20 ಭಾರತೀಯ ಸೈನಿಕರ ಅಮೂಲ್ಯ ಜೀವ ಕಸಿದುಕೊಂಡ ಚೀನಾದ ವಿರುದ್ಧಈಗ ಇಡೀ ದೇಶದ ಜನರು ಆಕ್ರೋಶ ಹೊರ ಹಾಕಿದ್ದಾರೆ. ಕೊರೊನಾ ಆರಂಭವಾಗುತ್ತಿದ್ದಂತೆ ಚೀನಾ ಮೂಲದ ಮೊಬೈಲ್ ಆ್ಯಪ್ಗಳನ್ನು ಡಿಲೀಟ್ ಮಾಡುವ ಅಭಿಯಾನ ಆರಂಭವಾಗಿತ್ತು. ಇದೀಗ ಈ ಅಭಿಯಾನ ಇನ್ನೂ ಚುರುಕಾಗಿದೆ.
ಈ ವಿಚಾರದಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿಮಾನಿಗಳು ಕೂಡಾ ಕೈ ಜೋಡಿಸಿದ್ದಾರೆ. ಇವರೂ ಕೂಡಾ ಡಿಲೀಟ್ ಚೀನಾ ಆ್ಯಪ್ ಎನ್ನುತ್ತಿದ್ದಾರೆ. ನಾವು ಯಾರಿಗೂ ಒತ್ತಾಯ ಮಾಡುವುದಿಲ್ಲ. ಆದರೆ ನೀವೇ ಅರ್ಥ ಮಾಡಿಕೊಂಡು ಚೀನಾ ಆ್ಯಪ್ಗಳನ್ನು ಡಿಲೀಟ್ ಮಾಡಿ ಎಂದು ದರ್ಶನ್ ಅಭಿಮಾನಿಗಳು ಕರೆ ಕೊಟ್ಟಿದ್ದಾರೆ.
'ತೂಗುದೀಪ ಡಿ ಟೀಮ್ -R ಹೆಸರಿನ ದರ್ಶನ್ ಫ್ಯಾನ್ಸ್ ಕ್ಲಬ್ ಈ ನಿರ್ಧಾರ ಮಾಡಿದೆ. ಈ ಬಗ್ಗೆ ತಮ್ಮ ಫೇಸ್ಬುಕ್ ಪೇಜ್ನಲ್ಲಿ ಬರೆದುಕೊಂಡಿರುವ ಯಜಮಾನನ ಅಭಿಮಾನಿಗಳು ಟಿಕ್ಟಾಕ್ ಅಪ್ಲಿಕೇಶನ್ನಲ್ಲಿದ್ದ ತೂಗುದೀಪ ಡಿ ಟೀಮ್ ಖಾತೆಯನ್ನು ಶಾಶ್ವತವಾಗಿ ಡಿಲೀಟ್ ಮಾಡಿದ್ದಾರೆ. ಇದರೊಂದಿಗೆ ಚೀನಾದ ಹಲವು ಆ್ಯಪ್ಗಳನ್ನು ಡಿಲೀಟ್ ಮಾಡಿ ಇತರರಿಗೆ ಮಾದರಿಯಾಗಿದ್ದಾರೆ.
