2 ತಿಂಗಳ ಕಂದನ ಹೃದಯ ಕಸಿಗೆ ಆರ್ಥಿಕ ನೆರವು ನೀಡಿದ ಪ್ರಿನ್ಸ್​ ಮಹೇಶ್​​ಬಾಬು

ಹೃದಯ ಕಸಿಗಾಗಿ ಆರ್ಥಿಕ ನೆರವು ನೀಡಿ ಎರಡು ತಿಂಗಳ ಮಗುವಿಗೆ ಪುನರ್​​ಜನ್ಮ ನೀಡಿರುವ ಮಹೇಶ್​​ಬಾಬು ಅವರಿಗೆ ಪೋಷಕರು ಧನ್ಯವಾದ ತಿಳಿಸಿದ್ದಾರೆ.

ಅಮಲಪುರಂ ಪಟ್ಟಣ (ಆಂಧ್ರ ಪ್ರದೇಶ):ಎರಡು ತಿಂಗಳ ಮಗುವಿನ ಹೃದಯ ಕಸಿಗಾಗಿ ಆರ್ಥಿಕ ನೆರವು ನೀಡುವ ಮೂಲಕ ನಮ್ಮ ಕಂದನಿಗೆ ಪುನರ್​​​​ಜನ್ಮ ಕೊಟ್ಟಿದ್ದಾರೆ ಎಂದು ಪ್ರದೀಪ್​, ನಾಗಜ್ಯೋತಿ ದಂಪತಿ ನಟ ಮಹೇಶ್​ಬಾಬು ಅವರಿಗೆ ಧನ್ಯವಾದ ಅರ್ಪಿಸಿದ್ದಾರೆ.

ಮೊದಲು ಮಗುವಿನ ಆರೋಗ್ಯ ಚೆನ್ನಾಗಿತ್ತು. ಕೆಲವು ದಿನಗಳ ನಂತರ ಅನಾರೋಗ್ಯ ಕಾಣಿಸಿಕೊಂಡಿತು. ಆಗ ಅಮಲಾಪುರದ ಆಸ್ಪತ್ರೆಯಲ್ಲಿ ಸೇರಿಸಲಾಗಿತ್ತು. ಅಪರೂಪದ ಹೃದಯ ರೋಗದಿಂದ ಮಗು ಬಳಲುತ್ತಿದೆ ಎಂದು ವೈದ್ಯರು ಪೋಷಕರಿಗೆ ತಿಳಿಸಿದರು.

ಮಗಳೊಂದಿಗೆ ಮಹೇಶ್​​ಬಾಬು

ವಿಷಯ ತಿಳಿದು ಅಮಲಾಪುರ ಪಟ್ಟಣದ ಮಹೇಶ್​ಬಾಬು ಅಭಿಮಾನಿಗಳ ಸಂಘದ ಅಧ್ಯಕ್ಷ ಕೊಪ್ಪಿಶೆಟ್ಟಿ ನರಸಿಂಹರಾವು ಅವರು, ಮಹೇಶ್​​ಬಾಬು ಟ್ರಸ್ಟ್​​​ ಬೋರ್ಡ್ ಸದಸ್ಯರ​​​​​ ಗಮನಕ್ಕೆ ತಂದರು.

ಮೇ 31ರಂದು ಸೂಪರ್​​ಸ್ಟಾರ್​​ ಕೃಷ್ಣ ಅವರ ಜನ್ಮದಿನದ ಮರುದಿನ ಆಂಧ್ರದ ವಿಜಯವಾಡದ ಆಸ್ಪತ್ರೆಯೊಂದಕ್ಕೆ ಮಗುವನ್ನು ದಾಖಲು ಮಾಡಲಾಯಿತು. ಅದಕ್ಕೆ ಮಹೇಶ್​ಬಾಬು ಅವರು ಹಣಕಾಸು ನೆರವು ನೀಡಿದರು. ಜೂನ್​ 2ರಂದು ಶಸ್ತ್ರಚಿಕಿತ್ಸೆ ಮಾಡಿ ಮಗುವಿಗೆ ಮರುಜೀವ ನೀಡಲಾಯಿತು.