'ಕೆಮಿಸ್ಟ್ರಿ ಆಫ್​​ ಕರಿಯಪ್ಪ' ನಿಮ್ಮ ಮುಂದೆ ಬರಲು ದಿನಾಂಕ ಫಿಕ್ಸ್​​

ಕಿರಿಕ್ ಪಾರ್ಟಿಯ ಚಂದನ್ ಆಚಾರ್ ಪ್ರಮುಖ ಪಾತ್ರದಲ್ಲಿ ನಟಿಸಿರುವ 'ಕೆಮಿಸ್ಟ್ರಿ ಆಫ್ ಕರಿಯಪ್ಪ' ಬಿಡುಗಡೆಗೆ ಮುಹೂರ್ತ ಫಿಕ್ಸ್ ಆಗಿದೆ. ಚಿತ್ರತಂಡ ಸಿನಿಮಾದ ಮತ್ತೊಂದು ಸುಮಧುರ ಹಾಡನ್ನು ಬಿಡುಗಡೆ ಮಾಡಿದೆ.

ಎಂ.ಸಿರಿ ಪ್ರೊಡಕ್ಷನ್ಸ್ ಬ್ಯಾನರ್ ಅಡಿ ಡಾ. ಮಂಜುನಾಥ್ ನಿರ್ಮಿಸಿ ಕುಮಾರ್ ನಿರ್ದೇಶಿಸಿರುವ 'ಕೆಮಿಸ್ಟ್ರಿ ಆಫ್ ಕರಿಯಪ್ಪ' ಸಿನಿಮಾ ಬಿಡುಗಡೆಗೆ ಮುಹೂರ್ತ ಫಿಕ್ಸ್ ಆಗಿದೆ.

ಒಂದೇ ಒಂದು ಹಾಡಿನಿಂದ ಸೆನ್ಸೇಷನ್ ಹುಟ್ಟುಹಾಕಿದ್ದ 'ಕೆಮಿಸ್ಟ್ರಿ ಆಫ್ ಕರಿಯಪ್ಪ' ಟೈಟಲ್​​ನಿಂದಲೂ ಕಮಾಲ್ ಮಾಡಿತ್ತು. ಇದೀಗ ಮತ್ತೊಂದು ಹಾಡನ್ನು ಬಿಡುಗಡೆ ಮಾಡುವುದರೊಂದಿಗೆ ಚಿತ್ರತಂಡ ಸಿನಿಮಾ ಬಿಡುಗಡೆಗೆ ದಿನಾಂಕ ನಿಗದಿ ಮಾಡಿದೆ. ಫೆಬ್ರವರಿ 15 ರಂದು ಅಂದರೆ ಮುಂದಿನ ಶುಕ್ರವಾರ ಕರಿಯಪ್ಪ ನಿಮ್ಮ ಮುಂದೆ ಬರುತ್ತಿದ್ದಾನೆ.

ಸಿನಿಮಾದ ಪ್ರಮುಖ ಪಾತ್ರಗಳಲ್ಲಿ ಕಿರಿಕ್ ಪಾರ್ಟಿಯ ಚಂದನ್​​ ಆಚಾರ್, ಸಂಜನಾ ಆನಂದ್, ತಬಲಾ ನಾಣಿ, ಮೈಕೋ ನಾಗರಾಜ್, ರಾಕ್​​ಲೈನ್ ಸುಧಾಕರ್ ಇದ್ದಾರೆ. ಎಲ್ಲಾ ಆ್ಯಂಗಲ್​​ನಿಂದಲೂ ಸಿನಿಮಾ ಪಾಸಿಟಿವ್ ಆಗಿದೆ ಎಂದು ಚಿತ್ರತಂಡ ಹೇಳಿದೆ.