ಉತ್ತರದಿಂದ ದಕ್ಷಿಣದವರೆಗೂ ಹಬ್ಬಿದ ಅಭಿಮಾನ; ಸವಿ ಸವಿ ನೆನಪು ಹಂಚಿಕೊಂಡ ಕೊಡಗಿನ ಕುವರಿ ರಶ್ಮಿಕಾ

ನ್ಯಾಷನಲ್​ ಕ್ರಶ್​​, ದಕ್ಷಿಣ ಭಾರತದ ನಟಿ, ಕಿರಿಕ್​ ಬೆಡಗಿ ಹೀಗೆ.. ಹೊಸ ಹೊಸ ನಾಮಾಂಕಿತಗಳಿಗೆ ಸಾಕ್ಷಿಯಾಗಿರುವ ಕೊಡಗಿನ ಕುವರಿ ರಶ್ಮಿಕಾ ಮಂದಣ್ಣ ಅಭಿಮಾನಿಗಳ ಪ್ರೀತಿಗೆ ಸೋತು ಹೋಗಿದ್ದಾರೆ. ಇನ್​​ಸ್ಟಾಗ್ರಾಮ್​ನಲ್ಲಿ ಕೆಲವು ಸವಿ ಸವಿ ನೆನಪುಗಳನ್ನು ಮೆಲುಕು ಹಾಕುವ ಮೂಲಕ ಅಭಿಮಾನ ಹೆಚ್ಚಿಸಿಕೊಂಡಿದ್ದಾರೆ.

ಉತ್ತರದಿಂದ ದಕ್ಷಿಣದವರೆಗೆ ಅಭಿಮಾನಿಗಳ ಬಳಗವನ್ನು ಕಟ್ಟಿಕೊಂಡಿರುವ ನಟಿ ರಶ್ಮಿಕಾ ಮಂದಣ್ಣ ಅವರ ನಾಗಾಲೋಟ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ಚಿತ್ರರಂಗಕ್ಕೆ ಕಾಲಿಟ್ಟು 5 ವರ್ಷ ಕೂಡ ಪೂರ್ಣಗೊಂಡಿಲ್ಲ. ಅದಾಗಲೇ ಇನ್​​ಸ್ಟಾಗ್ರಾಮ್​ನಲ್ಲಿ ಬರೋಬ್ಬರಿ 2 ಕೋಟಿ ಜನ ಫಾಲೋವರ್ಸ್ ಹೊಂದಿರುವ​ ಕೊಡಗಿನ ಕುವರಿ ​ರಶ್ಮಿಕಾ ಮಂದಣ್ಣ ದಕ್ಷಿಣ ಭಾರತದ ನಟಿ ಎಂಬ ಅಳಿಸಲಾರದ ಖ್ಯಾತಿಯನ್ನು ತನ್ನದಾಗಿಸಿಕೊಂಡಿದ್ದಾಳೆ.

ನಟಿ ರಶ್ಮಿಕಾ ಮಂದಣ್ಣ

ಈ ಪ್ರಾಮಾಣದ ತೆರೆದ ಹೃದಯಗಳ ಪ್ರೀತಿಗೆ ನ್ಯಾಷನಲ್​ ಕ್ರಶ್​​ ರಶ್ಮಿಕಾ ಮಂದಣ್ಣ ಉಡುಗೊರೆಯೊಂದನ್ನು ನೀಡಿದ್ದಾರೆ. ಸಿನಿಮಾ ರಂಗಕ್ಕೆ ಪದಾರ್ಪಣೆ ಮಾಡಿದ ಬಳಿಕ ಶರವೇಗದಲ್ಲಿಯೇ ಬೆಳೆದು ನಿಂತ ರಶ್ಮಿಕಾ, ಈಗ ದೇಶದ ಉದ್ದಗಲಕ್ಕೂ ಅಭಿಮಾನಿಗಳನ್ನು ಹೊಂದಿದ್ದಾಳೆ. ನಟಿಯ ಕೀರ್ತಿ ಇಷ್ಟಕ್ಕೆ ನಿಂತಿಲ್ಲ.

ಈಗ ಇದೇ ಖುಷಿಯಲ್ಲಿರುವ ರಶ್ಮಿಕಾ ತಮ್ಮ ಫ್ಯಾನ್ಸ್​ಗಳಿಗೆ ತನ್ನ ಜೀವನದಲ್ಲಿ ನಡೆದ ಎಲ್ಲ ಮೊದಲ 20 ಸುಂದರ ಕ್ಷಣಗಳನ್ನು ಇಂದು ತನ್ನ ಇನ್​​​​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದಾರೆ. ನೀವು ನನಗೆ 20 ಮಿಲಿಯನ್ ಪ್ರೀತಿ ಕೊಟ್ಟಿದ್ದೀರಿ.. ನನ್ನ ಜೀವನದಲ್ಲಿ ನಡೆದ ಎಲ್ಲ ಮೊದಲ 20 ಕ್ಷಣಗಳ ಮೂಲಕ ನಾನು ನಿಮ್ಮನ್ನು ಕರೆದುಕೊಂಡು ಹೋಗಲು ಬಯಸುತ್ತೇನೆ ಎಂದು ತಮ್ಮ ಇನ್​​ಸ್ಟಾಗ್ರಾಂ​ನಲ್ಲಿ ಬರೆದುಕೊಂಡಿದ್ದಾರೆ.

ಬ್ಯಾಕ್​ ಟು ಬ್ಯಾಕ್​ ಹಿಟ್​ ಸಿನಿಮಾಗಳನ್ನು ಕೊಟ್ಟ ಸ್ಯಾಂಡಲ್​ವುಡ್​ ಸುಂದರಿ ಈಗ ಟಾಲಿವುಡ್​ನ​​ ಅಲ್ಲು ಅರ್ಜುನ್ ನಟನೆಯ ಪುಷ್ಪ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಬಾಲಿವುಡ್​ಗೂ ಹಾರಿರುವ ಈ ನ್ಯಾಷನಲ್​ ಕ್ರಶ್​​ ಅಲ್ಲಿಯೂ ಕಮಾಲ್​ ಮಾಡುತ್ತಿದ್ದಾರೆ.