ಬಿಗ್ ಮನೆಗೆ ಸ್ಪರ್ಧಿಗಳು ಹೋಗಿ ಇನ್ನು ಒಂದು ವಾರವೂ ಕಂಪ್ಲೀಟ್ ಆಗಿಲ್ಲ. ಆದ್ರೆ ಇಬ್ಬರು ಸದಸ್ಯರು ಅನಾರೋಗ್ಯದ ಕಾರಣ ದೊಡ್ಡ ಮನೆಯಿಂದ ಹೊರಗೆ ಹೋಗಬೇಕಾಗಿದೆ.
ಬಿಗ್ಬಾಸ್ ಮನೆಗೆ ಹೋದ ಮೊದಲ ದಿನವೇ ಲೋ ಶುಗರ್ ಕಾರಣಕ್ಕೆ ರವಿ ಬೆಳಗೆರೆ ಆಸ್ಪತ್ರೆಗೆ ತೆರಳುವ ಕಾರಣ ಮನೆಯಿಂದ ಹೊರ ನಡೆಯಬೇಕಾಯಿತು. ನಂತ್ರ ದೊಡ್ಡ ಮನೆಗೆ ವಾಪಸ್ ಆಗಿದ್ದು, ಈ ಶನಿವಾರದವರೆಗೆ ಗೆಸ್ಟ್ ಆಗಿ ಇರುವುದು ಹಳೆಯ ವಿಚಾರ.
ಸದ್ಯ 18 ಸದಸ್ಯರಲ್ಲಿ ಮೊತ್ತೊಬ್ಬ ಸದಸ್ಯನಿಗೆ ಮನೆಯಿಂದ ಹೊರಗೆ ಹೋಗಲು ಬಿಗ್ ಬಾಸ್ ಸೂಚಿಸಿದ್ದಾರೆ. ಹೌದು, ಡ್ಯಾನ್ಸರ್ ಕಿಶನ್ಗೆ ಜಾಂಡೀಸ್ ಇರುವ ಕಾರಣ ಚಿಕಿತ್ಸೆಗೆಂದು ಆಸ್ಪತ್ರೆಗೆ ಕಳುಹಿಸಲಾಗಿದೆ. ಈ ಕಾಯಿಲೆ ಉಲ್ಬಣವಾದ್ರೆ ಕಿಶನ್ಗೆ ಬಿಗ್ ಬಾಸ್ ಮನೆಯಲ್ಲಿ ಆಟವಾಡಲು ಸಾಧ್ಯವಾಗದೇ ಇರಬಹುದು.
ಇನ್ನೊಂದು ವಿಚಾರ ಅಂದ್ರೆ ಈ ವಾರ ಕಿಶನ್ ನಾಮಿನೇಟ್ ಆಗಿರಲಿಲ್ಲ. ತಮ್ಮ ಆಟಗಳನ್ನು ಸೇಫ್ ಆಗಿಯೇ ಮುಗಿಸಿರುವ ಕಿಶನ್ ನಾಮಿನೇಟ್ ಜಾಲದಿಂದ ತಪ್ಪಿಸಿಕೊಂಡಿದ್ರು. ಇನ್ನು ಇಂದು 'ವಾರದ ಕಥೆ ಕಿಚ್ಚನ ಜೊತೆ' ಕಾರ್ಯಕ್ರಮವಿದ್ದು, ದೊಡ್ಡ ಮನೆಯಿಂದ ಯಾರೆಲ್ಲ ಹೋಗ್ತಾರೆ, ಯಾರೆಲ್ಲ ಉಳಿತಾರೆ ಅನ್ನೋದನ್ನ ಕಾದು ನೋಡಬೇಕಿದೆ.