ಕರ್ನಾಟಕ

karnataka

ETV Bharat / sitara

ಹಥ್ರಾಸ್​​ ನಂತರ ಮತ್ತೊಂದು ಗ್ಯಾಂಗ್​ ರೇಪ್​​: ಈ ಬಗ್ಗೆ ಬಿಟೌನ್​ ನಟಿಯರು ಹೇಳಿದ್ದೇನು - ಹಥ್ರಾಸ್​​ ಗ್ಯಾಂಗ್​ ರೇಪ್​​

ಉತ್ತರ ಪ್ರದೇಶದ ಬಲರಾಮಪುರ ಜಿಲ್ಲೆಯಲ್ಲಿ ರೇಪ್​ ಮತ್ತು ಕೊಲೆ ಪ್ರಕರಣ ನಡೆದಿದೆ. 22 ವರ್ಷದ ಯುವತಿ ಮೇಲೆ ಪಾಪಿಗಳು ಸಾಮೂಹಿಕವಾಗಿ ಅತ್ಯಾಚಾರ ನಡೆಸಿದ್ದಾರೆ. ಘಟನೆ ಬಗ್ಗೆ ಇಂದು ಬಾಲಿವುಡ್​​ನ ಹಲವು ತಾರೆಯರು ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಖಂಡನೆ ವ್ಯಕ್ತಪಡಿಸಿದ್ದಾರೆ.

Anushka Sharma, Kriti Sanon and others condemn Balrampur gangrape horror
ಹಥ್ರಾಸ್​​ ನಂತ್ರ ಮತ್ತೊಂದು ಗ್ಯಾಂಗ್​ ರೇಪ್​​ : ಈ ಬಗ್ಗೆ ಬಿಟೌನ್​ ನಟಿಯರು ಹೇಳಿದ್ದೇನು

By

Published : Oct 2, 2020, 3:49 PM IST

ಹಥ್ರಾಸ್​​ ಗ್ಯಾಂಗ್​ ರೇಪ್​​ ಮಾಸುವ ಮುನ್ನವೇ ಮತ್ತೊಂದು ಅಮಾನವೀಯ ರೇಪ್​​​ ಪ್ರಕರಣ ಉತ್ತರ ಪ್ರದೇಶದ ಬಲರಾಮಪುರ ಜಿಲ್ಲೆಯಲ್ಲಿ ನಡೆದಿದೆ. 22 ವರ್ಷದ ಯುವತಿ ಮೇಲೆ ಪಾಪಿಗಳು ಸಾಮೂಹಿಕವಾಗಿ ಅತ್ಯಾಚಾರ ನಡೆಸಿದ್ದಾರೆ.

ಈ ಕ್ರೂರ ಘಟನೆ ಬಗ್ಗೆ ಇಂದು ಬಾಲಿವುಡ್​​ನ ಹಲವು ತಾರೆಯರು ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಖಂಡನೆ ವ್ಯಕ್ತಪಡಿಸಿದ್ದಾರೆ. ಈ ಬಗ್ಗೆ ಇನ್​ಸ್ಟಾಗ್ರಾಮ್​ನಲ್ಲಿ ಬರೆದಿರುವ ನಟಿ ಅನುಷ್ಕ ಶರ್ಮಾ, ಹಥ್ರಾಸ್​​ ಘಟನೆ ನಡೆದು ಕೆಲವೇ ದಿನಗಳಾಗಿದೆ. ಆದ್ರೆ ಅಂತಹುದ್ದೇ ಮತ್ತೊಂದು ಕ್ರೂರ ಅತ್ಯಾಚಾರದ ಬಗ್ಗೆ ಕೇಳುತ್ತಿದ್ದೇವೆ. ಯುವ ಜನರ ಮೇಲೆ ಇಂತಹ ಕ್ರೂರಿ ಕೆಲಸವನ್ನು ಯಾವ ಜಗತ್ತಿನ ರಾಕ್ಷಸರು ಮಾಡಲು ಯತ್ನಿಸುತ್ತಾರೆ. ಇದು ಅಗರಗಿಸಿಕೊಳ್ಳಲಾಗದಷ್ಟು ದುಃಖ ತರಿಸಿದೆ. ಅತ್ಯಾಚಾರ ಮಾಡುವ ಆ ಪುರುಷರ ಮನದಲ್ಲಿ ಯಾವ ಭಯವೂ ಇಲ್ಲವೇ? ಸಮಾಜದಿಂದ ಅಂತಹವರಿಗೆ ಹೇಗೆ ಭಯ ಹುಟ್ಟಿಸುವುದು ಮತ್ತು ನಮ್ಮ ಮಹಿಳೆಯರನ್ನು ಹೇಗೆ ರಕ್ಷಿಸುವುದು ಎಂದು ಬರೆದಿದ್ದಾರೆ.

