ರಾಘಣ್ಣ ಮನೆಗೆ ಉಪ್ಪಿ ಸರ್​​ಪ್ರೈಸ್​ ಭೇಟಿ... ಮತ್ತೆ ಒಟ್ಟಿಗೆ ಸಿನಿಮಾ ಮಾಡ್ತಾರಾ ಸ್ವಸ್ತಿಕ್​ ಜೋಡಿ?

ರಿಯಲ್​ ಸ್ಟಾರ್​ ಉಪೇಂದ್ರ ಅವರು ಇಂದು ರಾಘವೇಂದ್ರ ರಾಜಕುಮಾರ್ ಅವರ ಮನೆಗೆ ಭೇಟಿ ನೀಡಿದ್ದರು. ಈ ವಿಚಾರವನ್ನು ರಾಘಣ್ಣ ತಮ್ಮ ಫೇಸ್​ಬುಕ್​ನಲ್ಲಿ ಹಂಚಿಕೊಂಡಿದ್ದಾರೆ.

ನಟ, ನಿರ್ದೇಶಕ ಉಪೇಂದ್ರ ಅವರು ಹಿರಿಯ ನಟ ರಾಘವೇಂದ್ರ ರಾಜಕುಮಾರ್​ ಮನೆಗೆ ಸರ್​ಪ್ರೈಸ್​ ಭೇಟಿ ನೀಡಿದ್ದರು. ಇಂದು ಬೆಳಗ್ಗೆ ನಿವಾಸಕ್ಕೆ ತೆರಳಿ ರಾಘಣ್ಣ ಅವರ ಯೋಗಕ್ಷೇಮ ವಿಚಾರಿಸಿದರು.

ಉಪ್ಪಿ ತಮ್ಮ ಮನೆಗೆ ಆಗಮಿಸಿದ್ದರ ಬಗ್ಗೆ ರಾಘಣ್ಣ ಫೇಸ್​​ಬುಕ್​​ಲ್ಲಿ ಫೋಟೊ ಹಂಚಿಕೊಂಡಿದ್ದಾರೆ. 'ತಮ್ಮ ಮನೆಗೆ ಬಂದಿದ್ದ ಉಪೇಂದ್ರ ಅವರಿಗೆ ಧನ್ಯವಾದ ಹೇಳಿರುವ ಅವರು, 'ನಿಮ್ಮ ಸರಳತೆಯ ಸ್ವಭಾವ ಬದಲಾಗಿಲ್ಲ. ಹಾಗೆ ಉಳಿದಿದೆ' ಎಂದು 'ಬುದ್ಧಿವಂತ'ನನ್ನು ಗುಣಗಾನ ಮಾಡಿದ್ದಾರೆ.

ಉಪ್ಪಿ-ರಾಘಣ್ಣ ಭೇಟಿ

ಇನ್ನು ಈ ಇಬ್ಬರ ತಾರೆಯರ ಭೇಟಿ ಕುತೂಹಲ ಕೆರಳಿಸಿದೆ. ಉಪ್ಪಿ ಹಾಗೂ ರಾಘಣ್ಣ ಕಾಂಬಿನೇಷನ್​ನ​ ಸ್ವಸ್ತಿಕ್ ಚಿತ್ರ ಭರ್ಜರಿ ಯಶಸ್ಸು ಕಂಡಿತ್ತು. ಈಗ ಉಪ್ಪಿ, ರಾಘಣ್ಣ ಅವರನ್ನು ಭೇಟಿ ಮಾಡಿದ್ದು ಮತ್ತೆ ಈ ಜೋಡಿ ಹೊಸ ಸಿನಿಮಾಗೆ ಕೈ ಹಾಕಬಹುದಾ? ಅಥವಾ ರಾಘಣ್ಣನ ಎರಡನೇ ಮಗ ಯುವರಾಜ್​​​ನಿಗೆ ಉಪ್ಪಿ ಸಿನಿಮಾ ಮಾಡ್ತಾರಾ ಎನ್ನುವ ಕುತೂಹಲ ಅಭಿಮಾನಿಗಳಲ್ಲಿ ಮೂಡಿದೆ.