ಇಂದು 'ಸಲಗ' ತಂಡ ಹ್ಯಾಟ್ರಿಕ್ ಹೀರೋ ಶಿವಣ್ಣ ಅವರನ್ನು ಭೇಟಿಯಾಯಿತು. ನಟ ವಿಜಿ ಕರುನಾಡ ಚಕ್ರವರ್ತಿಯ ಕಾಲಿಗೆ ನಮಸ್ಕರಿಸಿ ಆಶೀರ್ವಾದ ಪಡೆದರು. ಈ ವೇಳೆ ಇಡೀ ಚಿತ್ರತಂಡಕ್ಕೆ ವಿಶ್ ಮಾಡಿದ ಶಿವಣ್ಣ, ವಿಜಿ ದುನಿಯಾ ಸಿನಿಮಾಗೂ ಮುನ್ನ ನನ್ನ ಜತೆ ಸಾಕಷ್ಟು ಚಿತ್ರಗಳಲ್ಲಿ ವರ್ಕ್ ಮಾಡಿದ್ದಾರೆ. ನಟನಾಗಿ ಸಕ್ಸಸ್ ಕಂಡಿರುವ ಅವರು, ನಿರ್ದೇಶನದಲ್ಲೂ ಗೆಲುವು ಪಡೆಯಲಿ ಎಂದರು.
ಇನ್ನು ಇತ್ತೀಚಿಗೆ ಬೆಳಗಾವಿ ಜಿಲ್ಲೆಯ ಸವದತ್ತಿ ಎಲ್ಲಮ್ಮನ ಸನ್ನಿಧಿಯಲ್ಲಿ ಸಲಗ ಸ್ಕ್ರಿಪ್ಟ್ ಮಾಡಿಕೊಂಡಿರುವ ಚಿತ್ರತಂಡ, ಇಂದು ಭರ್ಜರಿ ಫೋಟೋ ಶೂಟ್ ನಡೆಸಿತು. ಈ ಫೋಟೋ ಶೂಟ್ ನೋಡ್ತಿದ್ರೆ ಸಲಗ ಪಕ್ಕಾ ಮಾಸ್ ಸಿನಿಮಾ ಅನ್ನೋದು ಗ್ಯಾರಂಟಿ. ಆ್ಯಕ್ಷನ್ ಪ್ರಿಯರಿಗೆ ಹೇಳಿ ಮಾಡಿಸಿದಂತೆ ಫೋಟೋ ಶೂಟ್ ಮಾಡಿಸಲಾಗಿದೆ. ಈ ವೇಳೆ ವಿಜಿಗೆ ಸಂಭಾಷಣೆಕಾರ ಮಾಸ್ತಿ ಸಾಥ್ ನೀಡಿದ್ರು.
ಟಗರು ಖ್ಯಾತಿಯ ಚರಣ್‌ರಾಜ್‌ ಹಾಗೂ ನವೀನ್ ಸಜ್ಜು ಸಂಗೀತ ನೀಡಿದ್ದಾರೆ. ಟಗರು ಸಂಭಾಷಣೆಕಾರ ಮಾಸ್ತಿ ಸಲಗ ಚಿತ್ರಕ್ಕೆ ಸುಂದರವಾದ ಮಾತುಗಳ ಪೋಣಿಸಲಿದ್ದಾರೆ. ಕೆ.ಪಿ. ಶ್ರೀಕಾಂತ್‌ ಬಂಡವಾಳದಲ್ಲಿ ಸಲಗ ನಿರ್ಮಾಣವಾಗಲಿದೆ. ಟಗರು ಚಿತ್ರದಲ್ಲಿ ಅಬ್ಬರಿಸಿದ್ದ ಡಾಲಿ ಧನಂಜಯ, ಕಾಕ್ರೋಚ್‌ ಪಾತ್ರಧಾರಿ ಸುಧಿ ಸಹ ಸಲಗದಲ್ಲಿ ಮುಖ್ಯ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ.
