ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಕಳೆದ ತಿಂಗಳು ಸ್ನೇಹಿತರ ಜೊತೆ ಶಬರಿಮಲೆ ಅಯ್ಯಪ್ಪ ಸ್ವಾಮಿ ಮಾಲೆ ಧರಿಸಿದ್ರು. ಇಂದು ಅವರು ಶಬರಿಮಲೆ ಯಾತ್ರೆ ಕೈಗೊಳ್ಳಬೇಕಿತ್ತು. ಆದ್ರೆ ಕೊರೊನಾ ವೈರಸ್ ಭೀತಿಯಿಂದ ಶಿವಣ್ಣ ಕೇರಳದ ಶಬರಿಮಲೆ ಯಾತ್ರೆ ಕೈ ಬಿಟ್ಟಿದ್ದಾರೆ.
ಹಾಗಾಗಿ ನಗರದ ಜಾಲಹಳ್ಳಿ ಅಯ್ಯಪ್ಪಸ್ವಾಮಿ ದೇವಸ್ಥಾನದಲ್ಲಿ ಮಾಲೆ ಕಳಚಲು ನಿರ್ಧರಿಸಿದ್ದಾರೆ. ಅಲ್ಲದೆ ಇಂದು ಶಿವಣ್ಣ ಮಾಲೆ ಕಳಚುವುದರಿಂದ ನಿನ್ನೆ ಶಿವಣ್ಣನ ಮನೆಯಲ್ಲಿ ಪೂಜೆ ಪುನಸ್ಕಾರಗಳು ಜೋರಾಗಿ ನಡೆದವು. ಇಡೀ ದೊಡ್ಮನೆ ಕುಂಟುಂಬವೇ ಶಿವಣ್ಣ ಮನೆಯಲ್ಲಿ ಸೇರಿತ್ತು.
ಅಯ್ಯಪ್ಪನ ವಿಶೇಷ ಪೂಜೆಗೆ ನಟ ಶ್ರೀಮುರಳಿ ಕೂಡ ಆಗಮಿಸಿದ್ರು. ಈ ವೇಳೆ ಶಿವಣ್ಣನಿಗೆ ಶ್ರೀಮುರಳಿ ಪ್ರೀತಿಯಿಂದ ದೋಸೆಯನ್ನು ಕೈತುತ್ತು ಕೊಟ್ಟಿದ್ದಾರೆ. ಮಗುವಿನ ರೀತಿ ಶಿವಣ್ಣಗೆ ಶ್ರೀಮುರುಳಿ ಕೈ ತುತ್ತು ನೀಡುವುದನ್ನ ಹ್ಯಾಟ್ರಿಕ್ ಹೀರೋ ಎಂಜಾಯ್ ಮಾಡಿದ್ದಾರೆ. ಇನ್ನು ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ.