ಬಿಗ್ಬಾಸ್ ಸೀಸನ್ 7ರ ವಿಜೇತರಿಗೆ ಸಿಗುವ ಟ್ರೋಫಿಯನ್ನು ಮೊದಲ ದಿನವೇ ತೋರಿಸಲಾಗಿದೆ. ಅದು ಕೂಡಾ ಬಿಗ್ಬಾಸ್ ಮನೆಯಲ್ಲಿ. ಹೌದು, ಬಿಗ್ಬಾಸ್ ಮನೆಯೊಳಗಿನ ವಿಶಾಲವಾದ ಲಿವಿಂಗ್ ರೂಂನಲ್ಲಿ, ಅದು ಎತ್ತರದಲ್ಲಿ, ಯಾರ ಕೈಗೂ ಎಟುಕದ ಹಾಗೆ ಈ ಟ್ರೋಫಿ ಇಡಲಾಗಿದೆ.
ಟ್ರೋಫಿಯ ಜೊತೆಗೆ ಇನ್ನೊಂದು ವಿಶೇಷವೂ ಕೂಡಾ ಬಿಗ್ ಮನೆಯಲ್ಲಿದೆ. ಅದೇನೆಂದರೆ ಕಳೆದ ಆರು ಸೀಸನ್ನಲ್ಲಿ ವಿಜೇತರಾದವರ ಫೋಟೋಗಳನ್ನು ಕೂಡಾ ಲಿವಿಂಗ್ ರೂಂನಲ್ಲಿ ಹಾಕಲಾಗಿದೆ. ಜೊತೆಗೆ ಈ ಸೀಸನ್ನಲ್ಲಿ ಯಾರು ವಿಜೇತರಾಗಬಹುದು ಎಂಬ ಕುತೂಹಲ ಎಲ್ಲರಿಗೂ ಇದ್ದೇ ಇದೆ. ಫೋಟೋಗಳ ಜಾಗದಲ್ಲಿ ಒಂದು ಖಾಲಿ ಫ್ರೇಂ ಕೂಡಾ ಇಡಲಾಗಿದೆ.
ಈ ಬಾರಿ ಬಿಗ್ಬಾಸ್ ಮನೆಯಲ್ಲೇ ಇಡಲಾಗಿದೆ ಟ್ರೋಫಿ... ಯಾಕೆ ಗೊತ್ತಾ?
ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ ಬಿಗ್ಬಾಸ್ನ ಆರು ಸೀಸನ್ಗಳು ಯಶಸ್ವಿಯಾಗಿ ಮುಗಿದಿದ್ದು, ಇದೀಗ ಏಳನೇ ಸೀಸನ್ ಅದ್ಧೂರಿಯಾಗಿ ಆರಂಭಗೊಂಡಿದೆ. ಆರು ಸೀಸನ್ಗಳಲ್ಲಿ ಬಿಗ್ಬಾಸ್ ವಿಜೇತರಿಗೆ ನೀಡುವ ಟ್ರೋಫಿ ಗ್ರ್ಯಾಂಡ್ ಫಿನಾಲೆಯಲ್ಲಿ ಮಾತ್ರ ಕಾಣಸಿಗುತ್ತಿತ್ತು. ಆದರೆ ಈ ಸೀಸನ್ನಲ್ಲಿ ಹಾಗಲ್ಲ!
ಈ ಬಾರಿ ಮನೆಯಲ್ಲೇ ಇದೆ ಬಿಗ್ ಬಾಸ್ ಟ್ರೋಫಿ
ಬಿಗ್ಬಾಸ್ ಮನೆ ಸೇರಿರುವ ಎಲ್ಲಾ ಸ್ಪರ್ಧಿಗಳಿಗೆ ಈ ಟ್ರೋಫಿ ಸ್ಫೂರ್ತಿ. ಯಾಕೆಂದರೆ ಪ್ರತಿದಿನ ಈ ಟ್ರೋಫಿ ಕಣ್ಣ ಮುಂದೆ ಕಾಣುತ್ತಿದ್ದರೆ ನಿಜಕ್ಕೂ ಪ್ರೋತ್ಸಾಹ ಸಿಕ್ಕಂತೆ. ಖಾಲಿ ಇರುವ ಫೋಟೋ ಫ್ರೇಂನಲ್ಲಿ ತಮ್ಮ ಫೋಟೋ ಬರಬೇಕು ಎಂಬ ಆಸೆಯಿಂದ ಚೆನ್ನಾಗಿ ಟಾಸ್ಕ್ಗಳನ್ನು ಮಾಡಬಹುದು ಎಂದು ಟ್ರೋಫಿಯನ್ನು ಇಟ್ಟಿರುವ ಬಗ್ಗೆ ವಿವರಿಸುತ್ತಾರೆ ಕಿಚ್ಚ ಸುದೀಪ್.
Last Updated : Oct 16, 2019, 9:19 AM IST