ಸ್ಯಾಂಡಲ್ವುಡ್ನಲ್ಲಿ ಎಕ್ಸ್ಪಿರಿಮೆಂಟ್ ಚಿತ್ರಗಳು ಹಾಗೂ ಹೊಸ ನಟರ ಎಂಟ್ರಿ ಆಗ್ತಿದೆ. ಈ ಬಣ್ಣದ ಲೋಕದಲ್ಲಿ ಯಾರು ಏನು ಆಗ್ತಾರೆ ಅಂತಾ ಹೇಳೋದಿಕ್ಕೆ ಆಗೋದಿಲ್ಲ. ಇದೀಗ ಕೆಮಿಸ್ಟ್ರಿ ಆಫ್ ಕರಿಯಪ್ಪ ಸಿನಿಮಾದ ನಿರ್ಮಾಪಕರಾಗಿದ್ದ ಅರ್ಜುನ್ ಮಂಜುನಾಥ್ ಹೀರೋ ಆಗಿದ್ದಾರೆ.
ಪ್ರೆಸೆಂಟ್ ಪ್ರಪಂಚ ಜೀರೋ ಪರ್ಸೆಂಟ್ ಲವ್ ಟೈಟಲ್ ಹೊಂದಿರುವ ಚಿತ್ರದ ಹೀರೋ ಆಗುವ ಮೂಲಕ ಅರ್ಜುನ್ ಮಂಜುನಾಥ್ ಅದೃಷ್ಟ ಪರೀಕ್ಷೆಗಿಳಿದಿದ್ದಾರೆ. ಸಿನಿಮಾದ ಶೂಟಿಂಗ್ ಮುಗಿಸಿರೋ ಚಿತ್ರತಂಡ, ಚಿತ್ರದ ವಿಶೇಷತೆ ಬಗ್ಗೆ ಮಾಧ್ಯಮಗಳೊಂದಿಗೆ ಮಾಹಿತಿ ಹಂಚಿಕೊಂಡಿತು.
ಕೆಮಿಸ್ಟ್ರಿ ಆಫ್ ಕರಿಯಪ್ಪ ಚಿತ್ರದ ನಿರ್ಮಾಪಕ ಈಗ ಸಿನಿಮಾ ಹೀರೋ!! ಇದೊಂದು ಲವ್,ಆ್ಯಕ್ಷನ್, ಥ್ರಿಲ್ಲರ್ ಸಿನಿಮಾ. ಅರ್ಜುನ್ ಮಂಜುನಾಥ್ ಜೊತೆ ಮತ್ತೊಬ್ಬ ರಂಗಭೂಮಿ ಕಲಾವಿದ ಯಶಸ್ ಅಭಿ ಆ್ಯಕ್ಟ್ ಮಾಡಿದ್ದಾರೆ. ಈ ಚಿತ್ರಕ್ಕಾಗಿ ಅರ್ಜುನ್ ಮಂಜುನಾಥ್ ಬಾಡಿ ಬಿಲ್ಡ್ ಮಾಡಿ ಸಾಫ್ಟ್‌ವೇರ್ ಗಂಡನ ಕ್ಯಾರೆಕ್ಟರ್ನಲ್ಲಿ ಕಾಣಿಸಿದ್ದಾರೆ. ಇದರ ಜೊತೆಗೆ ತಬಲಾ ನಾಣಿ, ಎಸ್.ನಾರಾಯಣ್, ಓಂಪ್ರಕಾಶ್‌ ರಾವ್‌ ಸೇರಿ ಇಡೀ ಕೆಮಿಸ್ಟ್ರಿ ಆಫ್ ಕರಿಯಪ್ಪ ಚಿತ್ರದ ಕಲಾವಿದರು ಈ ಚಿತ್ರದಲ್ಲಿ ನಟಿಸಿದ್ದಾರೆ.
ಈ ಸಿನಿಮಾಕ್ಕೆ ಸಂಯುಕ್ತ-2 ಸಿನಿಮಾ ನಿರ್ದೇಶನ ಮಾಡಿದ್ದ ಅಭಿ ರಾಮ್ ಆ್ಯಕ್ಷನ್-ಕಟ್ ಹೇಳಿದ್ದಾರೆ. ಕೆ ವಿ ರವಿಚಂದ್ರನ್ ಸಂಗೀತ ನೀಡಿದ್ದಾರೆ. ಬೆಂಗಳೂರು, ಮೈಸೂರು ಹಾಗೂ ತಮಿಳುನಾಡಿನಲ್ಲಿ ಸಿನಿಮಾದ ಶೂಟಿಂಗ್ ಆಗಿದೆ.
