ಎಂಥ ಅದ್ಭುತ ಹೀರೋಗಳು ನೀವು! ನಿಜವಾದ ಭಾರತದ ಸೂಪರ್ ಸ್ಟಾರ್ಗಳು ನೀವೆ! ಸ್ಯಾಂಡಲ್ವುಡ್ನ ನವರಸ ನಾಯಕ ಜಗ್ಗೇಶ್ ಈ ರೀತಿಯಾಗಿ ಟ್ವೀಟ್ ಮಾಡಿದ್ದಾರೆ.
ಭಾರತ-ಚೀನಾ ನಡುವೆ ಲಡಾಖ್ನಲ್ಲಿ ನಡೆದ ಸಂಘರ್ಷದಲ್ಲಿ ನಮ್ಮ 20 ಯೋಧರು ಹುತಾತ್ಮರಾಗಿದ್ದು, ಅನೇಕ ಯೋಧರು ಗಾಯಗೊಂಡಿದ್ದಾರೆ. ಇದಾದ ಬಳಿಕ ಚೀನಾ ವಸ್ತುಗಳನ್ನ ಬಹಿಷ್ಕಾರ ಮಾಡಬೇಕು ಎಂಬ ಕೂಗು ಎಲ್ಲೆಡೆಯಿಂದ ಗಂಭೀರವಾಗಿ ಕೇಳಿ ಬರುತ್ತಿದೆ. ಇದಕ್ಕೆ ನಟ ಜಗ್ಗೇಶ್ ಕೂಡ ಧ್ವನಿಗೂಡಿಸಿದ್ದಾರೆ.
ಇಂಡೋ-ಚೀನಾ ಗಡಿಯಲ್ಲಿ ಸೇವೆ ಸಲ್ಲಿಸುತ್ತಿರುವ ಭಾರತೀಯ ಯೋಧನ ವಿಡಿಯೋವೊಂದನ್ನ ಜಗ್ಗೇಶ್ ತಮ್ಮ ಟ್ವೀಟರ್ನಲ್ಲಿ ಹಾಕಿಕೊಂಡಿದ್ದಾರೆ. ಅದರಲ್ಲಿ ನಾವು ಇಂತಹ ಕಠಿಣ ಪರಿಸ್ಥಿತಿಯಲ್ಲೂ ಚೀನಾ ವಿರುದ್ಧ ಹೋರಾಡುತ್ತಿದ್ದೇನೆ. ಅದರೆ ನೀವು ಮೊಬೈಲ್ನಲ್ಲಿ ಚೀನಾ ಆ್ಯಪ್ ಬಳಸುತ್ತಿದ್ದು, ಚೀನಾ ವಸ್ತುಗಳನ್ನು ಬಹಿಷ್ಕರಿಸಿ ದೇಶ ಪ್ರೇಮ ಮೆರೆಯಬೇಕು ಎಂದು ಹೇಳಿದ್ದಾರೆ.
ಇದಕ್ಕೆ ತಮ್ಮ ಅಭಿಪ್ರಾಯ ಸೇರಿಸಿರುವ ನಟ, ಎಂಥ ಅದ್ಭುತ ಹೀರೋಗಳು ನೀವು! ನಿಜವಾದ ಭಾರತದ ಸೂಪರ್ ಸ್ಟಾರ್ಗಳು ನೀವೆ! ಪರದೆ ಮೇಲೆ ಡೈಲಾಗ್ ಹೊಡೆದು ಜನರ ಕೈಗೆ ಸಿಗದೆ ಬಚ್ಚಿಟ್ಟುಕೊಳ್ಳೊ ನಾವಲ್ಲಾ ಹೀರೊಗಳು! ಒಬ್ಬ ಹೀರೂ ಕಟ್ಟಿಂಗ್ ಬಟ್ಟೆ ಸ್ಟೈಲ್ ಅನುಕರಣೆ ಬದಲು ದೇಶ ಕಾಯುವ ಈ ಹೀರೊಗಳ ಬೆಂಬಲಿಸುವ ಆತ್ಮಗೌರವ ಹೆಚ್ಚುತ್ತೆ!ಈ ಸೈನಿಕ ಹೇಳಿದಂತೆ ಚೀನಾ ವಸ್ತುಗಳನ್ನ ಬಹಿಷ್ಕರಿಸೋಣ ಎಂದಿದ್ದಾರೆ.
