸಿನಿಮಾ ತಯಾರಕರು ಯಾವ ಕ್ರಮಗಳನ್ನು ತೆಗೆದುಕೊಳ್ಳುತ್ತಾರೆ ಎಂಬುದು ಇನ್ನೂ ತಿಳಿದು ಬಂದಿಲ್ಲ.