ಚಪಾಕ್​ ಟ್ರೇಲರ್ ನೋಡಿ ಆ ಕಹಿ ಘಟನೆ ನೆನಪಿಸಿಕೊಂಡ ಕಂಗನಾ!

ಕಂಗನಾ ರನೌತ್​​​​ ಸಹೋದರಿ ರಂಗೋಲಿ ಮೇಲೆ ಆ್ಯಸಿಡ್​ ದಾಳಿಯಾಗಿತ್ತು. ಆ ವೇಳೆ ಕಂಗನಾ ಮತ್ತು ಕುಟುಂಬ ನೋವಿನಿಂದ ನಲುಗಿತ್ತು. ಆ ಕೆಟ್ಟ ದಿನಗಳನ್ನು ನೆನಪಿಸಿಕೊಂಡಿರುವ ಕಂಗನಾ ರನೌತ್​​​​, ಚಪಾಕ್​​ ಸಿನಿಮಾದಲ್ಲಿ ಅಭಿನಯ ಮಾಡುತ್ತಿರುವ ದೀಪಿಕಾ ಪಡುಕೋಣೆ ಮತ್ತು ನಿರ್ದೇಶನ ಮಾಡುತ್ತಿರುವ ಮೇಘನಾ ಗುಲ್ಜಾನ್​​ಗೆ ಧನ್ಯವಾದ ತಿಳಿಸಿದ್ದಾರೆ.

ಇತ್ತೀಚೆಗೆ ಬಿಡುಗಡೆಯಾಗಿರುವ ಚಪಾಕ್​ ಸಿನಿಮಾದ ಟ್ರೇಲರ್​ ನೋಡಿ ಈ ಹಿಂದೆ ನಮ್ಮ ಕುಟುಂಬಕ್ಕೆ ಆದ ನೋವು ನೆನಪಾಯಿತು ಎಂದು ಕಂಗನಾ ರನೌತ್​​​ ಟ್ವೀಟ್​​ ಮಾಡಿದ್ದಾರೆ.

ಹೌದು, ಈ ಹಿಂದೆ ಕಂಗನಾ ರನೌತ್​​​ ಸಹೋದರಿ ರಂಗೋಲಿ ಮೇಲೆ ಆ್ಯಸಿಡ್​ ದಾಳಿಯಾಗಿತ್ತು. ಆ ವೇಳೆ ಕಂಗನಾ ಮತ್ತು ಕುಟುಂಬ ನೋವಿನಿಂದ ನಲುಗಿತ್ತು. ಆ ಕೆಟ್ಟ ದಿನಗಳನ್ನು ನೆನಪಿಸಿಕೊಂಡಿರುವ ಕಂಗನಾ ರನೌತ್​​​, ಈ ಸಿನಿಮಾದಲ್ಲಿ ಅಭಿನಯ ಮಾಡುತ್ತಿರುವ ದೀಪಿಕಾ ಪಡುಕೋಣೆ ಮತ್ತು ನಿರ್ದೇಶನ ಮಾಡುತ್ತಿರುವ ಮೇಘನಾ ಗುಲ್ಜಾನ್​​ಗೆ ಧನ್ಯವಾದ ತಿಳಿಸಿದ್ದಾರೆ.

ಇನ್ನು ಟ್ವಿಟರ್​ನಲ್ಲಿ ವಿಡಿಯೋ ಒಂದನ್ನು ಹಾಕಿರುವ ಕಂಗನಾ, ರಂಗೋಲಿ ಮೇಲೆ ನಡೆದ ಆ್ಯಸಿಡ್​​ ದಾಳಿಯ ನೋವು ನಮ್ಮ ಮನದಲ್ಲಿ ಹಾಗೆಯೇ ಇದೆ. ನಮ್ಮ ಕುಟುಂಬ ಮೇಘನಾ ಮತ್ತು ದೀಪಿಕಾಗೆ ಧನ್ಯವಾದ ತಿಳಿಸುತ್ತಿದೆ ಎಂದು ಬರೆದಿದ್ದಾರೆ.

ಇನ್ನು ಚಪಾಕ್​ ಸಿನಿಮಾ ಆ್ಯಸಿಡ್​​ ದಾಳಿಗೆ ಒಳಗಾದ ಲಕ್ಷ್ಮಿ ಅಗರ್ವಾಲ್​ ಜೀವನವನ್ನು ಆಧರಿಸಿ ನಿರ್ಮಾಣ ಮಾಡಲಾಗುತ್ತಿದೆ. ಈ ಸಿನಿಮಾದಲ್ಲಿ ದೀಪಿಕಾ ಪಡುಕೋಣೆ ಆ್ಯಸಿಡ್​​ ದಾಳಿಗೆ ಒಳಗಾದ ಲಕ್ಷ್ಮಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.