ಈ ಹಿಂದೆ ‘ಉಪೇಂದ್ರ’ ಚಿತ್ರದಲ್ಲಿ ರವೀನಾ ನಟಿಸಿದ್ದರು. ಇದೀಗ ಕೆಜಿಎಫ್2 ನಲ್ಲಿ ಅಭಿನಯಿಸುವುದು ಪಕ್ಕಾ ಆಗಿದ್ದೆ ಆದಲ್ಲಿ, ಎರಡನೇ ಬಾರಿಗೆ ಅವರು, ಚಂದನವನಕ್ಕೆ ಕಾಲಿಟ್ಟಂತಾಗುತ್ತದೆ. ರವೀನಾ ಅವರನ್ನೇ ಆಯ್ಕೆ ಮಾಡಿಕೊಳ್ಳಲು ಇನ್ನೊಂದು ಬಲವಾದ ಕಾರಣ ಕೂಡಾ ಇದೆ. ಕೆಜಿಎಫ್ ಮೊದಲ ಭಾಗದ ಹಿಂದಿ ಹಕ್ಕನ್ನು ಪಡೆದಿದ್ದು ರವೀನಾ ಅವರ ಪತಿ ಅನಿಲ್ ತದಾನಿ. ಆ ಒಂದು ಕನೆಕ್ಷನ್ನಿಂದ ಈ ರೀತಿಯ ಪಾತ್ರಕ್ಕೆ ರವೀನಾ ಅವರನ್ನು ಆಯ್ಕೆ ಮಾಡಿಕೊಳ್ಳಲಾಗಿದೆ ಎನ್ನಲಾಗುತ್ತಿದೆ.
ಕೆಜಿಎಫ್ 2 ಚಿತ್ರದಲ್ಲಿ ಬಾಲಿವುಡ್ ನಟಿ,ಇಂದಿರಾ ಗಾಂಧಿ ಪಾತ್ರಕ್ಕೆ 'ಉಪೇಂದ್ರ' ಚೆಲುವೆ - undefined
ಬಹುನಿರೀಕ್ಷಿತ ಕನ್ನಡದ ಕೆಜಿಎಫ್ 2ನಲ್ಲಿ ಬಾಲಿವುಡ್ ನಟಿ ರವೀನಾ ಟಂಡನ್ ನಟಿಸಲಿದ್ದಾರೆ. ಈ ಚಿತ್ರದಲ್ಲಿ ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಪಾತ್ರ ಸಹ ಮೂಡಿ ಬರಲಿದೆ. ಈ ಪಾತ್ರವನ್ನು ರವೀನಾ ನಿಭಾಯಿಸಲಿದ್ದಾರೆ ಎನ್ನುವ ಟಾಕ್ ಶುರುವಾಗಿದೆ.
KGF
ಕೆಜಿಎಫ್ ಚಾಪ್ಟರ್ 2 ರಲ್ಲಿ ಇಂದಿರಾ ಗಾಂಧಿ ಪಾತ್ರ ಬರುವುದರಿಂದ ಚಿತ್ರಕ್ಕೆ ಒಂದು ದೊಡ್ಡ ಆಯಾಮ ಸಿಕ್ಕಂತಾಗಿದೆ. ನಿರ್ದೇಶಕ ಪ್ರಶಾಂತ್ ನೀಲ್ ಅವರ ಅಧ್ಯಯನ ತಂಡ ಹೇಗೆ ಇಂದಿರಾ ಗಾಂಧಿ ಅವರನ್ನು ಚಿತ್ರದ ಕತೆಯೊಳಗೆ ತರುತ್ತಾರೆ ಎಂಬುದು ಕುತೂಹಲದ ವಿಚಾರ.
ಜೂನ್ 6 ರಿಂದ ರಾಕಿಂಗ್ ಸ್ಟಾರ್ ಯಶ್ ಮೈಸೂರಿನಲ್ಲಿ ನಡೆಯುವ ಚಿತ್ರೀಕರಣದಲ್ಲಿ ಪಾಲ್ಗೊಳ್ಳಲ್ಲಿದ್ದಾರೆ. ತೆಲುಗು ನಟ ರಮೇಶ್ ರಾವ್ ಸಹ ಈ ಚಿತ್ರದಲ್ಲಿದ್ದಾರೆ. ಇನ್ನು ಹಿಂದಿ ನಟ ಸಂಜಯ್ ದತ್ ಪಾತ್ರದ ಬಗ್ಗೆಯೂ ಕುತೂಹಲ ಬಯಲಾಗಿಲ್ಲ.