ಸೆಟ್ಟೇರಿತು ಡಾಲಿ ಅಭಿನಯದ ರತ್ನನ್‌ಪ್ರಪಂಚ!!

ಸಿನಿಮಾದಲ್ಲಿ ಡಾಲಿ ಧನಂಜಯ್ ಜತೆಯಾಗಿ ರೆಬಾ ಜಾನ್ ಜೋಡಿಯಾಗಿದ್ದಾರೆ‌. ಉಮಾಶ್ರೀ ಈ ಚಿತ್ರದಲ್ಲಿ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ರವಿಶಂಕರ್ ಗೌಡ ಕೂಡ ಸ್ಪೆಷಲ್ ಪಾತ್ರ ಮಾಡ್ತಿದ್ದಾರೆ..

ಕನ್ನಡ ಚಿತ್ರರಂಗ ನಿಧಾನಕ್ಕೆ ಕೊರೊನಾಗೆ ಸೆಡ್ಡು ಹೊಡೆದಿದೆ. ಸಿನಿಮಾ ಮುಹೂರ್ತ, ಚಿತ್ರೀಕರಣ ಸದ್ದಿಲ್ಲದೇ ನಡೆಯುತ್ತಿವೆ. ಕೆಲವು ದಿನಗಳ ಹಿಂದೆ ಶಿವರಾಜ್ ಕುಮಾರ್ ಭಜರಂಗಿ-2, ಯಶ್ ಕೆಜಿಎಫ್ ಚಾಪ್ಟರ್-2 ಸಿನಿಮಾ ಚಿತ್ರೀಕರಣ ಆರಂಭವಾಗಿವೆ. ಇದೀಗ ಡಾಲಿ ಧನಂಜಯ್ ಅಭಿನಯದ ರತ್ನನ್​ ಪ್ರಪಂಚ ಸಿನಿಮಾ ಮುಹೂರ್ತ ಕಂಡಿದೆ.

ಡಾಲಿ ಧನಂಜಯ್ ಹುಟ್ಟುಹಬ್ಬಕ್ಕೆ ರತ್ನನ್ ಪ್ರಪಂಚ ಚಿತ್ರದ ಪೋಸ್ಟರ್ ರಿಲೀಸ್ ಮಾಡಿದ ಚಿತ್ರತಂಡ, ಈಗ ಕಂಠೀರವ ಸ್ಟುಡಿಯೋದಲ್ಲಿ ರತ್ನನ್ ಪ್ರಪಂಚ ಮುಹೂರ್ತ ನೆರವೇರಿಸಿದೆ. ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಈ ಚಿತ್ರಕ್ಕೆ ಕ್ಲಾಪ್ ಮಾಡಿದ್ದು, ಕೆಜಿಎಫ್ ನಿರ್ದೇಶಕ ಪ್ರಶಾಂತ್ ನೀಲ್ ಈ ಸಿನಿಮಾಕ್ಕೆ ಕ್ಯಾಮೆರಾ ಚಾಲನೆ ಮಾಡಿದ್ದಾರೆ.

ಸಿನಿಮಾದಲ್ಲಿ ಡಾಲಿ ಧನಂಜಯ್ ಜತೆಯಾಗಿ ರೆಬಾ ಜಾನ್ ಜೋಡಿಯಾಗಿದ್ದಾರೆ‌. ಉಮಾಶ್ರೀ ಈ ಚಿತ್ರದಲ್ಲಿ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ರವಿಶಂಕರ್ ಗೌಡ ಕೂಡ ಸ್ಪೆಷಲ್ ಪಾತ್ರ ಮಾಡ್ತಿದ್ದಾರೆ. ಯುವ ನಿರ್ದೇಶಕ ರೋಹಿತ್ ಪದಕಿ ನಿರ್ದೇಶನ ಮಾಡುತ್ತಿದ್ದು, ಹೊಂಬಾಳೆ ಬ್ಯಾನರ್ ಕಾರ್ಯಕಾರಿ ನಿರ್ಮಾಕರಾಗಿರುವ ಕಾರ್ತೀಕ್ ಹಾಗೂ ಕಾಸ್ಟ್ಯೂಮ್ ಡಿಸೈನರ್ ಯೋಗಿ ಜೊತೆಗೂಡಿ ಈ ಸಿನಿಮಾ ನಿರ್ಮಿಸ್ತಿದ್ದಾರೆ‌.