'ರಾಬರ್ಟ್' ಚಿತ್ರದಲ್ಲಿನ ಚಾಲೆಂಜಿಂಗ್ ಸ್ಟಾರ್ ಲುಕ್ ರಿವೀಲ್​​!

ದರ್ಶನ್ ಅಭಿನಯದ 'ರಾಬರ್ಟ್' ಸಿನಿಮಾದ ಮತ್ತೊಂದು ಫೊಟೋ ರಿವೀಲ್ ಆಗಿದ್ದು ಈ ಸಿನಿಮಾದಲ್ಲಿ ದರ್ಶನ್ ಲುಕ್ ಹೇಗೆ ಇರಲಿದೆ ಎಂಬುದು ಈಗ ವೈರಲ್ ಆಗಿದೆ. ದರ್ಶನ್ ಜೊತೆ ವಿನೋದ್ ಪ್ರಭಾಕರ್ ಕೂಡಾ ಈ ಫೊಟೋದಲ್ಲಿ ಕಾಣಿಸಿಕೊಂಡಿದ್ದಾರೆ.

'ರಾಬರ್ಟ್' ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ಹೊಸ ಸಿನಿಮಾ. ತರುಣ್ ಸುಧೀರ್ ಈ ಸಿನಿಮಾವನ್ನು ನಿರ್ದೇಶಿಸುತ್ತಿದ್ದಾರೆ. ಕೆಲವು ದಿನಗಳ ಹಿಂದೆ ಚಿತ್ರದ ಮೊದಲ ಪೋಸ್ಟರ್​​​ ಬಿಡುಗಡೆ ಆಗಿತ್ತು. ದರ್ಶನ್ ಅಭಿಮಾನಿಗಳಂತೂ ಚಿತ್ರದ ಮತ್ತೊಂದು ಪೋಸ್ಟರ್ ಯಾವಾಗ ಬಿಡುಗಡೆಯಾಗುವುದು ಎಂದು ಕಾಯುತ್ತಿದ್ದರು.

ದರ್ಶನ್, ವಿನೋದ್ ಪ್ರಭಾಕರ್​

ಇದೀಗ 'ರಾಬರ್ಟ್' ಮತ್ತೊಂದು ಪೋಸ್ಟರ್ ಬಿಡುಗಡೆಯಾಗಿದ್ದು, ಈ ಚಿತ್ರದಲ್ಲಿ ದರ್ಶನ್ ಲುಕ್ ಕೂಡಾ ರಿವೀಲ್ ಆಗಿದೆ. ಮೊದಲು ಬಿಡುಗಡೆಯಾಗಿದ್ದ ಥೀಮ್ ಪೋಸ್ಟರ್​​​ ಸೋಶಿಯಲ್ ಮೀಡಿಯಾದಲ್ಲಿ ಒಂದಿಷ್ಟು ಚರ್ಚೆಗೆ ಕಾರಣವಾಗಿತ್ತು. ಆ ಥೀಮ್ ಪೋಸ್ಟರ್ ನೋಡಿದರೆ ಥಟ್ಟನೆ ಗಮನ ಸೆಳೆಯುವುದು ಆ ಬೈಕ್ ಹಾಗೂ ನಂಬರ್ ಪ್ಲೇಟ್. ನಂಬರ್ ಪ್ಲೇಟ್‌ನಲ್ಲಿ ಡಿ ಬಾಸ್ ಎಂಬುದು ಕೂಡಾ ಹೈಲೈಟ್​​​​ ಆಗಿತ್ತು. ಆದರೆ ಪೋಸ್ಟರ್‌ನಲ್ಲಿ ನಾಯಕ ದರ್ಶನ್ ಮುಖವನ್ನು ರಿವೀಲ್ ಮಾಡಿರಲಿಲ್ಲ. ಇದೀಗ ರಿವೀಲ್ ಆಗಿರುವ ಫೊಟೊದಲ್ಲಿ ದರ್ಶನ್ ಲುಕ್ ಹೇಗಿರುತ್ತೆ ಅನ್ನೋದು ರಿವೀಲ್ ಆಗಿದೆ. ಉದ್ದ ಕೂದಲು ಬಿಟ್ಟು, ಹಣೆಗೆ ಬೆಲ್ಟ್ ಕಟ್ಟಿರುವ ದರ್ಶನ್ ಮಾಸ್ ಲುಕ್​​ನಲ್ಲಿ ಸಖತ್ ಆಗಿ ಕಾಣುತ್ತಿದ್ದಾರೆ.

ಇದರ ಜೊತೆಗೆ ಮರಿ ಟೈಗರ್ ವಿನೋದ್ ಪ್ರಭಾಕರ್ ಕೂಡಾ ಡಿಫರೆಂಟ್​​​​​​​ ಅವತಾರದಲ್ಲಿ ಯಜಮಾನನ ಜೊತೆ ಕಾಣಿಸಿಕೊಂಡಿದ್ದಾರೆ. ಇನ್ನು ಚಿತ್ರದಲ್ಲಿ ವಿನೋದ್ ಪ್ರಭಾಕರ್ ಕೂಡಾ ವಿಲನ್ ಶೇಡ್​​​ನಲ್ಲಿ ಕಾಣಿಸಿಕೊಳ್ಳುತ್ತಾರೆ ಎನ್ನಲಾಗಿತ್ತು. ಆದರೆ ಈ ಬಗ್ಗೆ ಪ್ರತಿಕ್ರಿಯಿಸಿದ್ದ ನಿರ್ದೇಶಕ ತರುಣ್ ಸುಧೀರ್ ವಿನೋದ್ ಪ್ರಭಾಕರ್ ಈ ಚಿತ್ರದಲ್ಲಿ ನಟಿಸುತ್ತಿಲ್ಲ ಎಂದು ಹೇಳಿದ್ದರು. ಆದರೆ ಈಗ ಚಾಲೆಂಜಿಂಗ್ ಸ್ಟಾರ್ ಜೊತೆ ಮರಿ ಟೈಗರ್​​​​​​ ಕಾಣಿಸಿಕೊಂಡಿದ್ದಾರೆ. ಇನ್ನು ಥೀಮ್ ಪೋಸ್ಟರ್​​​​​​​​​​​​​ನಲ್ಲಿ ಬಳಸಿರುವುದು ಇದೇ ಬೈಕ್ ಅಂತಾ ಅನುಮಾನ ಕೂಡಾ ಶುರುವಾಗಿದೆ. ಸದ್ಯ ಈಗ ರಿವೀಲ್ ಆಗಿರೋ ಚಿತ್ರದ ಫೊಟೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.