ನಾಜೂಕು ನಾರಿ...ಓ ಜೋಕುಮಾರಿ, ಮೋನಲೀಸ ಕದ್ದು ಬಿಟ್ಟೆಯಲ್ಲೆ ಮನಸ...ಹಾಡು ಕೇಳಿದೊಡನೆ ನಮಗೆ ನೆನಪಾಗುವುದು ಸೆಂಚುರಿ ಸ್ಟಾರ್ ಶಿವರಾಜ್ಕುಮಾರ್ ನಟಿಸಿರುವ 'ಯುವರಾಜ' ಸಿನಿಮಾ. ಈ ಸಿನಿಮಾವನ್ನು ಖ್ಯಾತ ನಿರ್ದೇಶಕ ಪುರಿ ಜಗನ್ನಾಥ್ ನಿರ್ದೇಶಿಸಿದ್ದರು.
ಶಿವರಾಜ್ಕುಮಾರ್ ಜೊತೆ ನಟಿಸಿದ್ದ ಈ 'ನಾಜೂಕು ನಾರಿ' ಯಾರು ಕಂಡುಹಿಡಿಯಲು ಸಾಧ್ಯವೇ...?
ಮೇಕಪ್ ಮಾಡಿಕೊಳ್ಳದ ಪೋಟೋವನ್ನು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಮಾಡಿರುವ ನಟಿ ಲಿಸಾ ರೇ ನಿಮ್ಮಲ್ಲಿ ಯಾರಿಗಾದರೂ ತಮ್ಮ ವೃದ್ಧಾಪ್ಯವನ್ನು ತೋರಿಸಿಕೊಳ್ಳುವ ಧೈರ್ಯ ಇದೆಯಾ ಎಂದು ಪ್ರಶ್ನಿಸಿದ್ದಾರೆ. ಲಿಸಾ ಫೋಟೋಗೆ ನೆಟಿಜನ್ಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಲಿಸಾ ರೇ
ಇನ್ನು ಈ ಸಿನಿಮಾದಲ್ಲಿ ಭಾವನಾ ಪಾಣಿ ಹಾಗೂ ಲಿಸಾ ರೇ ಶಿವಣ್ಣನ ಜೊತೆ ನಾಯಕಿಯರಾಗಿ ನಟಿಸಿದ್ದರು. ಲಿಸಾ ತಾವು ಅಭಿನಯಿಸಿದ ಸಿನಿಮಾಗಳಿಂದ ಅಂತಹ ಹೆಸರು ಗಳಿಸಲಿಲ್ಲ. ಆದರೆ ತಮ್ಮ 47ನೇ ವಯಸ್ಸಿಗೆ ಅವರ ಹೆಸರು ಇಂಟರ್ನೆಟ್ನಲ್ಲಿ ಹರಿದಾಡುತ್ತಿದೆ. ಕಾರಣ ಆಕೆಯ ಮೇಕಪ್ ಇಲ್ಲದೆ ಫೋಟೋ. ಲಿಸಾ ರೇ ತಮ್ಮ ಮೇಕಪ್ ರಹಿತ ಫೋಟೋವೊಂದನ್ನು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಇದರಿಂದ ಆಕೆಯ ಬಗ್ಗೆ ನೆಟಿಜನ್ಗಳು ಸಂತೋಷ ವ್ಯಕ್ತಪಡಿಸಿದ್ದಾರೆ. ಇತ್ತೀಚೆಗೆ ಬಹಳಷ್ಟು ನಟಿಯರು ತಮ್ಮ ಮೇಕಪ್ ಇಲ್ಲದ ಪೋಟೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದರು. ಇದೀಗ ಲೀಸಾ ರೇ ಸರದಿ.
ತಮ್ಮ ಫೋಟೋವನ್ನು ಪೋಸ್ಟ್ ಮಾಡಿ 'ಇದು ನಾನೇ, ನನಗೆ ಈಗ 47 ವರ್ಷ. ನಾನು ಮೇಕಪ್ ಇಲ್ಲದ ನನ್ನ ಫೋಟೋವನ್ನು ಬಹಿರಂಗಪಡಿಸಿದ್ದೇನೆ. ನಿಮ್ಮಲ್ಲಿ ಯಾರಿಗಾದರೂ ಆ ಧೈರ್ಯ ಇದೆಯೇ..? ಎಂದು ಪ್ರಶ್ನಿಸಿದ್ದಾರೆ. ಲಿಸಾ ಅವರ ಈ ಫೋಟೋಗೆ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ನೀವು ಮೇಕಪ್ ಮಾಡಿಕೊಂಡಾಗಲೂ, ಮಾಡಿಕೊಳ್ಳದಿದ್ದಾಗಲೂ ಬಹಳ ಅಂದವಾಗಿ ಕಾಣಿಸುತ್ತೀರ ಎಂದು ಕೆಲವರು ಕಮೆಂಟ್ ಮಾಡಿದರೆ ನಿಮ್ಮ ಚಾಲೆಂಜನ್ನು ನಾವು ಸ್ವೀಕರಿಸಿದ್ದೇವೆ ಎಂದು ಮತ್ತೆ ಕೆಲವರು ಕಮೆಂಟ್ ಮಾಡಿದ್ದಾರೆ.