ಚಿತ್ರರಂಗದ ಚಟುವಟಿಕೆಗಳು ನಿಧಾನವಾಗಿ ಆರಂಭವಾಗುತ್ತಿದೆ. ಅಕ್ಟೋಬರ್ 1 ರಿಂದ ಥಿಯೇಟರ್ಗಳು ಕೂಡಾ ಓಪನ್ ಆಗುತ್ತಿವೆ. ಮಾರ್ಚ್ 13 ಕ್ಕೂ ಮುನ್ನ ಸ್ಥಗಿತ ಆದ ಸಿನಿಮಾಗಳು ಈಗ ಬಿಡುಗಡೆ ಆಗಲು ಸರತಿ ಸಾಲಿನಲ್ಲಿ ನಿಂತಿವೆ.
ಶರಣ್-ಆಶಿಕ ಜೋಡಿಯ 'ಅವತಾರ ಪುರುಷ' ಬಿಡುಗಡೆ ದಿನಾಂಕ ಮುಂದಕ್ಕೆ - Simple suni direction Avatara purusha
ಸಿಂಪಲ್ ಸುನಿ ನಿರ್ದೇಶನದಲ್ಲಿ ಶರಣ್ ಹಾಗೂ ಆಶಿಕಾ ನಟಿಸಿರುವ 'ಅವತಾರ ಪುರುಷ' ಸಿನಿಮಾ ಬಿಡುಗಡೆ ದಿನಾಂಕ ಮುಂದಕ್ಕೆ ಹೋಗಿದ್ದು ಡಿಸೆಂಬರ್ನಲ್ಲಿ ತೆರೆ ಕಾಣಲಿದೆ. ಚಿತ್ರವನ್ನು ಪುಷ್ಕರ್ ಮಲ್ಲಿಕಾರ್ಜುನಯ್ಯ ನಿರ್ಮಿಸುತ್ತಿದ್ದಾರೆ.
'ಅವತಾರ ಪುರುಷ'
ಖ್ಯಾತ ನಟರ ಸಿನಿಮಾಗಳ ಪೈಕಿ ಶರಣ್ ಹಾಗೂ ಆಶಿಕ ರಂಗನಾಥ್ ಅಭಿನಯದ ಅವತಾರ ಪುರುಷ ಡಿಸೆಂಬರ್ನಲ್ಲಿ ಬಿಡುಗಡೆಯಾಗಲಿದೆ ಎಂದು ನಿರ್ಮಾಪಕ ಪುಷ್ಕರ್ ಮಲ್ಲಿಕಾರ್ಜುನಯ್ಯ ಹೇಳಿದ್ದಾರೆ. ಪುಷ್ಕರ್ ಅವರ ಸಾಲು ಸಾಲು ಸಿನಿಮಾಗಳು ವಿವಿಧ ಹಂತದಲ್ಲಿದೆ. ಅವರು ಕೂಡಾ ಚಿತ್ರದಲ್ಲಿ ಪಾತ್ರ ಮಾಡಲಿದ್ದಾರೆ ಎಂಬ ಸುದ್ದಿ ಇದೆ. ಪುಷ್ಕರ್ ಮಲ್ಲಿಕಾರ್ಜುನಯ್ಯ ಬ್ಯಾನರ್ನಲ್ಲಿ ತಯಾರಾಗುತ್ತಿರುವ ರಕ್ಷಿತ್ ಶೆಟ್ಟಿ ಅಭಿನಯದ 'ಚಾರ್ಲಿ 777' ಸಿನಿಮಾ ಕೂಡಾ ಸದ್ಯದಲ್ಲೇ ಚಿತ್ರೀಕರಣ ಆರಂಭಿಸಲಿದೆ. ಅದಕ್ಕೂ ಮುನ್ನ 'ಅವತಾರ ಪುರುಷ' ಎರಡು ಹಾಡುಗಳ ಚಿತ್ರೀಕರಣ ಬಾಕಿ ಉಳಿದದ್ದು ಸಂಪೂರ್ಣ ಆಗಲಿದೆ. ಹಾಗೆ ನೋಡಿದರೆ ಈ ಚುಟು ಚುಟು ಅಂತೈತಿ....ಖ್ಯಾತಿಯ ಶರಣ್ ಹಾಗೂ ಆಶಿಕ ರಂಗನಾಥ್ ಜೋಡಿಯ ಈ ಸಿನಿಮಾ ಮೇ ತಿಂಗಳಿನಲ್ಲಿ ಬಿಡುಗಡೆ ಎಂದು ನಿಶ್ಚಯ ಆಗಿತ್ತು. ಆದರೆ ಕೊರೊನಾ ಇದಕ್ಕೆ ಅವಕಾಶ ಕೊಡಲಿಲ್ಲ.
ಸಿಂಪಲ್ ಸುನಿ ಕಥೆ, ಚಿತ್ರಕಥೆ ಬರೆದು ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ‘ಅವತಾರ ಪುರುಷ’ ಡಿಸೆಂಬರ್ ಕೊನೆ ವಾರದಲ್ಲಿ ಬಿಡುಗಡೆಗೆ ಸಜ್ಜಾಗಲಿದೆ. ಈ ಚಿತ್ರದಲ್ಲಿ ಶ್ರೀನಗರ ಕಿಟ್ಟಿ, ಸುಧಾರಾಣಿ, ಸಾಯಿ ಕುಮಾರ್ ಹಾಗೂ ಇನ್ನಿತರರು ಪಾತ್ರ ನಿರ್ವಹಿಸಿದ್ದಾರೆ. 'ರಂಗಿ ತರಂಗ' ಖ್ಯಾತಿಯ ಛಾಯಾಗ್ರಾಹಕ ವಿಲಿಯಂ ಡೇವಿಡ್ ಛಾಯಾಗ್ರಹಣ, ಚರಣ್ ರಾಜ್ ಸಂಗೀತ ಈ ಚಿತ್ರಕ್ಕಿದೆ.