ಲಂಬೋದರನ ಡೈಲಾಗ್​ಗೆ ಆ್ಯಕ್ಷನ್ ಪ್ರಿನ್ಸ್ ಫಿದಾ!

ಆ್ಯಕ್ಷನ್ ಪ್ರಿನ್ಸ್ ಧೃವ ಸರ್ಜಾ 'ಲಂಡನ್​​ನಲ್ಲಿ ಲಂಬೋದರ' ಚಿತ್ರದ ಟ್ರೇಲರ್​ ವೀಕ್ಷಿಸಿ, ಡೈಲಾಗ್ ಮತ್ತು ಲವ್ ಸ್ಟೋರಿ ಕಥೆ ಮೆಚ್ಚಿಕೊಂಡಿದ್ದಾರೆ‌.

ರಾಜ್​ಸೂರ್ಯ ನಿರ್ದೇಶನದ ಈ ಚಿತ್ರ ಇದೇ ಮಾರ್ಚ್ 29ರಂದು ತೆರೆ ಕಾಣುತ್ತಿದ್ದು, ಇಂದು ಆ್ಯಕ್ಷನ್ ಪ್ರಿನ್ಸ್​ ಟ್ರೇಲರ್ ನೋಡಿ ಚಿತ್ರತಂಡಕ್ಕೆ ವಿಶ್ ಮಾಡಿದ್ದಾರೆ.

ಈ ಚಿತ್ರದಲ್ಲಿ ಲಂಡನ್​​ನಲ್ಲಿ ನೆಲೆಸಿರುವ ಮೈಸೂರು ಮೂಲದ ಸಂತೋಷ್ ಹಾಗೂ ಬಿಗ್ ಬಾಸ್ ಖ್ಯಾತಿಯ ಶ್ರುತಿ ಪ್ರಕಾಶ್ ಮುಖ್ಯ ಭೂಮಿಕೆಯಲ್ಲಿದ್ದಾರೆ. ಸಿಂಪಲ್ ಸುನಿ ಬಳಿ ಹಲವು ವರ್ಷಗಳಿಂದ ಕೆಲಸ ಮಾಡಿರುವ ರಾಜ್ ಸೂರ್ಯ ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಲಂಡನ್‍ನಲ್ಲಿ ನೆಲೆಸಿರುವ ಕನ್ನಡಿಗರಾದ ಕಲ್ಯಾಣ್, ಡಾ.ಸಚ್ಚಿ, ಡಾ. ವಿಶ್ವನಾಥ್ ಸೇರಿದಂತೆ ಹದಿನೈದು ಮಂದಿ ಸೇರಿಕೊಂಡು ಈ ಚಿತ್ರ ನಿರ್ಮಾಣ ಮಾಡಿದ್ದಾರೆ.