ಬಾಲಿವುಡ್ ನಟ ಸಲ್ಮಾನ್ ಖಾನ್, ಆಯುಶ್ ಶರ್ಮಾ, ನಟಿ ಮಹಿಮಾ ಮಕ್ವಾನ ನಟನೆಯ ಬಹುನಿರೀಕ್ಷಿತ ಚಿತ್ರ 'ಅಂತಿಮ್: ದಿ ಫೈನಲ್ ಟ್ರುತ್' ನವೆಂಬರ್ 26 ರಂದು ಬಿಡುಗಡೆಗೊಳ್ಳಲು ಸಜ್ಜಾಗಿದೆ.
ಆಯುಶ್ ಶರ್ಮಾ ಗ್ಯಾಂಗ್ಸ್ಟರ್ ಆಗಿ ಕಾಣಿಸಿಕೊಂಡರೆ, ಸಲ್ಲು ಸಿಖ್ ಪೊಲೀಸ್ ಆಗಿ ನಟಿಸಿದ್ದಾರೆ. ಈ ಚಿತ್ರದ ಬಗ್ಗೆ ಪ್ರೇಕ್ಷಕರು ದೊಡ್ಡ ಮಟ್ಟದ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಸಿನಿಮಾ ಟ್ರೈಲರ್ ಈಗಾಗಲೇ ಕುತೂಹಲ ಹುಟ್ಟಿಸಿದೆ.
'ಅಂತಿಮ್: ದಿ ಫೈನಲ್ ಟ್ರುತ್'.... ನವೆಂಬರ್ 26 ರಂದು ಬಿಡುಗಡೆ
ಇದೊಂದು ಗ್ಯಾಂಗ್ಸ್ಟರ್ ಕಥಾಹಂದರ ಇರುವ ಚಿತ್ರವಾಗಿದ್ದು, 2018ರಲ್ಲಿ ಬಿಡುಗಡೆಯಾದ ಮರಾಠಿಯ ಹಿಟ್ ಚಿತ್ರ 'ಮುಲ್ಶಿ ಪ್ಯಾಟರ್ನ್‌'ನ ರೀಮೇಕ್ ಆಗಿದೆ. ಮೂಲ ಚಿತ್ರವನ್ನು ಮರಾಠಿ ನಟ, ಚಲನಚಿತ್ರ ನಿರ್ಮಾಪಕ ಪ್ರವೀಣ್ ಟಾರ್ಡೆ ನಿರ್ಮಿಸಿದ್ದರೆ, ಹಿಂದಿಯ ರೀಮೇಕ್ ಅನ್ನು ನಟ, ಚಲನಚಿತ್ರ ನಿರ್ಮಾಪಕ ಮಹೇಶ್ ಮಂಜ್ರೇಕರ್ ನಿರ್ದೇಶಿಸಿದ್ದಾರೆ