ಇಂದು ಹ್ಯಾಟ್ರಿಕ್ ಹೀರೋ ಡಾ. ಶಿವರಾಜ್ ಕುಮಾರ್ ಅವರ ಹುಟ್ಟುಹಬ್ಬ. ಟಗರು ಶಿವನ ಬರ್ತ್ ಡೇ ಸ್ಪೆಷಲ್ ಆಗಿ ಭಜರಂಗಿ 2 ಚಿತ್ರದ ಟೀಸರ್ ಲಾಂಚ್ ಆಗಿದೆ.
ಕೊರೊನಾದಿಂದ ಕಳೆಗುಂದಿದ್ದ ಟಗರು ಶಿವನ ಹುಟ್ಟು ಹಬ್ಬವನ್ನು ಭಜರಂಗಿ 2 ಟೀಸರ್ ಕಲರ್ ಪುಲ್ ಮಾಡಿದೆ. ನಿರ್ದೇಶಕ ಎ. ಹರ್ಷ ವಜ್ರಕಾಯ ಚಿತ್ರದ ನಂತರ ಹ್ಯಾಟ್ರಿಕ್ ಹೀರೋ ಜೊತೆ ಹ್ಯಾಟ್ರಿಕ್ ಕಾಂಬಿನೇಷನ್ನಲ್ಲಿ ಮೂಡಿ ಬಂದಿರುವ ಭಜರಂಗಿ 2 ಚಿತ್ರದ ಟೀಸರ್ ಅಭಿಮಾನಿಗಳಲ್ಲಿ ಸಿನಿಮಾ ನೋಡುವ ತುಡಿತ ಹೆಚ್ಚಿಸಿದೆ.
ಭಜರಂಗಿ ಚಿತ್ರದಲ್ಲಿ ಕುತೂಹಲಕಾರಿ ಕಥೆ ಇಟ್ಟು ಸಕ್ಸಸ್ ಕಂಡಿದ್ದ ನಿರ್ದೇಶಕ ಎ. ಹರ್ಷ, ಭಜರಂಗಿ 2 ಚಿತ್ರದಲ್ಲೂ ಅತಿ ಅಮಾನುಷ ಪಾತ್ರಗಳ ಸೃಷ್ಟಿಸಿರೋದು ಟೀಸರ್ನಲ್ಲಿ ಗೊತ್ತಾಗಿದ್ದು, ಟೀಸರ್ನಲ್ಲಿ ಶಿವಣ್ಣ ಕಣ್ಣಲ್ಲೇ ಬೆಂಕಿ ಉಗುಳಿ ಅಭಿಮಾನಿಗಳ ಕುತೂಹಲ ತಣಿಸಿದ್ದಾರೆ. ಒಂಟಿ ಸಲಗದ ಎನರ್ಜಿಯಲ್ಲಿ ಶಿವಣ್ಣ ಕಣ್ಣಲ್ಲೇ ಕಿಲ್ ಮಾಡಿದ್ದಾರೆ.
ಟೀಸರ್ನಲ್ಲಿ ಪಾತ್ರಗಳ ಪರಿಚಯ ಮಾಡಿರುವ ನಿರ್ದೇಶಕ ಎ.ಹರ್ಷ, ಚಿತ್ರದ ಮೇಲಿನ ಕ್ಯೂರಿಯಾಸಿಟಿ ಹೆಚ್ಚಿಸಿದ್ದಾರೆ. ಭಜರಂಗಿ ಚಿತ್ರದಲ್ಲಿ ರಕ್ತಾಕ್ಷನಾಗಿ ಅಬ್ಬರಿಸಿದ್ದ ಲೋಕಿ ಇಲ್ಲಿ ಚಾಣಕ್ಷನ ಗೆಟಪ್ನಲ್ಲಿ ಸೂಕ್ಷ್ಮವಾಗಿ ಕಾಣಿಸಿದ್ದಾರೆ. ಜೊತೆಗೆ ನಟಿ ಶ್ರುತಿ ಅವರ ಪಾತ್ರ ಟೀಸರ್ನಲ್ಲಿ ಹೈಲೆಟ್ ಆಗಿದ್ದು, ಹಿಂದೆಂದೂ ಕಾಣಿಸದ ಪಾತ್ರದಲ್ಲಿ ಶ್ರುತಿ ಕಾಣಿಸಿದ್ದಾರೆ.
ಅಲ್ಲದೆ ಚಿತ್ರದ ಮೇಕಿಂಗ್ ಕೂಡ ಥ್ರಿಲ್ ಆಗಿದ್ದು, ಒಟ್ಟಾರೆ ಭಜರಂಗಿ - 2 ಟೀಸರ್ ಹಲವು ವಿಶೇಷತೆಗಳ ಪಾತ್ರಗಳ ಪರಿಚಯ ಮಾಡಿಸಿದ್ದು, ಟೀಸರ್ ನೋಡಿದ ಶಿವಸೈನ್ಯ ಸಿನಿಮಾ ಯಾವಾಗ ನೋಡ್ತಿವಿ ಅಂತಿದ್ದಾರೆ.