ಮೆಗಾಸ್ಟಾರ್ ಚಿರಂಜೀವಿ ಅವರ ಹೊಸ ಸಿನಿಮಾ ಬರುತ್ತಿದೆ ಎಂದರೆ ಸಾಕು ಅಭಿಮಾನಿಗಳು ಮೆಚ್ಚಿನ ನಟನ ಸಿನಿಮಾ ನೋಡಲು ಬಕಪಕ್ಷಿಗಳಂತೆ ಕಾಯುತ್ತಿರುತ್ತಾರೆ. ಸಿನಿಮಾ ಅನೌನ್ಸ್ ಆದಾಗಿನಿಂದ ಹಿಡಿದು ಬಿಡುಗಡೆಯಾಗುವವರೆಗೂ ಆ ಸಿನಿಮಾಗೆ ಸಂಬಂಧಿಸಿದ ಪ್ರತಿ ಅಪ್ಡೇಟ್ಗಳನ್ನು ತಿಳಿದುಕೊಳ್ಳಲು ಬಯಸುತ್ತಾರೆ. ಕೆಲವು ದಿನಗಳ ಹಿಂದಷ್ಟೇ ಚಿರಂಜೀವಿ 153ನೇ ಸಿನಿಮಾ ಅನೌನ್ಸ್ ಆಗಿದ್ದು ಈ ಸಿನಿಮಾ ನಿರ್ದೇಶಕರು ಯಾರು ಎಂಬುದು ರಿವೀಲ್ ಆಗಿದೆ.
ಮೆಗಾಸ್ಟಾರ್ 153ನೇ ಚಿತ್ರಕ್ಕೆ ನಿರ್ದೇಶಕ ಇವರೇ...2021 ರಲ್ಲಿ ಸೆಟ್ಟೇರಲಿರುವ ಸಿನಿಮಾ - Mohan raja direction new movie
ಚಿರಂಜೀವಿ ಅಭಿನಯದ 153ನೇ ಚಿತ್ರವನ್ನು ಮೋಹನ್ ರಾಜಾ ನಿರ್ದೇಶಿಸುತ್ತಿದ್ದಾರೆ. ಸದ್ಯಕ್ಕೆ ಮೆಗಾಸ್ಟಾರ್, 'ಆಚಾರ್ಯ' ಸಿನಿಮಾದಲ್ಲಿ ನಟಿಸುತ್ತಿದ್ದು ಈ ಚಿತ್ರದ ನಂತರ ಚಿರಂಜೀವಿ ತಮ್ಮ ಹೊಸ ಚಿತ್ರದಲ್ಲಿ ಬ್ಯುಸಿ ಆಗಲಿದ್ದಾರೆ.
ಮೆಗಾಸ್ಟಾರ್ 153ನೇ ಸಿನಿಮಾ
ಇದನ್ನೂ ಓದಿ: ಶ್ರೀಮುರಳಿ ಜೊತೆ ಹೊಸ ಚಿತ್ರ ಅನೌನ್ಸ್ ಮಾಡಿದ ಹೊಂಬಾಳೆ ಫಿಲ್ಮ್ಸ್
ಚಿರಂಜೀವಿ ನಟಿಸುತ್ತಿರುವ 153 ನೇ ಸಿನಿಮಾ ಮಲಯಾಳಂನ ರೀಮೇಕ್ ಆಗಿದೆ. ಮೋಹನ್ ಲಾಲ್ ನಟಿಸಿದ್ದ 'ಲೂಸಿಫರ್' ಚಿತ್ರವನ್ನು ತೆಲುಗಿಗೆ ರೀಮೇಕ್ ಮಾಡಲಾಗುತ್ತಿದ್ದು ಈ ಚಿತ್ರವನ್ನು ಮೋಹನ್ ರಾಜಾ ನಿರ್ದೇಶಿಸುತ್ತಿದ್ದಾರೆ ಎನ್ನಲಾಗಿದೆ. 2021 ಸಂಕ್ರಾತಿ ನಂತರ ಈ ಸಿನಿಮಾ ಸೆಟ್ಟೇರಲಿದೆ ಎಂದು ಚಿತ್ರತಂಡ ತಿಳಿಸಿದೆ. ಎನ್ವಿಆರ್ ಸಿನಿಮಾ ಹಾಗೂ ಕೊನಿಡೇಲ ಕಂಪನಿ ಜೊತೆ ಸೇರಿ ಈ ಸಿನಿಮಾವನ್ನು ನಿರ್ಮಿಸುತ್ತಿದೆ. ಚಿತ್ರಕ್ಕೆ ಸಂಬಂಧಿಸಿದ ಹೆಚ್ಚಿನ ವಿವರಗಳನ್ನು ಶೀಘ್ರದಲ್ಲೇ ತಿಳಿಸುವುದಾಗಿ ಚಿತ್ರತಂಡ ಮಾಹಿತಿ ನೀಡಿದೆ. ಹನುಮಾನ್ ಜಂಕ್ಷನ್ , ಮೋಹನ್ ರಾಜಾ ನಿರ್ದೇಶನದ ಮೊದಲ ಸಿನಿಮಾ. ನಂತರ ರಾಮ್ಚರಣ್ ತೇಜ ಅಭಿನಯದ 'ಧ್ರುವ' ಚಿತ್ರವನ್ನು ಕೂಡಾ ಮೋಹನ್ ರಾಜಾ ನಿರ್ದೇಶಿಸಿದ್ದರು. ಈ ಚಿತ್ರಗಳಲ್ಲಿ ಮೋಹನ್ ರಾಜಾ ಅವರ ಕೆಲಸ ನೋಡಿ ಚಿರಂಜೀವಿ ತಮ್ಮ ಚಿತ್ರವನ್ನು ನಿರ್ದೇಶಿಸಲು ಅವಕಾಶ ನೀಡಿದ್ದಾರೆ ಎನ್ನಲಾಗಿದೆ. ಪ್ರಸ್ತುತ ಚಿರಂಜೀವಿ 'ಆಚಾರ್ಯ' ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಚಿರು ಅಭಿನಯದ 152ನೇ ಸಿನಿಮಾ ಆಚಾರ್ಯಗೆ ಶಿವ ನಿರ್ದೇಶನ ಮಾಡುತ್ತಿದ್ದಾರೆ.