ಬಾಕ್ಸ್ ಆಫೀಸು ಸುಲ್ತಾನ ಡಿ ಬಾಸ್ ದರ್ಶನ್ ತಮ್ಮ ಮ್ಯಾನೇಜರ್ ಬದಲಾವಣೆ ಮಾಡಿದ್ದಾರೆ. ಇಷ್ಟು ದಿನ ದರ್ಶನ್ಗೆ ಮ್ಯಾನೇಜರ್ ಆಗಿ ಕೆಲಸ ಮಾಡುತ್ತಿದ್ದ ಶ್ರೀನಿವಾಸ್ ಅವರನ್ನು ತೂಗುದೀಪ ಪರಿವಾರ ಹಾಗೂ ಅಭಿಮಾನಿ ಸಂಘದ ವ್ಯಾವಹಾರಿಕ ಕೆಲಸಗಳಿಂದ ದೂರ ಇಡಲಾಗಿದೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ದರ್ಶನ್, ಶ್ರೀನಿವಾಸ್ ಮತ್ತು ನನ್ನ ವಿಚಾರವಾಗಿ ಯಾರೂ ಶ್ರೀನಿವಾಸ್ ಅವರನ್ನು ಸಂಪರ್ಕ ಮಾಡುವುದು ಬೇಡ ಎಂದಿದ್ದಾರೆ.
ಡಿ ಬಾಸ್ ತಂಡದಲ್ಲಿ ಬಹಳ ವರ್ಷಗಳ ಕಾಲ ಇದ್ದ ಮಲ್ಲಿಕಾರ್ಜುನ್ (ಮೊದಲಸಲಾ ಸಿನಿಮಾ ನಿರ್ದೇಶಕ) ಸಹ ಕಳೆದ ವರ್ಷದಿಂದ ನಾಪತ್ತೆಯಾಗಿದ್ದಾರೆ. ಮಲ್ಲಿಕಾರ್ಜುನ್ ಅವರನ್ನು ತೂಗುದೀಪ ವಿತರಣೆ ಸಂಸ್ಥೆಗೆ ನೇಮಕ ಮಾಡಲಾಗಿತ್ತು. ಅವರಿಂದ ವ್ಯವಹಾರದಲ್ಲಿ ದರ್ಶನ್ಗೆ ಅಪಾರ ನಷ್ಟವಾಗಿತ್ತು ಎಂಬ ಮಾತುಗಳು ಕೇಳಿ ಬಂದಿದ್ದವು.