ಬಾಲಿವುಡ್​​ ತಾರೆಯರಿಂದ ಮೂಡಿಬಂತು ಕೊರೊನಾ ಜಾಗೃತಿ ಗೀತೆ

ಬಾಲಿವುಡ್​ನ ಹಲವು ಪ್ರಮುಖರು ಕೊರೊನಾ ಜಾಗೃತಿ ಗೀತೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಹಾಡನ್ನು ಜೋಯಲ್ ಡಿಸೋಜಾ ನಿರ್ದೇಶಿಸಿದ್ದಾರೆ.

ಬಾಲಿವುಡ್​​ ನಟರಾದ ಅಕ್ಷಯ್ ಕುಮಾರ್, ಅಜಯ್ ದೇವಗನ್, ಸುನೀಲ್ ಶೆಟ್ಟಿ, ದಿಯಾ ಮಿರ್ಜಾ, ಅತುಲ್ ಕುಲಕರ್ಣಿ ಮತ್ತು ರಾಣಾ ದಗ್ಗುಬಟಿಯಾ ಇದೀಗ ಕೊರೊನಾ ಜಾಗೃತಿ ಗೀತೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಇದು ರ್ಯಾಪರ್​​ ಹಾಡಾಗಿದ್ದು, ಹಿಂದಿ, ಮರಾಠಿ ಮತ್ತು ತಮಿಳು ಭಾಷೆಗಳಲ್ಲಿ ಮೂಡಿ ಬಂದಿದೆ. ಇದನ್ನು ಜೋಯಲ್ ಡಿಸೋಜಾ ನಿರ್ದೇಶಿಸಿದ್ದಾರೆ. ಅಲ್ಲದೆ ಎಂಸಿ ಅಲ್ತಾಫ್, ಡೋಪೆಡೆಲಿಕ್ಸ್‌ನ ಟೋನಿ ಸೈಕೊ ಮತ್ತು ಸೆವೆನ್​​ ಬಾಂಟೈಜ್‌ನ ಬೊಂಜ್ ಎನ್. ರಿಬ್ಜ್ ಬರೆದಿದ್ದಾರೆ.

ಈ ಹಾಡು ತುಂಬಾ ಸುಂದರವಾಗಿ ಮೂಡಿ ಬಂದಿದ್ದು ಒಂದೊಳ್ಳೆ ಸಂದೇಶವನ್ನು ಸಾರುತ್ತಿದೆ. ಈ ಹಾಡು ನಿಜವಾಗಿಯೂ ನನ್ನ ಹೃದಯ ತಟ್ಟಿದೆ. ಈ ಹಾಡಿನ ಭಾವನೆ ಅನೇಕರೊಂದಿಗೆ ಸಂವಹಿಸುತ್ತದೆ ಎಂದು ಸುನೀಲ್​ ಶೆಟ್ಟಿ ಹೇಳಿದ್ದಾರೆ.

ದಿಯಾ ಮಿರ್ಜಾ ಈ ಬಗ್ಗೆ ಮಾತನಾಡಿದ್ದು, ಅದ್ಭುತ ಕಲಾವಿದರಿಂದ ಜಾಗೃತಿ ಮೂಡಿಸುವ ಗೀತೆ ಇದಾಗಿದೆ. ಈ ಹಾಡಿನಲ್ಲಿ ನಾನು ಭಾಗಿಯಾಗಿರುವುದಕ್ಕೆ ಹಾಡಿನ ನಿರ್ದೇಶಕರಿಗೆ ಧನ್ಯವಾದ ಹೇಳುತ್ತೇನೆ. ಇನ್ನುಕೊರೊನಾ ಬಗ್ಗೆ ಜನರು ಅರ್ಥಮಾಡಿಕೊಳ್ಳುವಂತೆ ಈ ಹಾಡು ಮಾಡುತ್ತದೆ ಎಂದು ಹೇಳಿದ್ದಾರೆ.

ಇನ್ನು ಈ ಹಾಡನ್ನು ಗಲ್ಲಿ ಗ್ಯಾಂಗ್ ಎಂಟರ್‌ಟೈನ್‌ಮೆಂಟ್ ನಿರ್ಮಾಣ ಮಾಡಿದ್ದು, ಹಾಡಿನ ಸಾಹಿತ್ಯದಲ್ಲಿ ಜನರು ತಾವಿರುವ ಜಾಗದಲ್ಲಿಯೇ ಸುರಕ್ಷರಾಗಿರಿ ಎಂದು ಹೇಳಲಾಗಿದೆ.

ಇನ್ನು ಗಲ್ಲಿಗ್ಯಾಂಗ್​ನ ಅಲ್ತಾಫ್​ ಮಾತನಾಡಿದ್ದು, ಸುರಕ್ಷಿತರಾಗಿ ಮನೆಯಲ್ಲೇ ಇದ್ದುಅಧಿಕಾರಿಗಳು ಹೇಳಿದಂತೆ ಕೇಳಿ ಎಂದು ತಿಳಿಸಿದ್ದಾರೆ.