ಮಹಾರಾಷ್ಟ್ರದಲ್ಲಿ ಕೊರೊನಾ ರಣಕೇಕೆ.. ನಟಿ ಮೃಣಾಲ್ ಠಾಕೂರ್​ಗೂ ವಕ್ಕರಿಸಿದ ಮಹಾಮಾರಿ

Actor Mrunal Thakur tests positive for Covid: ಬಾಲಿವುಡ್​ ಮಂದಿಗೆ ಕೊರೊನಾ ಬಿಟ್ಟು ಬಿಡದಂತೆ ಕಾಡುತ್ತಿದ್ದು, ಇದೀಗ ನಟಿ ಮೃಣಾಲ್ ಠಾಕೂರ್​ಗೂ ಸೋಂಕು ದೃಢಪಟ್ಟಿದೆ.

ಮುಂಬೈ(ಮಹಾರಾಷ್ಟ್ರ):ಮಹಾರಾಷ್ಟ್ರದಲ್ಲಿ ಮಹಾಮಾರಿ ಕೊರೊನಾ ಆರ್ಭಟ ಜೋರಾಗಿದ್ದು, ದಿನದಿಂದ ದಿನಕ್ಕೆ ಸೋಂಕಿನ ಪ್ರಕರಣಗಳಲ್ಲಿ ಏರಿಕೆ ಕಂಡು ಬರುತ್ತಿದೆ. ಇಂದು ಬೆಳಗ್ಗೆಯಷ್ಟೇ 10 ಸಚಿವರು ಸೇರಿದಂತೆ 20ಕ್ಕೂ ಅಧಿಕ ಶಾಸಕರಿಗೆ ಸೋಂಕು ದೃಢಪಟ್ಟಿತ್ತು. ಇದರ ಬೆನ್ನಲ್ಲೇ ನಟಿ ಮೃಣಾಲ್​ ಠಾಕೂರ್​ಗೂ ಕೋವಿಡ್ ಸೋಂಕು ತಗುಲಿರುವುದು ಖಚಿತಗೊಂಡಿದೆ.

ಇದಕ್ಕೆ ಸಂಬಂಧಿಸಿದಂತೆ ನಟಿ ಮೃಣಾಲ್​​ ಠಾಕೂರ್​​​ ಇನ್​​​ಸ್ಟಾಗ್ರಾಂನಲ್ಲಿ ಖುದ್ದಾಗಿ ಬರೆದುಕೊಂಡಿದ್ದು, ತನಗೆ ಕೋವಿಡ್​ನ ಸೌಮ್ಯ ಪ್ರಮಾಣದ ಗುಣಲಕ್ಷಣ ಕಂಡು ಬಂದಿರುವುದಾಗಿ ತಿಳಿಸಿದ್ದಾರೆ. ಈಗಾಗಲೇ ಪ್ರತ್ಯೇಕವಾಗಿ ಉಳಿದುಕೊಂಡಿದ್ದೇನೆ ಎಂದಿರುವ ನಟಿ, ವೈದ್ಯರು ನೀಡಿರುವ ಕೋವಿಡ್ ಮಾರ್ಗಸೂಚಿ ಪಾಲನೆ ಮಾಡ್ತಿದ್ದು, ನನ್ನ ಸಂಪರ್ಕಕ್ಕೆ ಬಂದಿರುವವರು ದಯವಿಟ್ಟು ಪರೀಕ್ಷೆ ಮಾಡಿಸಿಕೊಳ್ಳಿ ಎಂದು ಮನವಿ ಮಾಡಿದ್ದಾರೆ.

ನಟಿ ಮೃಣಾಲ್ ಠಾಕೂರ್​ಗೂ ವಕ್ಕರಿಸಿದ ಮಹಾಮಾರಿ

ಮುಂಬೈನಲ್ಲಿ ಮಹಾಮಾರಿ ಕೊರೊನಾ ವೈರಸ್ ಹಾವಳಿ ಜೋರಾಗಿದ್ದು, ಈಗಾಗಲೇ ಬಾಲಿವುಡ್​ನ ಅರ್ಜುನ್ ಕಪೂರ್, ಕರೀನಾ ಕಪೂರ್​, ರಿಯಾ ಕಪೂರ್​ ಸೇರಿದಂತೆ ಅನೇಕರಲ್ಲಿ ಸೋಂಕು ಕಾಣಿಸಿಕೊಂಡಿತ್ತು. ಶಾಹಿದ್ ಕಪೂರ್​ ಜೊತೆಯಾಗಿ ನಟಿ ಮೃಣಾಲ್​ ಠಾಕೂರ್ ಜರ್ಸಿ ಚಿತ್ರದಲ್ಲಿ ನಟಿಸಿದ್ದು, ಕೊರೊನಾ ಹಾಗೂ ಒಮಿಕ್ರಾನ್​​ನಿಂದಾಗಿ ಚಿತ್ರ ಬಿಡುಗಡೆ ದಿನಾಂಕವನ್ನು ಮುಂದೂಡಲಾಗಿದೆ. ​

ಮಹಾರಾಷ್ಟ್ರದಲ್ಲಿ ನಿನ್ನೆ ಒಂದೇ ದಿನ 7 ಸಾವಿರಕ್ಕೂ ಅಧಿಕ ಕೊರೊನಾ ಸೋಂಕಿತ ಪ್ರಕರಣ ಕಾಣಿಸಿಕೊಂಡಿದ್ದು, ಸದ್ಯ ಸಕ್ರಿಯ ಪ್ರಕರಣಗಳ ಸಂಖ್ಯೆ 22,775 ಕ್ಕೂ ಅಧಿಕವಾಗಿದೆ. ಇದರ ಮಧ್ಯೆ ಒಮಿಕ್ರಾನ್​ ಪ್ರಕರಣಗಳ ಸಂಖ್ಯೆ ಕೂಡ 450ರ ಗಡಿ ದಾಟಿದೆ.