ತನ್ನ ನೆಚ್ಚಿನ ನಟನ ಹುಟ್ಟು ಹಬ್ಬಕ್ಕೆ ಅಭಿಮಾನಿಗಳು ಏನಾದ್ರು ವಿಶೇಷತೆ ಮೆರೆಯಬೇಕೆಂದು ಹಂಬಲಿಸುತ್ತಾರೆ. ಇತ್ತೀಚೆಗೆ ನಟ ಯಶ್ ಹುಟ್ಟು ಹಬ್ಬಕ್ಕೆ ಅಭಿಮಾನಿಗಳು 5000 ಕೆಜಿ ಕೇಕ್ ಕಟ್ ಮಾಡಿ ಗಿನ್ನೆಸ್ ದಾಖಲೆ ಬರೆದಿದ್ದಾರೆ. ಇದೀಗ ಪುನೀತ್ ರಾಜ್ ಕುಮಾರ್ ಹುಟ್ಟು ಹಬ್ಬಕ್ಕೂ ಅಪ್ಪು ಅಭಿಮಾನಿಗಳು ವಿಶೇಷ ಗಿಫ್ಟ್ ನೀಡಲು ಸಿದ್ಧತೆ ನಡೆಸಿದ್ದಾರೆ.
'ನಟಸಾರ್ವಭೌಮ'ನ ಅಭಿಮಾನಿ ಗಣ ಪುನೀತ್ ಹುಟ್ಟು ಹಬ್ಬಕ್ಕೆ ಕಿರುಚಿತ್ರವನ್ನು ಉಡುಗೊರೆಯಾಗಿ ನೀಡುತ್ತಿದೆ. ಆ ಚಿತ್ರಕ್ಕೆ 'ಅಜಾತಶತ್ರು' ಎಂದು ಟೈಟಲ್ ಇಡಲಾಗಿದೆ. ಈ ಕಿರು ಸಿನಿಮಾದಲ್ಲಿ ಪುನೀತ್ ರಾಜ್ಕುಮಾರ್ ಜೀವನ ಮತ್ತು ಸಾಧನೆಗಳ ಬಗ್ಗೆ ತೋರಿಲಾಗುತ್ತದೆಯಂತೆ. ಈಗಾಗಲೇ ಅಜಾತಶತ್ರುವಿನ ಪೋಸ್ಟರ್ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಎಲ್ಲರಿಂದ ಮೆಚ್ಚುಗೆ ಗಳಿಸುತ್ತಿದೆ.