ಈ ಮೊದಲು ವರಮಹಾಲಕ್ಷ್ಮಿ ಹಬ್ಬದಂದು ಕುರುಕ್ಷೇತ್ರ ರಿಲೀಸ್ ಎಂದು ಹೇಳಲಾಗಿತ್ತು. ನಂತರ ಆಗಸ್ಟ್ 2 ಎಂದು ಹೇಳಲಾಯಿತು. ಈಗ ಈ ಡೇಟ್ ಕೂಡ ಬದಲಾಗಿದ್ದು, ಆಗಸ್ಟ್ 9 ರಂದು ಬಿಡುಗಡೆ ಅಂತ ಹೇಳುತ್ತಿದ್ದಾರೆ. ದಾಸನ ಅಭಿಮಾನಿ ಪೇಜ್ಗಳಲ್ಲಿಯೂ ಕೂಡ ಆಗಸ್ಟ್ 9 ರಂದೇ ಕುರುಕ್ಷೇತ್ರ ಬಿಡುಗಡೆ ಎನ್ನುವ ಪೋಸ್ಟ್ಗಳು ಹರಿದಾಡುತ್ತಿವೆ.
ಮತ್ತೆ ಮುಂದಕ್ಕೆ ಹೋಯಿತು ಕುರುಕ್ಷೇತ್ರ ರಿಲೀಸ್!
'ಡಿ ಬಾಸ್' ದರ್ಶನ್ ಅಭಿಮಾನಿಗಳಿಗೆ ನಿರ್ಮಾಪಕ ಮುನಿರತ್ನ ಅವರು ಮತ್ತೆ ವಿನಂತಿ ಮಾಡಿಕೊಂಡಿದ್ದಾರೆ. ಅವರ ರಾಜಕೀಯ ಒತ್ತಡದಿಂದ ‘ಕುರುಕ್ಷೇತ್ರ’ ಚಿತ್ರಡ ಬಿಡುಗಡೆಯನ್ನು ಮುಂದೂಡಿದ್ದಾರೆ.
ಕುರುಕ್ಷೇತ್ರ
ಈ ಮಧ್ಯೆ ಆಗಸ್ಟ್ 9 ಕ್ಕೆ ಬಿಡುಗಡೆ ಎಂದು ಈಗಾಗಲೇ ಹೇಳಿಕೊಂಡಿರುವ ಕೋಮಲ್ ಕುಮಾರ್ ಅವರ ಕೆಂಪೇಗೌಡ 2 ಹಾಗೂ ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ‘ಗಿಮಿಕ್’ ಚಿತ್ರಗಳು ಆತಂಕಕ್ಕೆ ಒಳಗಾಗಿವೆ. ಕಾರಣ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಸಿನಿಮಾ ‘ಮುನಿರತ್ನ ಕುರುಕ್ಷೇತ್ರ’ ಆಗಸ್ಟ್ 9 ರಂದು ಬಿಡುಗಡೆಯಾದರೆ, ಚಿತ್ರಮಂದಿರಗಳ ಕೊರತೆ ಆಗುತ್ತದೆ.
ಈ ವರ್ಷದ ಬಹು ನಿರೀಕ್ಷಿತ ಚಿತ್ರ ‘ಕುರುಕ್ಷೇತ್ರ’ 2 ಡಿ ಹಾಗೂ 3 ಡಿ ತಂತ್ರಜ್ಞಾನದಲ್ಲಿ ತಯಾರಾಗಿದೆ. ತೆಲುಗು ಆವೃತ್ತಿಯ ಹಾಡುಗಳ ಜುಲೈ 24 ರಂದು ರಿಲೀಸ್ ಆಗಿದ್ದು, ನಿನ್ನೆ ಬಿಡುಗಡೆಯಾದ ಎರಡನೇ ಟ್ರೈಲರ್ ದರ್ಶನ್ ಅಭಿಮಾನಿಗಳಲ್ಲಿ ಹೊಸ ಸಂಚಲನ ಸೃಷ್ಟಿಸಿದೆ. ಈ ಹೊಸ ಟ್ರೈಲರ್ಲ್ಲಿ ಚಿತ್ರದ ಬಹುತೇಕ ಪಾತ್ರಗಳು ಸಹ ಕಾಣಿಸಿಕೊಂಡಿವೆ. ಭಾರತೀಯ ಚಿತ್ರ ರಂಗದಲ್ಲೇ ಮೊದಲ ಬಾರಿಗೆ ಪೌರಾಣಿಕ ಚಿತ್ರ 3 ಡಿ ತಂತ್ರಜ್ಞಾದಲ್ಲಿ ಮೂಡಿಬಂದಿರುವುದು ಕುತೂಹಲಕ್ಕೆ ಹೆಚ್ಚು ಕಾರಣ. ನಿರ್ಮಾಪಕ ಮುನಿರತ್ನ ನಾಯ್ಡು ಅವರ ಸಂಬಂಧಿ ರಾಕ್ ಲೈನ್ ವೆಂಕಟೇಶ್ ಅವರು ಈ ಚಿತ್ರವನ್ನು ವಿಶ್ವದಾದ್ಯಂತ ವಿತರಣೆ ಮಾಡುತ್ತಿದ್ದಾರೆ.