'ಕ್ರಾಕ್' ಚಿತ್ರದ ಭೂಮ್ ಬದ್ದಲ್ ವಿಡಿಯೋ ಬಿಡುಗಡೆ ಮಾಡಿದ ಚಿತ್ರತಂಡ

ಗೋಪಿಚಂದ್ ಮಲಿನೇನಿ ನಿರ್ದೇಶನದಲ್ಲಿ ಮಾಸ್ ಮಹಾರಾಜ ರವಿತೇಜ ನಟಿಸಿರುವ 'ಕ್ರಾಕ್' ಸಿನಿಮಾದ ಭೂಮ್ ಬದ್ದಲ್.... ಸಂಪೂರ್ಣ ವಿಡಿಯೋ ಹಾಡನ್ನು ಚಿತ್ರತಂಡ ಬಿಡುಗಡೆ ಮಾಡಿದೆ. ಈ ಹಾಡಿಗೆ ಅಪ್ಸರಾ ರಾಣಿ ಹೆಜ್ಜೆ ಹಾಕಿದ್ದಾರೆ.

ರವಿತೇಜ ಹಾಗೂ ಶ್ರುತಿ ಹಾಸನ್ ಜೋಡಿಯಾಗಿ ನಟಿಸಿರುವ 'ಕ್ರಾಕ್' ಸಿನಿಮಾ ಇದೇ ವರ್ಷ ಜನವರಿ 9 ರಂದು ಬಿಡುಗಡೆಯಾಗಿತ್ತು. ಸಂಕ್ರಾಂತಿ ಹಬ್ಬದ ಪ್ರಯುಕ್ತ ಚಿತ್ರತಂಡ ಅಭಿಮಾನಿಗಳಿಗಾಗಿ ಈ ಚಿತ್ರವನ್ನು ಉಡುಗೊರೆಯನ್ನಾಗಿ ನೀಡಿತ್ತು. ಅಂದುಕೊಂಡಂತೆ ಈ ಸಿನಿಮಾ ಯಶಸ್ಸು ಸಾಧಿಸಿ ಬಾಕ್ಸ್ ಆಫೀಸ್​​​​​ ಕೊಳ್ಳೆ ಹೊಡೆಯುತ್ತಿದೆ.

ಇದನ್ನೂ ಓದಿ:ಫೆಬ್ರವರಿಯಲ್ಲಿ ಬರಲಿದೆಯಂತೆ ಬಿಗ್​ಬಾಸ್ ಸೀಸನ್-8

ಗೋಪಿಚಂದ್ ಮಲಿನೇನಿ ನಿರ್ದೇಶನದ ಈ ಸಿನಿಮಾದಲ್ಲಿ ರವಿತೇಜ ಪೊಲೀಸ್ ಅಧಿಕಾರಿಯಾಗಿ ನಟಿಸಿದ್ದಾರೆ. ತಮನ್ ಸಂಗೀತ ನಿರ್ದೇಶನದ ಹಾಡುಗಳು ಕೂಡಾ ಬಹಳ ಫೇಮಸ್ ಆಗಿವೆ. ಅದರಲ್ಲೂ ಅಪ್ಸರಾ ರಾಣಿ ಹೆಜ್ಜೆ ಹಾಕಿರುವ ಭೂಮ್ ಬದ್ದಲ್.... ಹಾಡಂತೂ ಯುವ ಅಭಿಮಾನಿಗಳನ್ನು ಹುಚ್ಚೆಬ್ಬಿಸಿದೆ. ಸೋಮವಾರ ಚಿತ್ರತಂಡ ಈ ಹಾಡಿನ ಪೂರ್ತಿ ವಿಡಿಯೋವನ್ನು ಬಿಡುಗಡೆ ಮಾಡಿದ್ದು ಬಿಡುಡೆಯಾದ ಒಂದೇ ದಿನದಲ್ಲಿ 1.5 ಲಕ್ಷಕ್ಕೂ ಹೆಚ್ಚು ಮಂದಿ ಈ ಹಾಡನ್ನು ವೀಕ್ಷಿಸಿದ್ದಾರೆ. ರಾಮ್​​​ಜೋಗಯ್ಯ ಶಾಸ್ತ್ರಿ ಸಾಹಿತ್ಯ ಬರೆದಿರುವ ಈ ಹಾಡನ್ನು ಮಂಗಳಿ, ಸಿಂಹ, ಶ್ರೀಕೃಷ್ಣನ್ ಹಾಗೂ ಇನ್ನಿತರರು ಹಾಡಿದ್ದಾರೆ. ಕಳೆದ ವರ್ಷ ಬಿಡುಗಡೆಯಾದ ರಾಮ್​​​ಗೋಪಾಲ್ ವರ್ಮಾ ನಿರ್ದೇಶನದ ಥ್ರಿಲ್ಲರ್ ಚಿತ್ರದಲ್ಲಿ ಅಪ್ಸರಾ ರಾಣಿ ಪ್ರಮುಖ ಪಾತ್ರದಲ್ಲಿ ನಟಿಸಿ ಗಮನ ಸೆಳೆದಿದ್ದರು. ಇದೀಗ ಕ್ರಾಕ್ ಹಾಡಿನಲ್ಲಿ ಹೆಜ್ಜೆ ಹಾಕಿ ಯುವಕರ ಎದೆಬಡಿತ ಹೆಚ್ಚಿಸಿದ್ದಾರೆ.