ಹಿಂದಿ ಬಿಗ್ಬಾಸ್ ಈ ಸಲ ಒಟಿಟಿಯಲ್ಲಿ ಮಾತ್ರ ಪ್ರಸಾರಗೊಳ್ಳುತ್ತಿದ್ದು, ಹೆಚ್ಚಿನ ಜನರ ಸೆಳೆಯುವ ಉದ್ದೇಶದಿಂದ ಇನ್ನಿಲ್ಲದ ಕಸರತ್ತು ನಡೆಸಲಾಗುತ್ತಿದೆ. ಇದರ ಬೆನ್ನಲ್ಲೇ ಮನೆಯಲ್ಲಿ ಹೈಡ್ರಾಮಾ ನಡೆದಿದ್ದು, ಕೆಲ ಸ್ಪರ್ಧಿಗಳು ಪರಸ್ಪರ ಹೊಡೆದಾಡಿಕೊಂಡಿದ್ದಾರೆ.
ಬಿಗ್ಬಾಸ್ ಶೋನಲ್ಲಿ ಹೊಡೆದಾಟ.. ಸಹ ಸ್ಪರ್ಧಿಗೆ ಗಾಯ, ಎಲಿಮಿನೇಟ್ ಆದ ಸ್ಪರ್ಧಿ!
ಈ ಸಲದ ಹಿಂದಿ ಬಿಗ್ಬಾಸ್ ಒಟಿಟಿಯಲ್ಲಿ ಮಾತ್ರ ಪ್ರಸಾರಗೊಳ್ಳುತ್ತಿದ್ದು, ಅನೇಕ ಹೈಡ್ರಾಮಾ ನಡೆಯುತ್ತಿವೆ. ಸದ್ಯ ಅಂತಹ ಮತ್ತೊಂದು ಘಟನೆ ನಿನ್ನೆಯ ಎಪಿಸೋಡ್ನಲ್ಲಿ ನಡೆದಿದೆ.
Bigg boss
ಬಿಗ್ಬಾಸ್ ಮನೆಯಲ್ಲಿ ಮ್ಯಾನ್ ಬಾಸ್ ಲೇಡಿ ಹೆಸರಿನ ಟಾಸ್ಕ್ ನೀಡಲಾಗಿದ್ದು, ಈ ವೇಳೆ ಸ್ಪರ್ಧಿಗಳಾದ ಜೀಶನ್ ಹಾಗೂ ಪ್ರತೀಕ್ ನಡುವೆ ಮಾರಾಮಾರಿ ನಡೆದಿದ್ದು, ಘಟನೆಯಲ್ಲಿ ಪ್ರತೀಕ್ ಗಾಯಗೊಂಡಿದ್ದಾಗಿ ತಿಳಿದು ಬಂದಿದೆ. ಘಟನೆ ನಡೆಯುತ್ತಿದ್ದಂತೆ ಮನೆಯಿಂದ ತಕ್ಷಣವೇ ಜೀಶನ್ಗೆ ಎಲಿಮಿನೇಟ್ ಮಾಡಲಾಗಿದೆ.
ಹಿಂದಿಯಲ್ಲಿ ಪ್ರಸಾರಗೊಳ್ಳುತ್ತಿದ್ದ ಕುಂಕುಮ್ ಭಾಗ್ಯ ಧಾರಾವಾಹಿ ಮೂಲಕ ಎಲ್ಲರ ಗಮನ ಸೆಳೆದಿದ್ದ ಜೀಶನ್ ಈ ಸಲದ ಬಿಗ್ಬಾಸ್ ಮನೆಗೆ ಎಂಟ್ರಿ ಪಡೆದುಕೊಂಡಿದ್ದರು. ಆದರೆ, ಇದೀಗ ಮನೆಯಲ್ಲಿ ಅಲ್ಲಿನ ನಿಯಮ ಮುರಿದು ಅರ್ಧದಲ್ಲೇ ಹೊರಬಂದಿದ್ದಾರೆ. ಬಿಗ್ಬಾಸ್ ಮನೆಗೆ ಶಿಲ್ಪಾ ಶೆಟ್ಟಿ ಸಹೋದರಿ ಶಮಿತಾ ಕೂಡ ಹೋಗಿದ್ದು, ಸಹಸ್ಪರ್ಧಿಯೊಬ್ಬರಿಗೆ ಮುತ್ತು ನೀಡಿ, ಹೆಚ್ಚು ಚರ್ಚೆಗೆ ಗ್ರಾಸವಾಗಿದ್ದರು.