'ರಿಯಲ್ ಲೈಫ್‌ ಗಂಡನ ಜೊತೆ ರಿಯಾಲಿಟಿ ಗೇಮ್‌'.. ಇಂದಿನಿಂದ 'ರಾಜಾ ರಾಣಿ' ರಿಯಾಲಿಟಿ ಶೋ

ರಿಯಾಲಿಟಿ ಶೋನ ಜಡ್ಜ್​​ಗಳಾಗಿ ಸೃಜನ್ ಲೋಕೇಶ್ ಹಾಗೂ ತಾರಾ ಅನುರಾಧ ಇರಲಿದ್ದಾರೆ. ಜತೆಗೆ ಅನುಪಮಾ ಗೌಡ ನಿರೂಪಣೆ ಮಾಡಲಿದ್ದಾರೆ. ಪ್ರತಿ ಶನಿವಾರ ಹಾಗೂ ಭಾನುವಾರದಂದು ರಾತ್ರಿ 7.30 ರಿಂದ 9ರವರೆಗೆ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಈ ಶೋ ಪ್ರಸಾರವಾಗಲಿದೆ..

ಇಂದಿನಿಂದ ಸೆಲೆಬ್ರಿಟಿ ಕಪಲ್ಸ್​​ಗಳ ರಿಯಾಲಿಟಿ ‌ಶೋ 'ರಾಜಾ ರಾಣಿ' ಆರಂಭವಾಗಲಿದೆ. ಶೋನಲ್ಲಿ ಕಿರುತೆರೆಯ ರಿಯಲ್ ಜೋಡಿಗಳು ಭಾಗವಹಿಸಿಲಿವೆ. ಇದರಲ್ಲಿ 12 ರಿಯಲ್ ಜೋಡಿಗಳಿದ್ದು, ನೇಹಾ ಗೌಡ, ದೀಪಿಕಾ-ಆಕರ್ಷ್, ನಿವೇದಿತಾ ಗೌಡ-ಚಂದನ್ ಶೆಟ್ಟಿ, ಶ್ರಾವಣಿ-ಸಮೀರಾಚಾರ್ಯ, ಅಯ್ಯಪ್ಪ-ಅನು, ಇಶಿತಾ-ಮುರುಗ, ರೂಪಾ-ಪ್ರಶಾಂತ್, ವಿಶೇಷವೆಂದರೆ ಇಬ್ಬರು ಪತ್ನಿಯರೊಂದಿಗೆ ರಾಜು ತಾಳಿಕೋಟೆ- ಪ್ರೇಮ ಹಾಗೂ ಮತ್ತೊಬ್ಬ ಪತ್ನಿ ಈ ಶೋನ ಪ್ರಮುಖ ಆಕರ್ಷಣೆಯಾಗಿದೆ.‌

16 ವಾರಗಳ ಕಾಲ, 36 ಎಪಿಸೋಡ್​​ಗಳು ಮೂಡಿ ಬರಲಿವೆ. ರಿಯಾಲಿಟಿ ಕಪಲ್ಸ್ ತಮ್ಮ ರಿಯಲ್ ಜೀವನದ ಬಗ್ಗೆ ಹಂಚಿಕೊಳ್ಳಲಿದ್ದಾರೆ. ಮದುವೆ ಆಗಿ ಹಲವು ವರ್ಷಗಳಾಗಿದ್ದರೂ, ತಮ್ಮನ್ನು ತಾವೂ ಹೊರ ಜಗತ್ತಿಗೆ ಪರಿಚಯಿಸಿಕೊಳ್ಳಲಿದ್ದಾರೆ.

ರಾಜಾ ರಾಣಿ ರಿಯಾಲಿಟಿ ಶೋ ನಿರ್ದೇಶಕರಾಗಿ ಪ್ರಕಾಶ್ ಇದ್ದಾರೆ. ಸೆಟ್​​ನ ವೇದಿಕೆಗೆ ಬಂದ ನಂತರವೇ ಟಾಸ್ಕ್ ಬಗ್ಗೆ ಮಾಹಿತಿ ನೀಡಲಿದ್ದಾರೆ. ಹೀಗಾಗಿ, ಕಪಲ್ಸ್​​ಗಳು ತಯಾರಾಗಿ ಬರಲು ಸಾಧ್ಯವಿಲ್ಲ. ರಿಯಲ್ ಆಗಿಯೇ ಟಾಸ್ಕ್‌ಗಳನ್ನು ಮಾಡುವ ಮೂಲಕ ತಾವೂ ತಾವಾಗಿಯೇ ಇರುತ್ತಾರೆ.

ರಿಯಾಲಿಟಿ ಶೋನ ಜಡ್ಜ್​​ಗಳಾಗಿ ಸೃಜನ್ ಲೋಕೇಶ್ ಹಾಗೂ ತಾರಾ ಅನುರಾಧ ಇರಲಿದ್ದಾರೆ. ಜತೆಗೆ ಅನುಪಮಾ ಗೌಡ ನಿರೂಪಣೆ ಮಾಡಲಿದ್ದಾರೆ. ಪ್ರತಿ ಶನಿವಾರ ಹಾಗೂ ಭಾನುವಾರದಂದು ರಾತ್ರಿ 7.30 ರಿಂದ 9ರವರೆಗೆ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಈ ಶೋ ಪ್ರಸಾರವಾಗಲಿದೆ.

ಇದನ್ನೂ ಓದಿ:ಆರಂಭವಾಗಲಿದೆ ಸೆಲೆಬ್ರಿಟಿ ಕಪಲ್ಸ್ ರಾಜ-ರಾಣಿ ಗೇಮ್ ಶೋ.