ಇಂದು ದೇಶಾದ್ಯಂತ ವಿಜಯದಶಮಿ ಆಚರಿಸಲಾಗುತ್ತಿದೆ. ಇದೇ ಖುಷಿಯಲ್ಲಿರುವ ಬಾಲಿವುಡ್ ತಾರೆಯರು ತಮ್ಮ ಅಭಿಮಾನಿವೃಂದಕ್ಕೆ ಹಬ್ಬದ ಶುಭಾಷಯ ತಿಳಿಸಿದ್ದಾರೆ. ತಮ್ಮ ಸೋಷಿಯಲ್ ಮೀಡಿಯಾಗಳಲ್ಲಿ ದಸರಾ ಹಬ್ಬದ ಬಗ್ಗೆ ಬಿಟೌನ್ನ ಮಾಧುರಿ ರೀಕ್ಷಿತ್, ಅಜಯ್ ದೇವಗನ್, ಅಭಿಷೇಕ್ ಬಚ್ಚನ್, ಕಂಗನಾ ರನೌತ್ ಸೇರಿದಂತೆ ಹಲವರು ವಿಶ್ ಮಾಡಿದ್ದಾರೆ.
ತಮ್ಮ ಟ್ವಿಟರ್ನಲ್ಲಿ ಶುಭಾಶಯ ತಿಳಿಸಿರುವ ಮಾಧುರಿ ದೀಕ್ಷಿತ್, ರಾಮ ಬಿಲ್ಲು ಬಾಣ ಹಿಡಿದಿರುವ ಫೋಟೋ ಶೇರ್ ಮಾಡಿದ್ದಾರೆ. ಈ ಫೋಟೋ ಹಾಕಿ, ದುಷ್ಟತನದ ವಿರುದ್ದ ಯಾವಾಗಲೂ ವಿಜಯ ಸಾಧಿಸಿ. ದಸರಾ ಹಬ್ಬವು ನಿಮಗೆ ಸಂತೋಷದ ಸಮೃದ್ದಿಯನ್ನು ಕರುಣಿಸಲಿ ಎಂದು ಬರೆದಿದ್ದಾರೆ.
ಹಬ್ಬದ ಶುಭಾಶಯದ ಜೊತೆಗೆ ಕೊರೊನಾ ಜಾಗೃತಿಯನ್ನು ಸಾರಿರುವ ಅಜಯ್ ದೇವಗನ್, ಸಾಮಾಜಿಕ ಅಂತರ ಮತ್ತು ಮಾಸ್ಕ್ ಧರಿಸಿ ಹಬ್ಬ ಆಚರಿಸಿ. ಒಳ್ಳೆಯದು ಕೆಟ್ಟದರ ಮೇಲೆ ಯಾವಾಗಲೂ ವಿಜಯ ಸಾಧಿಸುವಂತಾಗಲಿ. ದಸರಾ ಶುಭಾಶಯಗಳು ಎಂದಿದ್ದಾರೆ.