ಪತ್ತೆದಾರಿ ಕೆಲಸಕ್ಕಿಳಿದ ಕನ್ನಡದ ತ್ಯಾಗರಾಜ

'ಬಟರ್ ಫ್ಲೈ' ಜಪ ಮಾಡ್ತೀರುವ ಚಂದನವನದ ತ್ಯಾಗರಾಜ ರಮೇಶ್ ಅರವಿಂದ್ ಈಗ ಡಿಟೆಕ್ವಿವ್ ಆಗೋದಕ್ಕೆ ರೆಡಿಯಾಗಿದ್ದಾರೆ.

ನಟ ರಮೇಶ್, ಪುಷ್ಪಕ ವಿಮಾನ ಚಿತ್ರದ ನಂತರ ನಿರ್ದೇಶನದಲ್ಲಿ ಬ್ಯುಸಿಯಾಗಿದ್ದರು. ಈಗ ಮತ್ತೆ ಡಿಟೆಕ್ವಿವ್ ಅಧಿಕಾರಿಯಾಗಿ ತೆರೆ ಮೇಲೆ ಬರಲು ರೆಡಿಯಾಗಿದ್ದಾರೆ. ನಿರ್ದೇಶಕ ಆಕಾಶ್ ಶ್ರೀವಾಸ್ತವ್ ನಿರ್ದೇಶನದ 'ಶಿವಾಜಿ ಸುರತ್ಕಲ್'​ ಚಿತ್ರದಲ್ಲಿ ಡಿಟೆಕ್ಟಿವ್​ ಪಾತ್ರ ನಿಭಾಯಿಸುತ್ತಿದ್ದಾರೆ. ಈಗಾಗಲೇ 30% ರಷ್ಟು ಶೂಟಿಂಗ್ ಮುಗಿದಿದೆ.

ಈ ಚಿತ್ರದಲ್ಲಿ ರಮೇಶ್ ಇದುವರೆಗೂ ಕಾಣಿಸಿಕೊಳ್ಳದಂತಹ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ತ್ಯಾಗರಾಜನಾಗಿ ಹೆಣ್ಣುಮಕ್ಕಳ ಹಾಟ್ ಫೇವರೆಟ್ ನಟನಾಗಿರೋ ರಮೇಶ್ ಮೊದಲ ಬಾರಿಗೆ ಡಿಫ್ರೆಂಟ್ ಜಾನರ್ ಚಿತ್ರಕ್ಕೆ ಬಣ್ಣ ಹಚ್ಚಿದ್ದಾರೆ.

ಡಿಟೆಕ್ಟಿವ್​ ಪಾತ್ರದಲ್ಲಿ ನಟ ರಮೇಶ್

ಇನ್ನು ಈ ಚಿತ್ರದಲ್ಲಿ ರಾಧಿಕಾ ಚೇತನ್ ಮತ್ತು ಆರೋಹಿ ನಾರಾಯಣ ನಾಯಕಿಯರಾಗಿ ಕಾಣಿಸಿಕೊಳ್ಳಲಿದ್ದಾರೆ. ಎರಡನೇ ಹಂತದ ಚಿತ್ರೀಕರಣ ಮುಂದಿನ ವಾರ ಶುರುವಾಗಲಿದೆ.