ಇನ್ನು ಕೃತಿ ಸನೂನ್​ ಈ ಬಗ್ಗೆ ಪ್ರತಿಕ್ರಿಯಿಸಿದ್ದು, ದೇಶದಲ್ಲಿ ಮಹಿಳೆಯರಿಗಾಗಿ ಯಾವ ಬದಲಾವಣೆಯೂ ಆಗಿಲ್ಲ ಎಂದಿದ್ದಾರೆ. ನಟಿ ಟಿಸ್ಕಾ ಚೋಪ್ರಾ ಕೂಡ ತಮ್ಮ ನೋವನ್ನು ಟ್ವೀಟ್​ ಮೂಲಕ ಹೊರ ಹಾಕಿದ್ದಾರೆ. ಈ ಘಟನೆ ಮಾನವೀಯತೆ ಕತ್ತಲ ಸಮಯ. ಅತ್ಯಾಚಾರಕ್ಕೆ ಮರಣದಂಡನೆಯಾಗಲಿ ಎಂದಿದ್ದಾರೆ.

ಊರ್ಮಿಳಾ ಮಾತೋಡ್ಕರ್​​ ಕೂಡ ಈ ಬಗ್ಗೆ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದು, ಹೆಲ್ಲೋ ಅಕ್ಟೋಬರ್​ ಎಂದು ಬರೆದು ನಂತ್ರ ಹ್ಯಾಶ್​​ಟ್ಯಾಗ್​​ ಹಾಕುವ ಮೂಲಕ ಅಕ್ಟೋಬರ್​​ನಲ್ಲಿ ನಡೆದ ಕ್ರೂರ ಘಟನೆಗಳನ್ನು ಪ್ರಸ್ತಾಪಿಸಿದ್ದಾರೆ.

ನಟಿ ನಿರ್ಮಲಾ ಕೌರ್​​, ಹಥ್ರಾಸ್​​ ಘಟನೆ ಮಾಸುವ ಮುನ್ನವೇ, ಇದೀಗ ಉತ್ತರ ಪ್ರದೇಶದಲ್ಲಿ ಗ್ಯಾಂಗ್​ ರೇಪ್​​ ಮತ್ತು ಕೊಲೆ ಪ್ರಕರಣ ನಡೆದಿದೆ. ಹ್ಯಾಶ್​​ ಟ್ಯಾಗ್​​ ಮತ್ತು ಬ್ರೇಕಿಂಗ್​ ನ್ಯೂಸ್​​ಗಳ ಹೊರತಾಗಿ ಈ ಕ್ರೂರತ್ವದ ಬಗ್ಗೆ ಕ್ರಮ ವಹಿಸುವಷ್ಟರಲ್ಲಿ ಇನ್ನೆಷ್ಟು ಇಂತಹ ಪ್ರಕರಣಗಳು ಜರುಗುತ್ತವೋ ಏನೋ ಎಂದು ಬರೆದಿದ್ದಾರೆ.

ABOUT THE AUTHOR

...view details