ಕೇಂದ್ರ ಸರ್ಕಾರ ರಸ್ತೆ ಸಂಚಾರ ನಿಯಮ ಉಲ್ಲಂಘನೆ ಮಾಡುವವರಿಗೆ ಹೊಸ ನಿಯಮವನ್ನು ಜಾರಿಗೆ ತಂದಿದ್ದು, ಇದರಿಂದ ಸಾಮಾನ್ಯ ಜನತೆ ಕಕ್ಕಾಬಿಕ್ಕಿ ಆಗಿದ್ದಾರೆ. ಸದ್ಯ ಈ ವಿಚಾರದ ಕುರಿತು ಕನ್ನಡ ನಟಿ ಸೋನು ಗೌಡ ಧ್ವನಿ ಎತ್ತಿದ್ದು, ದುಬಾರಿ ಫೈನ್ ಹಾಕುತ್ತಿರುವುದಕ್ಕೆ ಕಿಡಿಕಾರಿದ್ದಾರೆ.
ಹೊಸ ಟ್ರಾಫಿಕ್ ರೂಲ್ಸ್ ವಿರುದ್ದ ಗುಡುಗಿದ ನಟಿ ಸೋನು ಗೌಡ
ರಸ್ತೆ ಸಂಚಾರ ನಿಯಮ ಉಲ್ಲಂಘಿಸುವವರಿಗೆ ಕಟ್ಟುನಿಟ್ಟಿನ ಹೊಸ ನಿಯಮವನ್ನು ಕೇಂದ್ರ ಸರ್ಕಾರ ಜಾರಿಗೆ ತಂದಿದೆ. ದುಬಾರಿ ದಂಡ ತೆರಬೇಕಾದ ಈ ರೂಲ್ಸ್ ವಿರುದ್ಧ ಈಗಾಗಲೇ ಜನರು ಅಪಸ್ವರ ಎತ್ತಿದ್ದಾರೆ. ಕನ್ನಡದ ನಟಿ ಸೋನು ಗೌಡ ಅವರಿಗೂ ಇದು ಬಿಲ್‌ಕುಲ್ ಇಷ್ಟ ಆಗಿಲ್ಲ.
ನಟಿ ಸೋನು ಗೌಡ
ಈ ಬಗ್ಗೆ ಟ್ವೀಟ್‌ ಮಾಡಿರುವ ಸೋನು ಗೌಡ, ಮೊದಲು ಜನ ಸಾಮಾನ್ಯರು ಓಡಾಡುವ ರಸ್ತೆಗಳನ್ನು ಸರಿ ಮಾಡಿ. ಆಮೇಲೆ ಫೈನ್ ಕೇಳಿ ಎಂದು ಗುಡುಗಿದ್ದಾರೆ.
ಹೊಸ ಟ್ರಾಫಿಕ್ ನಿಯಮದಿಂದ ಭಾರಿ ದಂಡ ಕುರಿತು ಪರ ಹಾಗೂ ವಿರೋಧಾಭಿಪ್ರಾಯಗಳು ಜೋರಾಗಿ ಕೇಳಿ ಬರುತ್ತಿದೆ.