ಸೈಮಾ ಅವಾರ್ಡ್​ 2019: ಚೊಚ್ಚಲ ಪ್ರಶಸ್ತಿ ಮುಡಿಗೇರಿಸಿಕೊಂಡ್ರು ನಟಿ ಅನುಪಮಾ ಗೌಡ

ಹಳ್ಳಿ ದುನಿಯಾ ರಿಯಾಲಿಟಿ ಶೋ ಮೂಲಕ ಬಣ್ಣದ ಲೋಕಕ್ಕೆ ಬಂದ ಅನುಪಮಾ ಗೌಡ, ಕಿರುತೆರೆಯ ಅಕ್ಕ ಧಾರಾವಾಹಿಯಿಂದ ಫೇಮಸ್ ಆದವರು. ನಂತರ ಬಿಗ್​ಬಾಸ್​ ಮನೆಗೆ ಎಂಟ್ರಿಕೊಟ್ಟರು. ಆ ಕರಾಳ ರಾತ್ರಿ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು.

2019ನೇ ಸಾಲಿನ ಸೈಮಾ ಪ್ರಶಸ್ತಿ ಪುರಸ್ಕಾರ ಸಮಾರಂಭ ಖತಾರ್​​ನಲ್ಲಿ ಅದ್ಧೂರಿಯಾಗಿ ನೆರವೇರುತ್ತಿದೆ. ಸದ್ಯಕ್ಕೆ ಕನ್ನಡದ ಆರು ಪ್ರಶಸ್ತಿಗಳು ಪ್ರಕಟಗೊಂಡಿವೆ.

ಚಂದನವನದ ಅಕ್ಕ ಅಂತಾನೇ ಫೇಮಸ್ ಆಗಿರುವ ನಟಿ ಅನುಪಮಾ ಗೌಡ ವೃತ್ತಿ ಜೀವನದಲ್ಲಿ ಚೊಚ್ಚಲ ಪ್ರಶಸ್ತಿಗೆ ಮುತ್ತಿಕ್ಕಿದ್ದಾರೆ. ಅತ್ಯುತ್ತಮ ಡೆಬ್ಯೂ ನಟಿಯಾಗಿ ಅನುಪಮಾ ಹೊರಹೊಮ್ಮಿದ್ದಾರೆ. ದಯಾಳ್ ಪದ್ಮಾನಾಭನ್ ನಿರ್ದೇಶನದ 'ಆ ಕರಾಳ ರಾತ್ರಿ' ಸಿನಿಮಾದ ನಟನೆಗೆ ಸೈಮಾ ಅವಾರ್ಡ್​ ಮುಡಿಗೇರಿಸಿಕೊಂಡಿದ್ದಾರೆ.

2015 ರಲ್ಲಿ 'ಹಳ್ಳಿ ದುನಿಯಾ' ರಿಯಾಲಿಟಿ ಶೋ ಮೂಲಕ ಬಣ್ಣದ ಲೋಕಕ್ಕೆ ಬಂದ ಅನುಪಮಾ, ಕಿರುತೆರೆಯ ಅಕ್ಕ ಧಾರಾವಾಹಿಯಿಂದ ಫೇಮಸ್ ಆದರು. ನಂತರ ಬಿಗ್​ಬಾಸ್​ ಮನೆಗೆ ಎಂಟ್ರಿಕೊಟ್ಟರು. ಅಲ್ಲಿ ಪರಿಚಯವಾದ ನಿರ್ದೇಶಕ ದಯಾಳ್ ಪದ್ಮನಾಭನ್ ಅವರ ಆ ಕರಾಳ ರಾತ್ರಿ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. ನಂತರ ಈ ನಿರ್ದೇಕರ ಮತ್ತೊಂದು ಚಿತ್ರ 'ತ್ರಯಂಬಕಂ'ನಲ್ಲೂ ನಾಯಕಿಯಾಗಿ ನಟಿಸಿದರು.