ಸೆಂಚುರಿ ಸ್ಟಾರ್ ಶಿವರಾಜ್ಕುಮಾರ್ ಅಭಿನಯದ ಟಗರು ಸಿನಿಮಾ ರಿಲೀಸ್ ಆಗಿ ವರ್ಷಗಳೇ ಕಳೆಯುತ್ತಿವೆ. ಆದ್ರೆ ಈ ಸಿನಿಮಾದ ಹಾಡುಗಳನ್ನು ಮಾತ್ರ ಇನ್ನೂ ಯಾರೂ ಮರೆತಿಲ್ಲ. ಅದರಲ್ಲೂ 'ಟಗರು ಬಂತು ಟಗರು' ಹಾಡಿನ ಕ್ರೇಜ್ ಮಾತ್ರ ಕಡಿಮೆ ಆಗಿಲ್ಲ.
'ಟಗರು' ಹಾಡಿನ ಬಗ್ಗೆ ಶಿವಣ್ಣ ಪ್ರತಿಕ್ರಿಯೆ
ನನ್ನ ಸಿನಿಮಾ ಹಾಡನ್ನು ಅಷ್ಟು ಜನ ನೋಡಿದ್ದಾರಾ? ಆಶ್ಚರ್ಯ ವ್ಯಕ್ತಪಡಿಸಿದ ಸೆಂಚುರಿ ಸ್ಟಾರ್!
ದುನಿಯಾ ಸೂರಿ ನಿರ್ದೇಶನದಲ್ಲಿ ಶಿವರಾಜ್ಕುಮಾರ್ ಅಭಿನಯದ 'ಟಗರು' ಸಿನಿಮಾ ಹಾಡುಗಳ ಕ್ರೇಜ್ ಇನ್ನೂ ಕಡಿಮೆಯಾಗಿಲ್ಲ. ಚಿತ್ರದ ಟೈಟಲ್ ಹಾಡನ್ನು ಯೂಟ್ಯೂಬ್ನಲ್ಲಿ ಸುಮಾರು 50 ಮಿಲಿಯನ್ ಜನರು ನೋಡಿದ್ದಾರೆ. ಇದಕ್ಕೆ ಶಿವಣ್ಣ ಕೂಡಾ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ.
ಸೆಂಚುರಿ ಸ್ಟಾರ್
ಶಿವಣ್ಣ ಥೀಮ್ ಸ್ಟೆಪ್ ಹಾಕಿದ ಟಗರು ಬಂತು ಟಗರು ಹಾಡು ಯೂಟ್ಯೂಬ್ನಲ್ಲಿ ಹೊಸ ರೆಕಾರ್ಡ್ ಬರೆಯಲು ರೆಡಿಯಾಗಿದೆ. 'ಟಗರು' ಸಿನಿಮಾದ ಟೈಟಲ್ ಸಾಂಗ್ ಯೂಟ್ಯೂಬ್ನಲ್ಲಿ 50 ಮಿಲಿಯನ್ ಜನರು ನೋಡುವ ಮೂಲಕ ಹೆಸರು ಮಾಡಿದೆ. 2018 ಏಪ್ರಿಲ್ 23ರಂದು ಈ ಹಾಡು ಪಿಆರ್ಕೆ ಆಡಿಯೋ ಮೂಲಕ ಬಿಡುಗಡೆ ಆಗಿತ್ತು. ಈ ಹಾಡನ್ನು ವಿ.ನಾಗೇಂದ್ರ ಪ್ರಸಾದ್ ಬರೆದಿದ್ದು, ಚರಣ್ ರಾಜ್ ಸಂಗೀತ ನೀಡಿದ್ದರು. ತಮಿಳಿನ ಜಾನಪದ ಗಾಯಕ ಆಂಟೋನಿ ದಾಸ್ ಈ ಹಾಡಿನ ಮೂಲಕ ಕನ್ನಡಿಗರಿಗೆ ಪರಿಚಯವಾಗಿದ್ದರು. ಮೊದಲು ಈ ಹಾಡಿನ ಲಿರಿಕಲ್ ವಿಡಿಯೋ ಬಿಡುಗಡೆಯಾಗಿ 42 ಮಿಲಿಯನ್ ಹಿಟ್ಸ್ ಪಡೆದುಕೊಂಡಿತ್ತು. ಈಗ ವಿಡಿಯೋ ಹಾಡಿಗೆ 50 ಮಿಲಿಯನ್ ಹಿಟ್ಸ್ ಸಿಕ್ಕಿದೆ.
ವಿಶೇಷ ಅಂದರೆ ಪಿಆರ್ಕೆ ಆಡಿಯೋದಲ್ಲಿ ಬಿಡುಗಡೆಯಾಗಿ ಅತಿ ಹೆಚ್ಚು ವೀಕ್ಷಿಸಿರುವ ಹಾಡು ಇದಾಗಿದೆ. 1.37 ಲಕ್ಷಕ್ಕೂ ಹೆಚ್ಚು ಮಂದಿ ಹಾಡನ್ನು ಯೂಟ್ಯೂಬ್ನಲ್ಲಿ ಲೈಕ್ ಮಾಡಿದ್ದಾರೆ. ಕರ್ನಾಟಕ ಮಾತ್ರವಲ್ಲದೆ ವಿದೇಶಗಳಲ್ಲೂ ಈ ಹಾಡಿನ ಅಬ್ಬರ ಜೋರಾಗಿತ್ತು. ಸದ್ಯಕ್ಕೆ ಈ ಹಾಡಿನ ಬಗ್ಗೆ ಪ್ರತಿಕ್ರಿಯಿಸಿರುವ ಶಿವರಾಜ್ಕುಮಾರ್, ನನ್ನ ಸಿನಿಮಾದ ಹಾಡನ್ನು ಮಿಲಿಯನ್ ಮಂದಿ ನೋಡಿದ್ದಾರಾ ಎಂದು ಅಚ್ಚರಿ ವ್ಯಕ್ತಪಡಿಸಿದ್ರು. ಇದರ ಎಲ್ಲಾ ಕ್ರೆಡಿಟ್ ನಿರ್ದೇಶಕ ದುನಿಯಾ ಸೂರಿ, ಸಂಗೀತ ನಿರ್ದೇಶಕ ಚರಣ್ ರಾಜ್, ಗಾಯಕ ಆಂಟೋನಿ ದಾಸ್ ಮತ್ತು ನಿರ್ಮಾಪಕ ಕೆ.ಪಿ. ಶ್ರೀಕಾಂತ್ಗೆ ಸೇರುತ್ತೆ. ಇದೇ ಜೋಷ್ನಲ್ಲಿ ಟಗರು-2 ಸಿನಿಮಾಕ್ಕೆ ಕಾಯುತ್ತಿದ್ದೇನೆ ಅಂತ ಶಿವಣ್ಣ ಹೇಳಿದರು.