ಜುಲೈ 7 ಕ್ಕೆ ಸ್ಯಾಂಡಲ್ವುಡ್ ಯುವಸಾಮ್ರಾಟ್ ಚಿರಂಜೀವಿ ಸರ್ಜಾ ನಮ್ಮನ್ನು ಅಗಲಿ ಒಂದು ತಿಂಗಳಾಗುತ್ತದೆ. ಆ ಕರಾಳ ಭಾನುವಾರವನ್ನು ನಿಜಕ್ಕೂ ಸ್ಯಾಂಡಲ್ವುಡ್ ಪ್ರೇಮಿಗಳು ಮರೆಯಲು ಸಾಧ್ಯವೇ ಇಲ್ಲ. ಚಿರು ನೆನಪು ಪ್ರತಿದಿನ ಎಲ್ಲರನ್ನೂ ಕಾಡುತ್ತಿದೆ.
ಪ್ರೇರಣಾ ಜೊತೆ ಚಿರು ಟಿಕ್ಟಾಕ್
ಧ್ರುವಾ ಸರ್ಜಾ ಪತ್ನಿ ಪ್ರೇರಣಾ ಜೊತೆ ಚಿರು ಮಾಡಿದ್ದ ಟಿಕ್ಟಾಕ್ ವಿಡಿಯೋ ವೈರಲ್ - Chiru Ticktock video viral
ಧ್ರುವಾ ಸರ್ಜಾ ಪತ್ನಿ ಪ್ರೇರಣಾ ಅವರೊಂದಿಗೆ ಚಿರಂಜೀವಿ ಸರ್ಜಾ ಮಾಡಿದ್ದ ಟಿಕ್ಟಾಕ್ ವಿಡಿಯೋವೊಂದು ವೈರಲ್ ಆಗಿದೆ. ಇದನ್ನು ನೋಡಿದ ಅಭಿಮಾನಿಗಳು ಇಂದು ಚಿರು ಕೂಡಾ ಇಲ್ಲ, ಟಿಕ್ಟಾಕ್ ಕೂಡಾ ಇಲ್ಲ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.
ಚಿರಂಜೀವಿ ಸರ್ಜಾ ಟಿಕ್ಟಾಕ್ ವಿಡಿಯೋ ವೈರಲ್
ಚಿರಂಜೀವಿ ಸರ್ಜಾ ನಿಧನರಾದಾಗ ಅವರು ಮಾಡಿದ್ದ ಟಿಕ್ಟಾಕ್ ವಿಡಿಯೋಗಳು ಬಹಳ ವೈರಲ್ ಆಗಿತ್ತು. ಇದೀಗ ಚಿರಂಜೀವಿ ಸರ್ಜಾ ಕೂಡಾ ಇಲ್ಲ, ಟಿಕ್ಟಾಕ್ ಕೂಡಾ ಬ್ಯಾನ್ ಆಗಿದೆ. ಧ್ರುವಾ ಸರ್ಜಾ ಪತ್ನಿ ಪ್ರೇರಣಾ ಜೊತೆ ಚಿರಂಜೀವಿ ಸರ್ಜಾ ಮಾಡಿದ್ದ ಟಿಕ್ಟಾಕ್ ವಿಡಿಯೋವೊಂದು ವೈರಲ್ ಆಗಿದೆ. ಚಿರಂಜೀವಿ ಸರ್ಜಾ ತಮ್ಮ ಕುಟುಂಬದ ಸದಸ್ಯರೊಂದಿಗೆ ಎಷ್ಟು ಸ್ನೇಹದಿಂದ ಇದ್ದರು ಎಂಬುದಕ್ಕೆ ಈ ವಿಡಿಯೋ ಸಾಕ್ಷಿ. ಪ್ರೇರಣಾ ಹಾಗೂ ಚಿರು ಇಬ್ಬರೂ ಫನ್ ಮಾಡುತ್ತಾ ಟಿಕ್ಟಾಕ್ ಮಾಡಿದ್ದಾರೆ.
ಈ ವಿಡಿಯೋ ನೋಡಿ ಚಿರು ಅಭಿಮಾನಿಗಳು ಬಹಳ ಬೇಸರ ವ್ಯಕ್ತಪಡಿಸಿದ್ದಾರೆ. ತಾನೊಬ್ಬ ಸಿನಿಮಾ ನಟ ಎಂಬ ಸ್ವಲ್ಪವೂ ಅಹಂ ಇಲ್ಲದೆ ಬಹಳ ಪ್ರೀತಿಯಿಂದ, ಸಲುಗೆಯಿಂದ ಚಿರಂಜೀವಿ ಸರ್ಜಾ ತಮ್ಮ ಅಭಿಮಾನಿಗಳನ್ನು ಮಾತನಾಡಿಸುತ್ತಿದ್ದರು. ಈಗ ಕೇಂದ್ರ ಸರ್ಕಾರ ಕೂಡಾ ಟಿಕ್ ಟಾಕ್ ಬ್ಯಾನ್ ಮಾಡಿದೆ. ಚಿರು ಕೂಡಾ ಇಲ್ಲ, ಅವರು ಇಷ್ಟಪಟ್ಟು ಮಾಡುತ್ತಿದ್ದ ಟಿಕ್ಟಾಕ್ ಕೂಡಾ ಇಲ್ಲ ಎಂದು ಅಭಿಮಾನಿಗಳು ಬೇಸರ ವ್ಯಕ್ತಪಡಿಸುತ್ತಿದ್ದಾರೆ.