ಅವನೇ ಶ್ರೀಮನ್ನಾರಾಯಣ ಯಾವ ಭಾಷೆಯಲ್ಲಿ ಯಾವ ದಿನ ರಿಲೀಸ್​​​

ಕನ್ನಡ ಸೇರಿದಂತೆ ತೆಲುಗು, ಹಿಂದಿ, ಮಲಯಾಳಂ, ತಮಿಳು ಭಾಷೆಯಲ್ಲಿ ಅವನೇ ಶ್ರೀಮನ್ನಾರಾಯಣ ಸಿನಿಮಾವನ್ನು ಯಾವ ಯಾವ ದಿನದಂದು ರಿಲೀಸ್​​ ಮಾಡಲಾಗುತ್ತದೆ ಎಂದು ಚಿತ್ರತಂಡ ತಿಳಿಸಿದೆ.

ಅವನೇ ಶ್ರೀಮನ್ನಾರಾಯಣನ ಹವಾ ತುಂಬಾನೆ ಜೋರಿದೆ. ದಿನದಿಂದ ದಿನಕ್ಕೆ ಹೊಸ ಹೊಸ ರೀತಿಯ ಪ್ರಚಾರ ಗಿಟ್ಟಿಸಿಕೊಳ್ಳುತ್ತಿರುವ ಅವನೇ ಶ್ರೀಮನ್ನಾರಾಯಣ ತಂಡ ರೈಲಿನಲ್ಲಿಯೂ ಸಂಚಾರಿ ಜಾಹೀರಾತು ನೀಡುವ ಮೂಲಕ ಸಿನಿಮಾ ಪ್ರಮೋಷನ್​ಗೆ ಕೈ ಹಾಕಿದೆ.

ಇದೀಗ ಚಿತ್ರ ತಂಡದಿಂದ ಮತ್ತೊಂದು ಮಾಹಿತಿ ಹೊರ ಬಿದ್ದಿದ್ದು, ಕನ್ನಡ ಸೇರಿದಂತೆ ತೆಲುಗು, ಹಿಂದಿ, ಮಲಯಾಳಂ, ತಮಿಳು ಭಾಷೆಯಲ್ಲಿ ಯಾವ ಯಾವ ದಿನದಂದು ಸಿನಿಮಾ ರಿಲೀಸ್​​ ಮಾಡಲಾಗುತ್ತದೆ ಎಂದು ತಿಳಿಸಲಾಗಿದೆ.

ಈ ಬಗ್ಗೆ ಟ್ವೀಟ್​ ಮಾಡಿರುವ ಸಿನಿಮಾ ವಿಮರ್ಶಕ ತರಣ್​ ಆದರ್ಶ್​​​​​​ ಸಿನಿಮಾ ಬಿಡುಗಡೆ ದಿನಾಂಕಗಳನ್ನು ತಿಳಿಸಿದ್ದಾರೆ. ಟ್ವೀಟ್​​ನಲ್ಲಿ ಬರೆದುಕೊಂಡಿರುವ ತರಣ್​, ಕನ್ನಡದಲ್ಲಿ ಡಿಸೆಂಬರ್​​ 27, ತೆಲುಗಿನಲ್ಲಿ ಜನವರಿ 1, ತಮಿಳು ಮತ್ತು ಮಲೆಯಾಳಂನಲ್ಲಿ ಜನವರಿ 3, ಹಾಗೂ ಹಿಂದಿಯಲ್ಲಿ ಜನವರಿ 17ಕ್ಕೆ ಅವನೇ ಶ್ರೀಮನ್ನಾರಾಯಣ ದರ್ಶನ ಕೊಡಲಿದ್ದಾನೆ.

ಈ ಸಿನಿಮಾಕ್ಕೆ ಸಚಿನ್​​ ರವಿ ನಿರ್ದೇಶನ ಮಾಡಿದ್ದು, ಪುಷ್ಕರ್​​ ಮಲ್ಲಿಕಾರ್ಜುನಯ್ಯ ಬಂಡವಾಳ ಹೂಡಿದ್ದಾರೆ. ಈ ಸಿನಿಮಾಲ್ಲಿ ರಕ್ಷಿತ್​​ ಶೆಟ್ಟಿ ಪೊಲೀಸ್​​ ಪಾತ್ರದಲ್ಲಿ ಮಿಂಚಿದ್ದಾರೆ.