'ಇವ್ರಿಗೆ ಶೋಕಿಗೋಸ್ಕರ ಪಾರ್ಟಿ' ಸ್ನೇಹಿತರ ಮೇಲೆ ನಟಿ ಅಪೇಕ್ಷಾ ಸಿಡಿಮಿಡಿ

ಸಹಾಯದ ಅವಶ್ಯಕತೆ ಇರುವ ಜನರಿಗೆ ಆ ಜನರಿಂದ ಇವತ್ತಿನವರೆಗೂ ಒಂದು ಸಣ್ಣ ಸಹಾಯ ಕೂಡ ಆಗಿಲ್ಲ. ಜನಗಳ ಮುಂದೆ ಪೋಸ್​ ಕೊಡುವುದು ಮಾತ್ರ ಗೊತ್ತು ಎಂದು ಅಪೇಕ್ಷಾ ಪುರೋಹಿತ್ ಜರೆದಿದ್ದಾರೆ.

ಸ್ಯಾಂಡಲ್​​​ವುಡ್​ ನಟಿ ಹಾಗೂ ನಿರ್ದೇಶಕ ಪವನ್ ಒಡೆಯರ್​ ಪತ್ನಿ ಅಪೇಕ್ಷಾ ಪುರೋಹಿತ್​ ತನ್ನ ಸ್ನೇಹಿತರ ಮೇಲೆ ಗರಂ ಆಗಿದ್ದಾರೆ.

ನಿನ್ನೆ ತಮ್ಮ ಟ್ವಿಟ್ಟರ್​​ನಲ್ಲಿ ಆಕ್ರೋಶ ಹೊರಹಾಕಿರುವ ಕಾಫಿ ತೋಟದ ಈ ಚೆಲುವೆ, ಕೆಲಸಕ್ಕೆ ಬಾರದವರನ್ನ ನನ್ನ ಸ್ನೇಹಿತರೆಂದು ಕರೆದು ತಪ್ಪು ಮಾಡಿದೆ. ಅವರೆಲ್ಲ ಶೋಕಿಗೋಸ್ಕರ ಪಾರ್ಟಿಗೆ ಬಂದು ಮೋಜು ಮಾಡುತ್ತಾರೆ ಎಂದು ಹರಿಹಾಯ್ದಿದ್ದಾರೆ.

ಸ್ನೇಹಿತರ ಹೆಸರು ಹೇಳದೆ ವಾಗ್ದಾಳಿ ನಡೆಸಿರುವ ಅಪೇಕ್ಷಾ, ಸಹಾಯದ ಅವಶ್ಯಕತೆ ಇರುವ ಜನರಿಗೆ ಆ ಜನರಿಂದ ಇವತ್ತಿನವರೆಗೂ ಒಂದು ಸಣ್ಣ ಸಹಾಯ ಕೂಡ ಆಗಿಲ್ಲ. ಜನಗಳ ಮುಂದೆ ಪೋಸ್​ ಕೊಡುವುದ ಮಾತ್ರ ಗೊತ್ತು ಎಂದು ಜರಿದಿದ್ದಾರೆ. 'ನಿನಗೆ ಹೊಂದಿಕೆಯಾಗದ ಕೆಲಸ ಏಕೆ ಬೇಕು..?' ಎಂದು ಟ್ವಿಟ್ಟರ್​​ನಲ್ಲಿ ಪ್ರಶ್ನಿಸಿದ್ದಾರೆ.

ಮೊನ್ನೆಯಷ್ಟೆ ಅಪೇಕ್ಷಾ ನಟಿಸಿರುವ 'ಸಾಗುತ ದೂರ ದೂರ' ಸಿನಿಮಾ ಟ್ರೇಲರ್​ ಲಾಂಚ್ ಆಯಿತು. ಇದೇ ಖುಷಿಯಲ್ಲಿರುವ ಅವರಿಗೆ ಯಾರಿಂದ ಹರ್ಟ್​ ಆಗಿದೆ ಅಂತಾ ಗೊತ್ತಿಲ್ಲ. ಆದರೆ, ಪರೋಕ್ಷವಾಗಿ ಸ್ನೇಹಿತರ ಮೇಲೆ ಕಿಡಿ ಕಾರಿದ್ದಾರೆ.