ಶಿಕ್ಷಣ ಕ್ಷೇತ್ರದಲ್ಲೂ ಹೂಡಿಕೆ: ಅಂತಾರಾಷ್ಟ್ರೀಯ ಶಾಲೆ ತೆರೆದ ಮೆಗಾಸ್ಟಾರ್

ನಟರು ಸಿನಿಮಾದಲ್ಲಿ ನಟಿಸುವುದರ ಜೊತೆಗೆ ಸಾಮಾನ್ಯವಾಗಿ ಸೈಡ್ ಬ್ಯುಸಿನೆಸ್​​​ಗಳನ್ನೂ ಹೊಂದಿರುತ್ತಾರೆ. ಜಿಮ್​, ಯೋಗ ಸೆಂಟರ್, ಥಿಯೇಟರ್, ಶಾಪಿಂಗ್ ಮಾಲ್, ರಿಯಲ್ ಎಸ್ಟೇಟ್​​​​​​​ ಹೀಗೆ ನಾನಾ ರೀತಿಯ ಬ್ಯುಸಿನೆಸ್​​​​ಗಳಿಗೆ ಹಣ ಹೂಡಿಕೆ ಮಾಡುತ್ತಾರೆ. ಇಂತಹುದೇ ಹೊಸ ಪ್ರಯತ್ನ ಮಾಡಿದ್ದಾರೆ ಮೆಗಾಸ್ಟಾರ್​ ಚಿರಂಜೀವಿ

ಟಾಲಿವುಡ್ ಖ್ಯಾತ ನಟ ಮೆಗಾಸ್ಟಾರ್ ಚಿರಂಜೀವಿ ಕೂಡಾ ವಿವಿಧ ಕ್ಷೇತ್ರಗಳಲ್ಲಿ ಹಣ ಹೂಡಿದ್ದಾರೆ. ಆದರೆ ಶಿಕ್ಷಣಕ್ಕೆ ಸಂಬಂಧಿಸಿದಂತೆ ಅವರು ಯಾವುದೇ ಹಣ ಹೂಡಿರಲಿಲ್ಲ. ಇದೀಗ ಅವರು ಅಂತಾರಾಷ್ಟ್ರೀಯ ಮಟ್ಟದ ಶಾಲೆಯೊಂದನ್ನು ತೆರೆಯಲು ಹೊರಟಿದ್ದಾರೆ. ಇದು ಈಗ ಟಾಲಿವುಡ್​​ನಲ್ಲಿ ಚರ್ಚೆಯಲ್ಲಿರುವ ಹಾಟ್ ಟಾಪಿಕ್. ರಾಮ್ ಚರಣ್, ಉಪಾಸನಾ, ಚಿರಂಜೀವಿ ಸಹೋದರ ನಾಗಬಾಬು ಸೇರಿದಂತೆ ಮೆಗಾ ಫ್ಯಾಮಿಲಿ ಸದಸ್ಯರು ಶಿಕ್ಷಣ ಕ್ಷೇತ್ರದಲ್ಲಿ ಹೂಡಿಕೆ ಮಾಡಲಿದ್ದಾರೆ. ಶ್ರೀಕಾಕುಲಂ ಜಿಲ್ಲೆಯಲ್ಲಿ ಈ ಶಾಲೆಯನ್ನು ಕಟ್ಟಲಾಗಿದ್ದು ಈ ಶೈಕ್ಷಣಿಕ ವರ್ಷದಿಂದ ಶಾಲೆ ಆರಂಭವಾಗಲಿದೆ ಎನ್ನಲಾಗಿದೆ.