ಭರ್ಜರಿ ಚೇತನ್ ನಿರ್ದೇಶನದಲ್ಲಿ ರೋರಿಂಗ್ ಸ್ಟಾರ್ ಶ್ರೀಮುರಳಿ ಅಭಿನಯಿಸುತ್ತಿರುವ ಸ್ಯಾಂಡಲ್ವುಡ್ ಬಹುನಿರೀಕ್ಷಿತ ಸಿನಿಮಾ 'ಭರಾಟೆ'. ಸುಪ್ರೀತ್ ಈ ಸಿನಿಮಾವನ್ನು ಅದ್ದೂರಿಯಾಗಿ ನಿರ್ಮಿಸಿದ್ದಾರೆ.
ಅದ್ದೂರಿ ಸೆಟ್ನಲ್ಲಿ 'ಭರಾಟೆ' ಟೈಟಲ್ ಸಾಂಗ್ ಶೂಟ್: ಹೇಗಿದೆ ಗೊತ್ತಾ ಹಾಡಿನ ಮೇಕಿಂಗ್..? - undefined
ಶ್ರೀಮುರಳಿ ಅಭಿನಯದ 'ಭರಾಟೆ' ಸಿನಿಮಾ ಶೂಟಿಂಗ್ ಅಂತಿಮ ಹಂತದಲ್ಲಿದ್ದು ಇತ್ತೀಚೆಗೆ ರಚಿತಾ ರಾಮ್ ಹಾಗೂ ಶ್ರೀಮುರಳಿ ಜೊತೆಯಾಗಿ ಸ್ಟೆಪ್ ಹಾಕಿದ್ದ ಚಿತ್ರದ ಟೈಟಲ್ ಸಾಂಗನ್ನು ಚಿತ್ರೀಕರಿಸಿಕೊಳ್ಳಲಾಯಿತು. ಈ ಹಾಡಿನ ಮೇಕಿಂಗ್ ವಿಡಿಯೋವನ್ನು ಚಿತ್ರತಂಡ ರಿವೀಲ್ ಮಾಡಿದೆ.
'ಭರಾಟೆ' ಚಿತ್ರದ ಟೈಟಲ್ ಹಾಡಿನ ಮೇಕಿಂಗ್
ಇತ್ತೀಚೆಗಷ್ಟೇ ಈ ಸಿನಿಮಾದ ಟೈಟಲ್ ಹಾಡಿಗೆ ರಚಿತಾ ರಾಮ್, ಶ್ರೀಮುರಳಿ ಜೊತೆಯಾಗಿ ಡ್ಯಾನ್ಸ್ ಮಾಡಿರುವ ಚಿತ್ರೀಕರಣದ ಫೋಟೋಗಳು ಬಿಡುಗಡೆಯಾಗಿತ್ತು. ಇದೀಗ ಯುಗಾದಿ ಹಬ್ಬದ ವಿಶೇಷವಾಗಿ ಚಿತ್ರತಂಡ ಟೈಟಲ್ ಹಾಡಿನ ಮೇಕಿಂಗ್ ರಿಲೀಸ್ ಮಾಡಿದೆ. ಬೆಂಗಳೂರಿನ ನೆಲಮಂಗಲದ ಬಳಿ ಹಾಕಲಾಗಿದ್ದ ಅದ್ದೂರಿ ಸೆಟ್ನಲ್ಲಿ ನೂರಾರು ಸಹಕಲಾವಿದರೊಂದಿಗೆ ರಚಿತಾ ಹಾಗೂ ಶ್ರೀಮುರಳಿ ಕುಣಿದಿದ್ದಾರೆ.
ಇನ್ನು ಡಿಂಪಲ್ ಕ್ವೀನ್ ರಚಿತಾ ರಾಮ್ ಕಪ್ಪು ಮತ್ತು ಹಳದಿ ಬಣ್ಣದ ಕಾಸ್ಟ್ಯೂಮ್ನಲ್ಲಿ ಸುಂದರವಾಗಿ ಕಾಣುತ್ತಿದ್ದಾರೆ. ಕೋರಿಯೋಗ್ರಫರ್ ಮೋಹನ್ ಈ ಹಾಡಿಗೆ ನೃತ್ಯ ಸಂಯೋಜನೆ ಮಾಡಿದ್ದಾರೆ. ಶ್ರೀಮುರಳಿಗೆ ಶ್ರೀಲೀಲಾ ಮೊದಲ ಬಾರಿಗೆ ಜೋಡಿಯಾಗಿದ್ದಾರೆ. ಜೂನ್ ತಿಂಗಳಲ್ಲಿ 'ಭರಾಟೆ' ಸಿನಿಮಾ ರಿಲೀಸ್ ಮಾಡಲು ಚಿತ್ರತಂಡ ಸಿದ್ಧತೆ ನಡೆಸಿದೆ.