ಸೈಮಾ ಅವಾರ್ಡ್​​ಲ್ಲಿ ರಾಕಿ ಭಾಯ್​ ರಾಕಿಂಗ್... ಅತ್ಯುತ್ತಮ ನಟ ಪ್ರಶಸ್ತಿಗೆ ಮುತ್ತಿಕ್ಕಿದ ಯಶ್

ಪ್ರಶಸ್ತಿಯ ಎಲ್ಲ ವಿಭಾಗಗಳಿಗೂ ನಾಮನಿರ್ದೇಶನಗೊಂಡಿದ್ದ ಕೆಜಿಎಫ್​ ಸದ್ಯಕ್ಕೆ ಮೂರು ಪ್ರಶಸ್ತಿಗಳಿಗೆ ಮುತ್ತಿಕ್ಕಿದೆ. ರಾಕಿಂಗ್ ಸ್ಟಾರ್ ಯಶ್​ ಕನ್ನಡದ ಅತ್ಯುತ್ತಮ ನಟ ಪ್ರಶಸ್ತಿ ಪಡೆದರೆ, ಬೆಸ್ಟ್​ ಡೈರೆಕ್ಟರ್ ಅವಾರ್ಡ್​ಅನ್ನು ನಿರ್ದೇಶಕ ಪ್ರಶಾಂತ್ ನೀಲ್ ಮುಡಿಗೇರಿಸಿಕೊಂಡಿದ್ದಾರೆ.

ದಕ್ಷಿಣ ಭಾರತದ ಅತೀ ದೊಡ್ಡ ಪ್ರಶಸ್ತಿ ಸೈಮಾ ಅವಾರ್ಡ್ 2019​ ಪ್ರಕಟಗೊಂಡಿದ್ದು, ಕನ್ನಡದ ಬ್ಲಾಕ್ ಬಸ್ಟರ್ ಸಿನಿಮಾ ಕೆಜಿಎಫ್ ಪಾರುಪತ್ಯ ಮೆರೆದಿದೆ.

ಪ್ರಶಸ್ತಿಯ ಎಲ್ಲ ವಿಭಾಗಗಳಿಗೂ ನಾಮನಿರ್ದೇಶನಗೊಂಡಿದ್ದ ಕೆಜಿಎಫ್​ ಸದ್ಯಕ್ಕೆ ಮೂರು ಪ್ರಶಸ್ತಿಗಳಿಗೆ ಮುತ್ತಿಕ್ಕಿದೆ. ರಾಕಿಂಗ್ ಸ್ಟಾರ್ ಯಶ್​ ಕನ್ನಡದ ಅತ್ಯುತ್ತಮ ನಟ ಪ್ರಶಸ್ತಿ ಬಾಚಿಕೊಂಡಿದ್ದರೆ, ಬೆಸ್ಟ್​ ಡೈರೆಕ್ಟರ್ ಅವಾರ್ಡ್​ಅನ್ನು ನಿರ್ದೇಶಕ ಪ್ರಶಾಂತ್ ನೀಲ್ ಮುಡಿಗೇರಿಸಿಕೊಂಡಿದ್ದಾರೆ. ಕೆಜಿಎಫ್​ನಲ್ಲಿ ಯಶ್ ತಾಯಿ ಪಾತ್ರಧಾರಿ ಅರ್ಚನಾ ಅತ್ಯುತ್ತಮ ಸಪೋರ್ಟಿಂಗ್ ರೋಲ್ ಪ್ರಶಸ್ತಿ ಪಡೆದಿದ್ದಾರೆ. ಮೊನ್ನೆಯಷ್ಟೇ ಎರಡು ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳು ಈ ಚಿತ್ರಕ್ಕೆ ಸಂದಿದ್ದವು.

ಟಗರು ಚಿತ್ರದಲ್ಲಿ ಡಾಲಿಯಾಗಿ ಅಬ್ಬರಿಸಿದ್ದ ಧನಂಜಯ್ ಕನ್ನಡದ ಅತ್ಯುತ್ತಮ ಖಳನಟ ಪ್ರಶಸ್ತಿ ತಮ್ಮದಾಗಿಸಿಕೊಂಡಿದ್ದಾರೆ. ಅತ್ಯುತ್ತಮ ಹಾಸ್ಯ ನಟ ಪ್ರಶಸ್ತಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ, ಕೊಡುಗೆ ಕಾಸರಗೋಡು ಚಿತ್ರದಲ್ಲಿ ನಟಿಸಿದ ಪ್ರಕಾಶ್ ಥುಮಿನಾರ್​ ಅವರಿಗೆ ಒಲಿದಿದೆ. ಅತ್ಯುತ್ತಮ ಡೆಬ್ಯೂ ನಟಿ ಪ್ರಶಸ್ತಿ ಕರಾಳ ಚಿತ್ರದಲ್ಲಿ ನಟನೆಗಾಗಿ ಅನುಪಮಾ ಗೌಡ ಅವರಿಗೆ ಸಿಕ್ಕಿದೆ.

ಇನ್ನು ಖತಾರ್​​ನಲ್ಲಿ ಎರಡು ದಿನಗಳ ಕಾಲ ಸೈಮಾ ಅವಾರ್ಡ್ ಕಾರ್ಯಕ್ರಮ ಅದ್ಧೂರಿಯಾಗಿ ನಡೆಯುತ್ತಿದ್ದು, ಸದ್ಯಕ್ಕೆ ಸ್ಯಾಂಡಲ್​ವುಡ್​ಗೆ ಆರು ಪ್ರಶಸ್ತಿಗಳು ಒಲಿದುಬಂದಿವೆ.